လတ်တလော ဖမ်းဆီး အကျဉ်းချခံထားရသော သာသနာရေးဝန်ကြီးဟောင်း ဦးဆန်းဆင့်အား တာဝန်မှ ရပ်ဆိုင်းလိုက်ခြင်းနှင့်ပတ်သက်ပြီး သမ္မတ ပြောရေးဆိုခွင့်ရ ပြန်ကြားရေး ဒု-ဝန်ကြီး ဦးရဲထွဋ်က မီဒီယာ များသို့ အကြောင်းပြချက် ၂ ရပ်ပေးသည်။ နေပြည်တော်၊ ဥတ္တရသီရိမြို့နယ်၊ ဘုရားကုန်းမြို့မရဲစခန်းတွင် အထူးစုံစမ်းစစ်ဆေးရေး ဦးစီးဌာနက အမှုဖွင့် တိုင်ကြားခဲ့သကဲ့သို့ ပြည်သူ့ဘဏ္ဍာငွေ အလွဲသုံးစားမှု ပုဒ်မ ၄၀၉/၁၀၉ နှင့် မဟာသန္တိသုခအရေး ကိုင်တွယ်မှုအပါအဝင် အခြားအုပ်ချုပ်ရေးဆိုင်ရာများ သမ္မတ၏ ပေါ်လစီထက် ကျော်လွန်လုပ်ဆောင်ခြင်းဟူ၏။
ငွေကြေးအလွဲသုံးစားလုပ်ခြင်းကြောင့် အစိုးရဝန်ကြီးတဦးအား တရားဝင် လူသိရှင်ကြား အရေးယူခြင်းသည် ယခုအကြိမ် သမ္မတဦးသိန်းစိန်လက်ထက် ပထမဆုံးဖြစ်သည်။ သို့သော် ဌာနပိုင်ငွေ သိန်း ၁၀၀ ကျော်ကို ကိုယ်ရေးကိုယ်တာအတွက် ထုတ်ယူသုံးစွဲပြီး ၂၈ သိန်းကျော် ပြန်သွင်းထားသောကြောင့် ၇၂ ကျော် ပေးရန် ကျန်ရှိကြောင်း ထုတ်ပြန်ထားရာ ယင်းငွေကြေးပမာဏသည် လူရယ်စရာဖြစ်နေသည်။ လစာဝင်ငွေ မလောက်ငှသော အုပ်ချုပ်ရေးယန္တရားကို ကျပ် ၃ သိန်းအောက် လာဘ်ယူခွင့် သမ္မတက သတ်မှတ်ပေး ထားရသော မြန်မာနိုင်ငံကို Transparency International နိုင်ငံတကာ ခြစားမှုစောင့်ကြည့်ရေးအဖွဲ့က ၁၇၇ နိုင်ငံတွင် ၁၅၇ အဆင့်ပေးထားသည်။
ဦးဆန်းဆင့်သည် အခြားစစ်ဗိုလ်ချုပ်ဟောင်းများလို မဟုတ်၊ ဦးသိန်းစိန်ကဲ့သို့ ခြစားမှု အနည်းဆုံး အုပ်ချုပ် သူတဦးအဖြစ် အများပြည်သူက မြင်သည်။ ထို့ပြင် အစိုးရဝန်ကြီးဌာနများကြား ခြစားမှုများရှိကြောင်း ဦးဆန်းဆင့်က ဗြောင် ဝေဖန်ခဲ့ဖူးသည်။ ယခု သူ့ကို ငွေကြေးအလွဲသုံးစားမှုဖြင့် ဖမ်းဆီးသည်မှာ အဆီ အငေါ်မတည့် ဖြစ်နေသည်။ ဦးဆန်းဆင့် ရာထူးမှ ရပ်စဲပြီး ဖမ်းဆီးခံရခြင်းသည် နိုင်ငံရေးအကွဲအပြဲနှင့်သာ ပို သက်ဆိုင်မည်။ သမ္မတနှင့် ရပ်တည်ချက် ကွဲပြားပြီး မဟာသန္တိသုခအရေး သာသနာရေးဝန်ကြီးဌာန
ကိုယ်စား တာဝန်ခံခဲ့ခြင်းဖြစ်မည်။
သို့သော် မဟာသန္တိသုခအရေး အစိုးရ နာမည်ပျက်ခဲ့ရသည်အား ဦးဆန်းဆင့်ကို ဖမ်းရုံဖြင့် အဖတ်ပြန် မဆယ်နိုင်သေး။ ယခင် ဆက်သွယ်ရေးဝန်ကြီးအား ဖြုတ်ထုတ်ပြီး ဝန်ကြီးဌာနကို အသွင်ပြောင်းခဲ့သလို ဦးသိန်းစိန် ယခုတကြိမ်လည်း သာသနာရေးဝန်ကြီးဌာနကို ပြောင်းလဲနိုင်ရမည်။ သို့သော် သံဃာများအား တရားစွဲထားခြင်းကို ရုတ်သိမ်းခြင်းမှအစ သံဃာနှင့်အလှူ့ရှင် ဒါယကာများအကြား ပြန်လည်စည်းလုံး ညီညွတ်စေမည့် မဟာသန္တိသုခကျောင်းကြီးအား ပီနန်ဆရာတော်ကြီး၏ ရည်ရွယ်ရင်းအတိုင်း ကမ္ဘာ့ သာသနာပြု ဗုဒ္ဓဘာသာ ဘုန်းတော်ကြီးများ မွေးထုတ်ပေးရာကျောင်း ပြန်ဖြစ်စေရေးအထိ သမ္မတ ဦးသိန်းစိန် က လုပ်ဆောင်ပေးရဦးမည်ဖြစ်သည်။
လတ်တလောတွင်မူ ဦးဆန်းဆင့် အဖမ်းခံရသည်မှာ ဦးသိန်းစိန်အစိုးရ၏ ခြစားမှုတိုက်ဖျက်ရေး ဦးတည် ချက်ဖြင့် အရေးယူလုပ်ဆောင်ချက်မဟုတ်ဘဲ ယခင်စစ်အစိုးရအဆက်ဆက် ကျင့်သုံးခဲ့သည့်အတိုင်း အကွဲ အပြဲကို ခြစားမှုအမည်တပ်ပြီး နိုင်ငံရေးလက်ဦးမှုရယူခြင်း သက်သက်ဟုသာ အဓိပ္ပါယ်ထွက်နေတော့သည်။
ဧရာဝတီ
No comments:
Post a Comment