အမေရိကန်ရဲ့ လေကြောင်းတိုက်က တိုက်ခိုက်မှုကြောင့် သူတို့ရဲ့ ထိပ်တန်း ခေါင်းဆောင် တဦး ပြီးခဲ့တဲ့ လအတွင်း သေဆုံးသွားတယ်လို့ ယီမင်နိုင်ငံမှာရှိတဲ့ al-Qaida အဖွဲ့ခွဲက ပြောပါတယ်။ ယီမင်နိုင်ငံ အတွင်းက Mukalla ဆိပ်ကမ်းမြို့ကို အမေရိကန်က လေကြောင်းက တိုက်ခိုက်မှု ပြုလုပ်ခဲ့ တာမှာ al-Qaida အဖွဲ့ခွဲခေါင်းဆောင် Nasser bin Ali al-Ansi နဲ့ သူ့ရဲ့ သားကြီး အပါအ၀င် တခြား စစ်သွေးကြွ အတော်များများလည်း သေဆုံးသွားခဲ့ တယ်လို့ SITE လို့ခေါ်တဲ့ ထောက်လှမ်းရေး အဖွဲ့က ကြာသ ပတေးနေ့မှာ ပြောပါတယ်။
အမေရိကန်စစ်ဌာနချုပ် ပင်တဂွန်မှာ ကြာသပတေးနေ့က ပြုလုပ်တဲ့ သတင်းစာရှင်းလင်းပွဲ အတွင်းမှာတော့ ကာကွယ်ရေး ၀န်ကြီး Ashton Carter က အဲဒီကိစ္စကို အတည်ပြု ပြောကြားခဲ့ခြင်း မရှိပါဘူး။
ယီမင်နိုင်ငံအတွင်းမှာရှိတဲ့ al-Qaida အဖွဲ့အပေါ် အမေရိကန်ပြည်ထောင်စု က မောင်းသူမဲ့ Drone ယာဉ်တွေနဲ့ လေကြောင်းကနေ မကြာခန တိုက်ခိုက် လေ့ရှိပါတယ်။ ဒါပေမယ့် ဟူသီ သူပုန်အဖွဲ့တွေက ပြီးခဲ့တဲ့လအတွင်း အမေရိကန်တို့ အသုံးပြုနေတဲ့ ယီမင် လေဆိပ်ဆီကို ဦးတည် ထိုးစစ်ဆင် လာနေတဲ့ အတွက် အဲဒီကနေ ပြန်လည် ဆုတ်ခွာခဲ့ပါတယ်။
VOA
No comments:
Post a Comment