လာမည့် အထွေထွေရွေးကောက်ပွဲတွင် မည်သည့်နိုင်ငံရေးပါတီကို မဲပေးသည်ဖြစ်စေ မဲပေးခွင့်ရှိသူအား လုံး လွတ်လပ်စွာမဲပေးခွင့်ရရှိရေးက အဓိကကျသည်ဟု အတိုက်အခံ ခေါင်းဆောင် အမျိုးသားဒီမိုကရေစီ အဖွဲ့ချုပ်ဥက္ကဌ ဒေါ်အောင်ဆန်းစုကြည်က ဇွန် ၂၉ရက်က ပြည်သူ့လွှတ်တော် အစည်းအဝေးမစခင် သတင်း ထောက်များကို ပြောသည်။
ဒေါ်အောင်ဆန်းစုကြည်က “ကိုယ့်ပါတီကိုတော့ မဲပေးစေချင်တာပေါ့။ ဒါကတော့ ဗြောင်ပြော လို့ရပါတယ်။ ဒါပေမယ့် မဲစာရင်း ထဲမှာပါဖို့က အဓိက” ဟု ပြောသည်။
ပြည်ထောင်စုရွေးကောက်ပွဲကော်မရှင်က ထုတ်ပြန်ထားသော မဲပေးခွင့်ရှိသူ အခြေခံမဲစာရင်းတွင် မှား ယွင်းမှု၊ လွဲချော်မှုများစွာ ဖြစ်ပေါ်နေချိန်နှင့် တိုက်ဆိုင်စွာပင် ဒေါ်အောင်ဆန်းစုကြည်က ပြောဆိုလိုက်ခြင်း ဖြစ်သည်။
ပြီးခဲ့သည့်နှစ်ရက်ကလည်း နေပြည်တော်ပုဗ္ဗသီရိမြို့နယ်ရှိကျည်တောင်ကန် ရပ်ကွက်(၂)အတွင်းရှိ အိမ် ထောင်စု ၂၄ စု သို့ ဒေါ်အောင်ဆန်းစုကြည် ကိုယ်တိုင် တစ်အိမ်တက်/ဆင်းကာ မဲစာရင်း စိစစ်ခဲ့သေး သည်။
ဒေါ်အောင်ဆန်းစုကြည်က “လက်တွေ့ဆင်းတဲ့အခါ သွားတဲ့အိမ်တော်တော် များများမှာ မဲစာရင်းတွေ စစ်ပြီးတဲ့လူတွေတောင်မှ မှားလို့ပြန် ပြင်ရတာ ရှိတယ်။ ဥပမာဆိုရင် မှတ်ပုံတင်နံပါတ်မှား လို့ပြန်ပြင်ရ တယ်။ တစ်ချို့တွေ ကတော့ မကြည့်ရသေးဘူး။ တစ်ချို့ကလည်းမပါဘူး။ တစ်ယောက် နှစ်ယောက်ဆိုရင် မှတ်ပုံတင်ပျောက်တယ်” ဟု ပြောသည်။
၂၀၁၅အထွေထွေရွေးကောက်ပွဲကို လာမည့် နိုဝင်ဘာလဆန်းတွင် ကျင်းပ မည်ဟု အစိုးရထုတ် နိုင်ငံပိုင် သတင်းစာများ တွင် ဖော်ပြချက်အရ ရွေးကောက်ပွဲကျင်းပရန် ရက်ပေါင်း တစ်ရာကျော်သာ လိုတော့သည်။ သို့သော် မဲစာရင်းမှားယွင်းမှုများ မှာ နိုင်ငံအဝှမ်းဖြစ်ပေါ်လျက်ရှိသည်။
လွှတ်တော်တွင် သတင်းရယူနေသည့် သတင်းထောက်တစ်ဦးက “သေသွားတဲ့ ကျွန်တော်အဖိုးနဲ့ လေး တန်းတက်နေတဲ့ ကျွန်တော်ညီလေးက မဲစာရင်းထဲမှာပါပြီးတော့ ကျွန်တော်ကျတော့ စာရင်းထဲမပါဘူးဗျာ” ဟု ပြောသည်။
ယခုထုတ်ပြန်နေသည့် မဲစာရင်းများတွင် မိမိနာမည်မပါရှိပါက ရွေးကောက်ပွဲ နည်းဥပဒေ (၉) ပါ မဲစာရင်း ထည့်သွင်းပေးရန် တောင်းဆိုလွှာ ပုံစံ (၃)ဖြင့် သက်ဆိုင်ရာ ရပ်ကွက်၊ ကျေးရွာ ကော်မရှင်ရုံးတွင် လျောက် ထားရမည်ဖြစ် သည်။ အဆိုပါ တောင်းဆိုလွှာကို သက်ဆိုင်ရာ ကော်မရှင်ရုံးများတွင် ထုတ် ယူနိုင်သည်။
Mizzima - News in Burmese
No comments:
Post a Comment