အီရန် နျူကလီယားအရေး အပြီးသတ် ဆွေးနွေးဖို့ မူလသတ်မှတ်ထားတဲ့ ဇွန်လ ၃၀ နောက်ဆုံးနေ့ထက် ကျော်လွန်ပြီး ရက်ကြာကြာ သက်တမ်းတိုးဖို့ အီရန် စေ့စပ်ညှိနှိုင်းရေးမှူးတွေဘက်က အစီအစဉ်မရှိဘူးလို့ အဆင့်မြင့် အမေရိကန် အစိုးရအရာရှိက ပြောပါတယ်။
ဒါပေမယ့် လက်ရှိဆွေးနွေးနေတဲ့ အကြောင်းအရာတွေဟာ အပြီးသတ် ဆွေးနွေးပွဲမှာပါဝင်မယ်ဆိုပြီး ဧပြီလ ၂ ရက်နေ့က ဆွစ်ဇာလန်နိုင်ငံ Lausanne မြို့မှာ ရရှိခဲ့တဲ့ မူလ သဘောတူထားခဲ့ကြတဲ့ အကြောင်းအရာ တွေထက် ပိုပြီး အသေးစိတ်နေတဲ့အတွက် သတ်မှတ်ရက်ထက် ၂ ရက်မက ကျော်လွန်သွားမယ်ဆိုရင် လည်း အံ့အားသင့်စရာ မဟုတ်ဘူးလို့ ဆိုပါတယ်။
အီရန်အပေါ် ချမှတ်ထားတဲ့ ပိတ်ဆို့ အရေးယူမှုတွေကို ဖြေလျော့ပေးဖို့ အတွက် အီရန်ဖက်က နျူကလီ ယားလက်နက် တည်ဆောက်လို့ မရနိုင်တဲ့ အဆင့်အထိ လျော့ချပေးရမယ့် ပြီးပြည့်စုံတဲ့ သဘောတူ ညီချက်ကို သတ်မှတ် ရက်အတွင်း ရနိုင်ဖို့ ဆွေးနွေးနေကြတဲ့ Vienna မြို့မှာ အဲဒီ အရာရှိတွေက တနင်္လာနေ့က ပြောလိုက်တာပါ။
ဒါဟာ အမေရိကန်ပြည်ထောင်စုရဲ့ အမျိုးသားလုံခြုံရေးကို လက်ငင်းအကျိုး ဖြစ်ထွန်းစေမယ့် အရေးပါတဲ့ သဘောတူညီချက်ဖြစ်သလို လုံခြုံရေးကောင်စီ အမြဲတမ်းအဖွဲ့ဝင် ၅ နိုင်ငံအပေါင်း ၁ တို့အပြင် အရှေ့အ လယ်ပိုင်း၊ အီရန်နဲ့ တကမ္ဘာလုံးရဲ့လုံခြုံရေးအတွက်ပါ လက်ငင်းအကျိုးဖြစ်ထွန်းစေမယ့် သဘော တူညီချက် ဖြစ်တယ်လို့ ဆိုပါတယ်။
ဆွေးနွေးပွဲနဲ့ဆိုင်တဲ့ အသေးစိတ်အချက်အလက်တွေကို စေ့စပ်ညှိနှိုင်းရေးမှူး တွေက ထုတ်ဖော်ပြောဆိုခြင်း မရှိပေမယ့်လည်း အဓိက အခက်အခဲဖြစ်နေတဲ့ အကြောင်းအရာတွေဟာ - ကုလသမဂ္ဂနျူကလီယား စစ် ဆေးရေးမှူးတွေ အီရန်နျူကလီယား စက်ရုံတွေကို ဘယ်လောက်အထိ ၀င်ရောက် စစ်ဆေးခွင့် ရှိမလဲဆို တာနဲ့ အီရန်အပေါ် ချမှတ်ထားတဲ့ ပိတ်ဆို့မှုတွေကို ဘယ်လောက် မြန်မြန် လျော့ချေပေးမလဲဆိုတဲ့အ ချက်တွေ ပါဝင်နိုင်တယ်လို့ ဆိုပါတယ်။
VOA
No comments:
Post a Comment