ရခိုင်ပြည်နယ် ရေကြီးရေလျှံမှုအတွက် ပြည်နယ်အစိုးရ ရံပုံငွေ ကျပ်သန်း ငါးထောင် သုံးမည်

ရခိုင်ပြည်နယ် တစ်ပြည်နယ်လုံးအတိုင်းအတာဖြင့် ရေကြီးရေလျှံမှုများနှင့် လမ်းတံတား ပျက်စီးမှုများ အတွက် ပြည်နယ်အစိုးရ ရံပုံငွေကျပ်သန်း ငါးထောင် အသုံးပြုပြီးပြန်လည်ကူညီရေးနှင့် ပြုပြင်ရေး လုပ်ငန်းများကို ဆောင်ရွက်သွားမည်ဟု ရခိုင်ပြည်နယ် အစိုးရအဖွဲ့ အတွင်းရေးမှူး ဦးတင်မောင်ဆွေက မဇ္ဈိမကိုပြောသည်။

ရခိုင်ပြည်နယ် သံတွဲ၊တောင်ကုတ်၊ဂွ၊ကျောက်ဖြူ ၊စစ်တွေ၊အမ်း၊ကျောက် တော်၊ဘူးသီးတောင်မြို့နယ် များတွင် ရေးဘေးနှင့် လေ ဆင်းနှာမောင်း တိုက်ခိုက်မှုကြောင့် နေအိမ်အချို့ပျက်စီးကာ သွားသဖြင့် လူဦးရေထောင် နှင့်ချီကာ အကူအညီ လိုအပ်လျှက်ရှိ သည် ဟုဆိုသည်။

ဦးတင်မောင်ဆွေက  "ပြည်နယ် ၀န်ကြီးတွေက သက်ဆိုင်ရာ မြို့နယ် အသီးသီးကို ကွင်းဆင်းသွား ကြပါပြီ သူတို့ပြန်လာမှ ဘယ်ဒေသမှာ ဘယ်လောက်ပျက်စီးတယ်ဆိုတာ အတိအကျ သိရမှာပါ "ဟု ပြောသည်။

ရခိုင်ပြည်နယ် ကယ်ဆယ်ရေးလုပ်ငန်းများအတွက် ပြည်နယ် အစိုးရ အဖွဲ့ ၀န်ကြီးများ ပါဝင်သော ကယ် ဆယ်ရေးအဖွဲ့ကို ဖွဲစည်းထားပြီး ပြည်နယ် ၀န်ကြီးများက ကွင်းဆင်းစစ်ဆေးလျှက်ရှိသည် ဟုဆိုသည်။

ဦးတင်မောင်ဆွေက "သဘာဝ ဘေးအန္တာရယ် အတွက် သန်း ၅၀၀၀ ခွင့်ပြု ထားပါတယ်  "ဟု ပြောသည်။

ရခိုင်ပြည်နယ် သံတွဲမြို့နယ် ဒါဝ ကကျေးရွာတွင် လေဆင်နှာမောင်းတိုက် ခိုက်မှုကြောင့် အိမ်ခြေ ၉၀ ကျော် ပျက်စီးသွား ပြီး ပြန်လည် ပြုပြင်ရေးလုပ် ငန်းများဆောင်ရွက်လျှက်ရှိသည် ဟုလည်း သံတွဲမြို့နယ်  ရဲတပ်ဖွဲ့မှူး ခင်ဇော် ကပြောသည်။

ထို့ပြင် အမ်း-တောင်ကုတ် ကားလမ်း သည် ရေကြီးရေလျှံမှုကြောင့် ပျက်စီး သွားပြီး ပြင်ဆင်နိုင်ခြင်း မရှိသေးသဖြင့် ထိုလမ်းမကို ပိတ်ထားရဆဲဖြစ်သည်ဟု အဝေးပြေးကားလုပ်ငန်း လုပ်ကိုင်သူတစ်ဦးက ပြောသည်။

ထို့ပြင် မြို့နယ် အများစု မှ ဈေးနှင့် စာသင်ကျောင်းများမှာလည်း ပိတ်ထားရ ဆဲဖြစ်သည်။

အမ်းမြို့နယ် စခန်းမော်ရွာ၊ (AELC အင်္ဂလိပ်စာသင်တန်းကျောင်းမှ ဦးအောင်ကိုဦး က " ကျွန်တော်တို့ ရွာလည်း တစ်ရွာလုံး နီးပါးလောက်မြုတ်သွားပြီး ခုတော့ ရေကျသွားပြီး ဖြစ်တဲ့အတွက် တင်ကျန်နေတဲ့ ရွံ့၊ နှုန်းတွေကို ပန့်နဲ့ ထိုးဆေးနေကြပါတယ် ရွာထဲမှာ ရှိတဲ့ ရေစုပ်စက် အရေအတွက် နဲ့ အိမ်ခြေနဲ့ မမျှတော့ တော်တော်လေး အချိန်ယူ ပြန်လုပ်ရမှာပါ။  ပစ္စည်းတွေ ဆုံးရှုံးတာ ထက် လောလောဆယ် အိမ်သာတွေ မရှိတော့တဲ့ အတွက် နောက်ဆက်တွဲ ကျန်းမာရေး ပြဿနာများ ကိုလည်း အချိန်မီ ဆောင်ရွက်နိုင်ဖို့ ကြိုးစားရ ပါမယ်"  ဟု ပြောသည်။

ရေကြီးရေလျှံမှုဖြစ်ပွားပြီးနောက်ပိုင်း ဈေး များ စားသုံးကုန်အချို့ပျက်စီးကာ ၊ကားလမ်းများလည်း ပိတ်မိ နေသောကြောင့် ရပ်ကွက်ဈေးဆိုင်များတွင် ကုန်ဈေးနှုန်းများမြင့်တက်လာသည် ဟု သံတွဲဒေသခံ ဦးကျော် ထွန်းကပြော သည်။

အစိုးရထံမှ  အကူအညီရရှိရေးနှင့်ပတ်သက်၍ ၄င်းက "တစ်ရက်လုပ်မှ တစ်ရက်စားရတဲ့ လူတွေအတွက် အခက်အခဲတွေတော့ရှိပါတယ်၊ ဘတ်ဂျက်ချပေးတာကိုလည်း ၀မ်းသာပါတယ် ဒါပေမယ့် ဌာန ဆိုင်ရာ ဆင့်ဆင့်လာဘ်စားလို့ အဆင့်မမှီတဲ့ ကတ္တရာလမ်းအသစ်ကြီးတွေ ရေနဲ့ ပါသွားတာကိုတော့ ဒီငွေတွေနဲ့ ပြန်ဖာ သူတို့က ပြန်စားဆိုရင်တော့ ဒုက္ခခံရတဲ့သူတွေက တော့ မထူးဘူး "ဟု  ဆိုသည်။

ရခိုင်ပြည်နယ် အနှံ့တွင်ရေကြီးရေလျှံမှုများဖြစ်ပေါ်ခဲ့ပြီး  လက်ရှိတွင် ရေကျသွားပြီဖြစ်သော်လည်း ပျက်စီး သွားသော အိမ်များကိုပြန်လည် ပြုပြင်နေခြင်း၊ တင်ကျန်သော ရွှံ့နှုန်းများကို ဆေးကျော နေရခြင်း နှင့် လမ်းများပြုပြင်ဖာထေးနေရခြင်း တို့ကို ပြုလုပ်နေရသည်ဟု ဒေသခံများက ဆိုသည်။

Mizzima - News in Burmese