အစ္စရေးလ်လက်ထောက်နိုင်ငံခြားရေးဝန်ကြီး ၃၅ နှစ်အတွင်း မြန်မာနိုင်ငံရောက်

အစ္စရေးလ်လက်ထောက် နိုင်ငံခြားရေးဝန်ကြီး Tzachi Hanegbi ဟာ ၃၅ နှစ်အတွင်း ပထမဆုံး အဆင့်မြင့် အစ္စရေးလ်အရာရှိအဖြစ်နဲ့ မြန်မာနိုင်ငံကို ဗုဒ္ဓဟူးနေ့က ရောက်ရှိသွားပြီ ဖြစ်ပါတယ်။မြန်မာနိုင်ငံကို နောက် ဆုံး တရားဝင် အလည်အပတ် ရောက်ရှိခဲ့သူကတော့ အစ္စရေးလ် ခေါင်းဆောင်ဟောင်း Moshe Dayan ဖြစ်ပြီး ၁၉၇၉ ခုနှစ်က ရောက်ရှိခဲ့တာ ဖြစ်ပါတယ်။

မြန်မာနဲ့ အစ္စရေးလ်နိုင်ငံတို့ဟာ ၁၉၅၀ ခုနှစ်တွေကစလို့ ရေရှည် ချစ်ကြည် ရင်းနှီးခဲ့ကြတဲ့ နိုင်ငံတွေဖြစ်ပြီး ၁၉၅၉ ခုနှစ်မှာ အဲဒီအချိန်က ၀န်ကြီးချုပ်တာဝန် ထမ်းဆောင်နေတဲ့ ဦးနု အစ္စရေးလ်ကို သွားရောက်လည် ပတ်ခဲ့သလို အစ္စရေးလ် ၀န်ကြီးချုပ် David Ben Gurion ကလည်း ၁၉၆၁ ခုနှစ်မှာ မြန်မာနိုင်ငံကို သွားရောက် လည်ပတ်ခဲ့တဲ့အကြောင်း ဂျေရုဆလင်မြို့မှာရှိတဲ့ အစ္စရေးလ် နိုင်ငံခြားရေးဝန်ကြီးဌာန ပြောခွင့်ရရုံးက ကြေငြာချက် ထုတ်ပြန်ခဲ့ပါတယ်။

မြန်မာနိုင်ငံအတွင်း စီးပွားရေး ပြုပြင်ပြောင်းလဲမှုတွေ လုပ်ဆောင်နေတာက အစ္စရေးလ်နိုင်ငံ ကုမ္ပဏီတွေနဲ့ စီးပွားရေးလုပ်ငန်းရှင်တွေ အပါအ၀င် နိုင်ငံတကာက ရင်းနှီးမြှုပ်နှံသူတွေကို စွဲဆောင်မှု ပေးနေကြောင်း လည်း အဲဒီကြေငြာချက်မှာ ဖော်ပြထားပါတယ်။

လက်ထောက် နိုင်ငံခြားရေးဝန်ကြီး Hanegbi ရဲ့ ၃ ရက်ကြာ မြန်မာနိုင်ငံ ခရီးစဉ်အတွင်း အစ္စရေးလ်နိုင်ငံ ဆိုင်ရာ မြန်မာသံအမတ်ကြီးအဖြစ် တာဝန်ထမ်းဆောင်ဖူးသူ လက်ရှိ နိုင်ငံခြားရေးဝန်ကြီး ဦးဝဏ္ဏမောင် လွင်၊ နိုဘဲလ်ငြိမ်းချမ်းရေးဆုရှင် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တခြား နိုင်ငံရေးခေါင်းဆောင်တွေနဲ့ တွေ့ဆုံသွားမယ်လို့ ဆိုပါတယ်။

လက်ထောက် နိုင်ငံခြားရေးဝန်ကြီး Hanegbi ဟာ မြန်မာနိုင်ငံကနေ သောကြာနေ့ မှာ ပြန်လည် ထွက်ခွာ မှာ ဖြစ်ပါတယ်။

VOA