နေပြည်တော်မှာ ကျင်းပခဲ့တဲ့ အစည်းအဝေးအတွင်း အမေရိကန်နဲ့ အာဆီယံနိုင်ငံအကြား စီးပွားရေး ပူးပေါင်းမှုတွေလုပ်ဖို့ ပူးပေါင်း ကြေညာချက် ထုတ်ပြန်လိုက်ပါတယ်။အာဆီယံ-အမေရိကန် စီးပွားရေး ဆွေးနွေးပွဲ အတွင်း အာဆီယံနဲ့ အမေရိကန် နိုင်ငံက အသေးစားနဲ့ အလတ်စား စီးပွားရေး တွေအကြား ပူးပေါင်းလုပ် ဆောင်ကြဖို့ သဘောတူကြတာ ဖြစ်ပါတယ်။
နှစ်နိုင်ငံ စီးပွားရေး သမားတွေ အတွက် ဈေးကွက်တွေ ပိုမို ကျယ်ပြန့် လာအောင် လုပ်ဆောင်ဖို့ သဘောတူ ကြတာလည်း ဖြစ်ပါတယ်။ အာဆီယံအသင်းရဲ့ ကုန်သွယ်ရေးနဲ့ စီးပွားရေး ဖွံ့ဖြိုးမှုတွေမှာ အမေရိကန် အနေနဲ့ ထောက်ပံ့ကူညီ ပေးခဲ့တာတွေကို အသိအမှတ် ပြုကြောင်း အာဆီယံ ဘက်ကလည်း ဖော်ပြထား ပါတယ်။
အာဆီယံနဲ့ အမေရိကန် နိုင်ငံအကြား ကုန်သွယ်ရေး ဟာလည်း စံချိန်သစ် တင်နိုင်ခဲ့ပြီး ပြီးခဲ့တဲ့ နှစ်တုန်းက တန်ဖိုးအားဖြင့် ဒေါ်လာ ၂၀၇ ဘီလီယံ ရှိခဲ့ပါတယ်။ ဒါ့အပြင် နှစ်စဉ်နှစ်တိုင်း ၄% တိုးတက်မှု ရှိနေတယ်လို့လည်း သိရပါတယ်။
အာဆီယံ အသင်းနဲ့ ကုန်သွယ်ဘက်တွေထဲမှာ အမေရိကန်က စတုတ္တ အကြီးမားဆုံး ကုန်သွယ်ဘက် ဖြစ်ကြောင်းလည်း သိရပြီး အာဆီယံအတွက် အမေရိကန်ဟာ စတုတ္တ ပို့ကုန်အရောင်းချနိုင်ဆုံး ဈေးကွက် လည်း ဖြစ်နေပါတယ်။
No comments:
Post a Comment