Tuesday, June 30, 2015

တူနီးရှား ကမ်းခြေပစ်ခတ်မှုနှင့် ပတ်သက်ပြီး ကွင်းဆက်တရားခံများကို ဖမ်းဆီး


တူနီးရှားနိုင်ငံ အပန်းဖြေကမ်းခြေတွင် လူ ၃၈ ဦး သေဆုံးခဲ့သည့် သေနတ်ပစ်ခတ်မှုနှင့် ပတ်သက်ပြီး ကွင်း ဆက်တရားခံ အုပ်စုကို ဖမ်းဆီးလိုက်ကြောင်း ပြည်ထဲရေးဝန်ကြီးက ပြောသည်။ ဝန်ကြီး မိုဟာမတ်ဂါဆယ် လီက နိုင်ငံတွင်းရှိ အပန်းဖြေ ကမ်းခြေနေရာများတွင် ကာကွယ်ရေးအတွက် တပ်ဖွဲ့အင်အား ၁၀၀၀ ကို ဖြန့်ကြက်ချသွားမည် ဖြစ်ကြောင်းလည်း ပြောသည်။

တိုက်ခိုက်မှုဖြစ်ပွားခဲ့သည့် ကမ်းခြေသို့ ဥရောပနိုင်ငံများမှ ဝန်ကြီးသုံးဦးလည်း လာရောက်ကာ တစ်စိတ် တစ်ဝမ်းတည်း ရှိကြောင်းပြသလျက် ဝမ်းနည်းကြောင်း အထိမ်းအမှတ် ပန်းများလာချသွားခဲ့သည်။

အဆိုပါတိုက်ခိုက်မှုကို ၎င်းတို့က ကျုးလွန်ခြင်းဖြစ်ကြောင်း အိုင်အက်စ်တို့က ပြောသည်။

ကမ်းခြေ ပစ်ခတ်သတ်ဖြတ်မှုအတွင်း သေဆုံးသူများတါင် ဗြိတိန်နိုင်ငံမှ ခရီးသွားဧည့်သည်များက အများ ဆုံးဖြစ်ပြီး လူ ၃၀ သေဆုံးခဲ့ခြင်း ဖြစ်သည်။

"ဒီအစွန်းရောက် အကြမ်းဖက် ရာဇဝတ်မှု နောက်ကွယ်မှာ ပါဝင်ပတ်သက်နေတဲ့ အစွန်းရောက်ကွန်ရက်မှ လူတစ်အုပ်ကို စတင်ဖမ်းဆီးလိုက်နိုင်တာဖြစ်ပါတယ်” ဟု ဂါဆယ်လီက ပြောသည်။

ဇွန် ၂၆ ရက်က ဖြစ်ပွားသွားသည့် ယခုကမ်းခြေတိုက်ခိုက်မှုကို ဆီဖက်ဒင်ရီဂီဆိုသည့် တူနီးရှား ကျောင်း သား တစ်ဦးက လုပ်ဆောင်ခဲ့ခြင်းဖြစ်သည်ဟု သိရသည်။

ရီဂီက တိုက်ခိုက်ရေးသက်သက် လုပ်ဆောင်ခဲ့ခြင်းဖြစ်ကြောင်း၊ သို့သော်နောက်ကွယ်တွင်လက်နက်ခဲယမ်း စသည်တို့ထောက်ပံ့မှုများဖြင့် ပါဝင်နေသူများ ရှိကြောင်း တူနီးရှားအာဏာပိုင်များက အေပီသတင်းဌာနသို့ ပြောခဲ့သည်။

REF : BBC
Mizzima - News in Burmese

No comments:

Post a Comment

My Blog List