အစိုးရ စစ်တပ်နှင့် DKBA တို့ တိုက်ပွဲဖြစ်ပွား၊ ငြိမ်းချမ်းရေးဖြစ်စဉ် ထိခိုက်မည်ကို စိုးရိမ်ဟုဆို

အစိုးရ စစ်တပ်နှင့် ဒီမိုကရေစီအကျိုးပြု ကရင်အမျိုးသားတပ်မတော် (DKBA)တို့ ဇူလိုင်လ ၂ ရက်က အာရှလမ်းမကြီးနှင့် မြဝတီ ကော့ကရိတ် မြို့ကြား လမ်းပိုင်း ကော့နွဲ့ရွာနှင့် တစ်မိုင်ခန့်အကွာတွင် တိုက်ပွဲ များဖြစ်ပွားခဲ့သည့်အတွက် ငြိမ်းချမ်းရေးဖြစ်စဉ် ထိခိုက်မည်ကို စိုးရိမ်သည်ဟု DKBA က ဗိုလ်မှူးကြီး စောဆန်းအောင်က မဇ္ဈိမကိုပြောသည်။

ဇူလိုင်လ ၂ ရက် မနက် ၅ နာရီခွဲအချိန်က အစိုးရ စစ်တပ်က လက်နက်ကြီး များဖြင့် စတင်ပစ်ခက်ခဲ့ပြီး မနက် ၉ နာရီအချိန်ထိ ပစ်ခတ်မှုများ ဆက်လက်ပြုလုပ်နေကာ DKBA အဖွဲ့ဝင်နှစ်ဦး ဒဏ်ရာရရှိခဲ့သည့် အတွက် နံနက် ၉နာရီ အချိန်တွင်ပြန်လည် ပစ်ခတ်မှုများပြုလုပ်ခဲ့ခြင်းဖြစ်သည်ဟု ၎င်းက ဆက်လက်ပြော ကြားသည်။

ဗိုလ်မှူးကြီးစောဆန်းအောင်က “သေနတ်သံကြားတယ်။ လက်နက်ကြီးပစ်တဲ့ အသံကြားတယ်။ ကြားတော့ မတော်တဆဖြစ်တာလား။ တမင်သက်သက် လုပ်တာလားပေါ့။ နောက်တော့ လက်နက်ကြီးသံ ဆက်တိုက် ကြားရတယ်။ တစ်မနက်လုံး ပစ်တယ်။ လေးငါးဆယ်ချက်မကဘူး အချက် လေးငါးဆယ် လောက်ကို ပစ် တယ်။” ဟုပြောသည်။

အစိုးရစစ်တပ် တပ်ရင်း ၂၃၀၊ ၂၃၁ နှင့် ဒီကေဘီအေတို့ တိုက်ပွဲဖြစ်နေခြင်း ဖြစ်ပြီး အာရှလမ်းမကြီး မြဝတီ -ကော့ကရိတ်မြို့ကြား လမ်းပိုင်းရှိ ဒီကေဘီအေ တပ်များကို အစိုးရစစ်တပ်က ဖယ်ရှားခိုင်းရာမှ တိုက်ပွဲများ ဖြစ်ပွားခြင်းဖြစ်ပြီး အဆိုပါ ဖြစ်စဉ်နှင့် ပတ်သက်၍ မြန်မာငြိမ်ချမ်းရေးစင်တာ (MPC)၏ တာဝန်ရှိသူထံသို့ DKBA၏ ဆက်ဆံရေးရုံး တာဝန်ရှိသူထံမှ တစ်ဆင့် အကြောင်းကြားထားသည်ဟု ၎င်းကဆိုသည်။

ဇူလိုင်လ ၂ ရက် မနက် ၅နာရီခွဲ အချိန်က စတင်ဖြစ်ပွားခဲ့သည့် တိုက်ပွဲများသည် ညနေ ၄ နာရီခန့် အချိန်ထိ ဖြစ်ပွားနေစဲဖြစ် သည်ဟု ဗိုလ်မှူးကြီးစောဆန်းအောင်က ညနေ ၄နာရီခွဲအချိန်က မဇ္ဈိမကို အတည်ပြုပြောကြားသည်။

DKBA ဘက်က စတင်တိုက်ခိုက်ခြင်းမဟုတ်ဘဲ စစ်တပ်ဘက်က စတင်တိုက် ခိုက်ခြင်းဖြစ်ပြီး မြန်မာနိုင် ငံငြိမ်းချမ်းရေး ဖော်ဆောင်နေသည့် ကာလတွင်း ဖြစ်ခဲ့ခြင်းဖြစ်သဖြင့် လက်ရှိ ငြိမ်းချမ်းရေးဖြစ်စဉ်များ အပေါ် စိုးရိမ်မိသည်ဟု လည်း ၎င်းကဆိုသည်။

Mizzima - News in Burmese