အမေရိကန်နဲ့ ကျူးဘားကြား သံတမန်ဆက်ဆံရေးပြန်လည်ထားရှိဖို့နဲ့ ဒီလနှောင်းပိုင်း ၀ါရှင်တန်နဲ့ ဟာဗား နားမြို့တော်တို့မှာ သံရုံးတွေပြန်လည် ဖွင့်လှစ်ဖို့ အစီအစဉ်ကို နှစ်နိုင်ငံတို့ သဘောတူညီခဲ့ကြတယ်လို့ အမေရိကန်သမ္မတ ဘရက် အိုဘားမားက ဗုဒ္ဓဟူးနေ့ကပြောပါတယ်။ ဒါဟာ နှစ်နိုင်ငံအကြား နှစ်ပေါင်းများ စွာ ရန်လိုမုန်းထားမှုကို အဆုံးသတ်တဲ့ လတ်တလော ကျ တဲ့ အရေးယူဆောင်ရွက်မှုလဲဖြစ်ပါတယ်။
နှစ် (၅၀)ကျော်ကြာအတွင်း ပထမဆုံးဖွင့်လှစ်မယ့် အမေရိကန်သံရုံးမှာ အမေရိကန်အလံ လွှင့်ထူဖို့ အမေရိ ကန်နိုင်ငံခြားရေးဝန်ကြီး ဂျွန်ကယ်ရီဟာ ဒီနွေမှာ သွားရောက်မှာဖြစ်တယ်လို့ သမ္မတအိုဘားမားကပြော ပါတယ်။
ကျူဘား အာဏာရှင် Fidel Castro တော်လှန်ရေး အပြီး ဖြတ်တောက်ခဲ့တဲ့ နှစ်နိုင်ငံ ဆက်ဆံရေး ပုံမှန်ပြန် လည်ထားရှိဖို့ အဟန့် အတားဖြစ်နေတဲ့ကိစ္စ ရပ်တွေအနက် အမေရိကန်ရဲ့ ကုန်သွယ်ရေးပိတ်ဆို့မှုနဲ့ ကျူး ဘားရဲ့ လူ့အခွင့်အရေး ကျူးလွန်ချိုးဖောက်မှု မှတ်တမ်းမှတ်ရာတွေပဲဖြစ်ပါတယ်။
ဒီဇင်ဘာလက နှစ်နိုင်ငံသံတမန်ဆက်ဆံရေးပြန်လည်ထားရှိဖို့ သမ္မတအိုဘားမားနဲ့ သမ္မတ Raul Castro တို့ကြေညာခဲ့ပြီး နောက်ပိုင်း ဒါဟာ တရားဝင်သံတမန် ဆက်ဆံရေးပြန်လည်ထားရှိဖို့ နောက်ဆုံးအရေး ယူဆောင်ရွက်လိုက်တဲ့ ခြေလှမ်းတရပ်လည်းဖြစ်ပါတယ်။ ခေါင်းဆောင်ကြီး နှစ်ဦးတို့ဟာ ပနားမာမှာ ဧပြီလက ကျင်းပခဲ့တဲ့ အမေရိကတိုက်နိုင်ငံများ ဆိုင်ရာ ထိပ်သီးညီလာခံမှာ မျက်နှာချင်းဆိုင်တွေ့ဆုံခဲ့ ကြတာဖြစ်ပါတယ်။
အခုလိုကျူးဘားနဲ့အမေရိကန် တို့အနေနဲ့ သက်ဆိုင်ရာမြို့တော်တွေမှာ သံရုံးတွေပြန်လည် ဖွင့်လှစ်မယ် ဆိုတဲ့ကြေညာချက်ကို နယူးရောက်ရှိ ကုလသမဂ္ဂ အတွင်းရေးမှုးချုပ်ဘန်ကီမွန်းက ကြိုဆိုလိုက်ပါတယ်။ ကျူးဘားအပေါ် ဒဏ်ခတ်မှုရုပ်သိမ်းရေး အတွက် သမ္မတအိုဘားမားအနေနဲ့ ရီပါပလင်ကန်နဲ့ ဒီမိုကရက် တချို့တို့ ထံက ပြင်းထန်တဲ့ ကန့်ကွက်မှုတွေ ရင်ဆိုင်နေရပါတယ်။ စိုးရိမ်စရာကောင်းတဲ့ လူ့အခွင့်အရေး ချိုးဖောက်မှု တွေကျူးလွန်နေတဲ့ အစိုးရကို သမ္မတက အချိန်မတန်သေးပဲ ဆုချနေတာ ဖြစ်တယ်လို့ သူတို့ ကဝေဖန်နေကြပါတယ်။
VOA
No comments:
Post a Comment