ဗြိတိန်ရွေးကောက်ပွဲတွင် ၀န်ကြီးချုပ် ဒေးဗစ်ကင်မရွန်၏ ကွန်ဆာဗေးတစ် ပါတီက အံ့အားသင့်ဖွယ် အနိုင်ရရှိဖွယ် ရှိသောကြောင့် ဥရောပတွင် ဗြိတိန်၏ အနာဂတ်ကို ပြန်လည်ရေးဆွဲရဖွယ်ရှိ သည်။ ရွေးကောက်ပွဲမတိုင်မီ စစ်တမ်းများတွင် ကွန်ဆာဗေးတစ်နှင့် လေဘာတို့ အကြိတ်အနယ် ယှဉ်ပြိုင်ရဖွယ်ရှိသည်ဟု ခန့်မှန်းခဲ့ကြသော်လည်း ကွန်ဆာဗေးတစ်တို့က အမတ်နေရာ ၃၁၆ နေရာရရှိ ခဲ့ပြီး လေဘာပါတီက ၂၃၉ နေရာရရှိခဲ့ကြောင်း ဘီဘီစီက ဦးစီးကောက်ယူသော စစ်တမ်းတွင် ဖော်ပြခဲ့ သည်။
လစ်ဘရယ်ဒီမိုကရက်ပါတီ ခေါင်းဆောင် မစ္စတာနစ်ကလက်သည် ၎င်း၏အမတ်နေရာအတွင် ပြန် လည်ရွေးချယ် ခံခဲ့ရသော်လည်း ပါတီက အနိုင်ရထားသော အမတ်နေရာ ၅၇ နေရာအနက် ၁၀ နေရာ ကိုသာ ပြန်လည်ရရှိခဲ့သည်။
ကွန်ဆာဗေးတစ်တို့သည် အောက်လွှတ်တော်တွင် အမတ်နေရာ အများစုဖြစ်သော ၃၂၆ နေရာကို မရရှိခဲ့သော်လည်း ပါတီငယ်များဖြင့် အစိုးရဖွဲ့စည်းပြီး ကင်မရွန်က ၀န်ကြီးချုပ်ရာထူးကို ဆက်လက်ရရှိ ဖွယ်ရှိသည်။ စကော့တလန် အမျိုးသားရေးဝါဒီတို့ အောင်မြင်ခဲ့မှုကြောင့် စကော့တလန် ရွေးကောက်ပွဲ အတွက် လူထုဆန္ဒခံယူပွဲ ထပ်မံကျင်းပရန် ဖိအားမြင့်တက် လာဖွယ်ရှိသည်။
ရွေးကောက်ပွဲတွင် ကွန်ဆာဗေးတစ်တို့ အောင်ပွဲခံသည့် သတင်းကြောင့် ပေါင်ငွေတန်ဖိုးသည် အာရှကုန် သွယ်မှုတွင် မြင့်တက်ခဲ့ပြီး တစ်ပေါင်လျှင် ၁ ဒသမ ၅၄၇ ဒေါ်လာထိ ရောက်ရှိခဲ့သည်။ ၂၀၀၈ ခုနှစ် ကမ္ဘာ့ဘဏ္ဍာရေး အကျပ်အတည်းမှ ရုန်းထွက်ရန်အတွက် ခြိုးခြံချွေတာရေး အစီအစဉ်များကို ဆောင်ရွက် ခဲ့သည့် ကင်မရွန်က ယင်းအစီအစဉ်များကို ဆက်လက်ဆောင် ရွက်သွားမည်ဖြစ်သည်။
အစိုးရဘတ်ဂျက် လိုငွေပြမှုကို လျှော့ချရန်အတွက် အသုံးစရိတ်များ ခြိုးခြံချွေတာနေသည့် ကွန်ဆာဗေးတစ် တို့က လူသန်း ၃၀ ခန့်အတွက် ၀င်ငွေခွန်ကို လျှော့ချပေးမည်ဟု ကတိပြုထားသည်။
ဗြိတိန်ရွေးကောက်ပွဲ အစီအစဉ်အရ ပါတီတစ်ခုသည် အစိုးရဖွဲ့ရန်အတွက် အမတ်နေရာ ၆၅၀ ရှိသော အောက်လွှတ်တော်တွင် အမတ်နေရာ ၃၂၃ ခန့်ဖြင့် အများစုရရန် လိုအပ်သည်။ ဗြိတိန်ရွေးကောက် ပွဲတွင် မဲပေးရန် အရည်အချင်းပြည့်မီသူ သန်း ၅၀ ခန့်ရှိပြီး မဲရုံပေါင်း ၄၃၀၀၀ ရှိခဲ့သည်။
Ref: AFP
Photo : AFP
Eleven Media Group
No comments:
Post a Comment