ငြိမ်းချမ်းစွာအတူယှဉ်တွဲနေထိုင်ရေး မူ ၅ ချက်ကို တရုတ်ပြည်နဲ့အတူ မြန်မာနိုင်ငံက ပူးပေါင်းဆောင်ရွက် သွားမှာဖြစ်ကြောင်း သမ္မတရဲ့ ပြောခွင့်ရသူ ပြန်ကြားရေး ဒုတိယဝန်ကြီး ဦးရဲထွဋ် က ပြောပါတယ်။ တရုတ် ဆင်ဝှာ သတင်းဌာနနဲ့ မနေ့က တွေ့ဆုံမေးမြန်းခဲ့ရာမှာ ပြောကြားခဲ့တာပါ။
လွန်ခဲ့တဲ့ နှစ်ပေါင်း (၆၀) က မြန်မာ၊ တရုတ်၊ အိန္ဒိယ ခေါင်းဆောင်တွေဟာ နောင်မှာ နိုင်ငံတကာ ဆက်ဆံရေး ရဲ့ အခြေခံလမ်းညွှန်မူဝါဒ နဲ့ စံနှုန်းတွေဖြစ်လာမယ့် ငြိမ်းချမ်းစွာအတူယှဉ်တွဲနေထိုင်ရေး မူ ၅ ချက်ကို စတင် ရဲရဲဝံ့ဝံ့ချမှတ်ခဲ့ကြတာဟာ သမိုင်းဝင်ဆုံးဖြတ်ချက်ဖြစ်ကြောင်း၊ အဲသလို ဆုံးဖြတ် ချမှတ်ခဲ့ကြပြီးတဲ့နောက်မှာလည်း အာရှနဲ့ နိုင်ငံတကာ ငြိမ်းချမ်းတည်ငြိမ်ရေးအတွက် အထင်ကရ ဆောင်ရွက်ခဲ့ကြကြောင်း၊ ဒီအတွက် ဂုဏ်ယူပါကြောင်း ဦးရဲထွဋ်က ပြောကြားခဲ့ပါတယ်။
သမ္မတ ဦးသိန်းစိန်ဟာ တရုတ်ပြည်ကို လေးရက်ကြာ ချစ်ကြည်ရေး အလည်အပတ်သွားရောက်မှာ ဖြစ်ပြီး၊ ဇွန်လ ၂၈ ရက် ဘေဂျင်းမှာ ကျင်းပမယ့် ငြိမ်းချမ်းစွာအတူယှဉ်တွဲနေထိုင်ရေး မူ ၅ ချက် နှစ် (၆၀) ပြည့် အထိမ်းအမှတ် အခမ်းအနားကို တက်ရောက်မှာဖြစ်ပါတယ်။
RFA Burmese
No comments:
Post a Comment