လုပ်ငန်းကိစ္စများနှင့်ပတ်သက်၍ သုံးကျပ်ဖြစ်စေ၊ သုံးသိန်းဖြစ်စေ ငွေပမာဏ တစ်ခုအား ပေးကမ်းခြင်းသည် လာဘ်ထိုးမှုဖြစ်ပြီး လာဘ်ထိုးမှုမဟုတ်ဟု ရှောင်လွှဲ၍မရကြောင်း အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်က ပြောကြားသည်။
အမေရိကန်နိုင်ငံ ၀ါရှင်တန်ဒီစီမြို့တော်ရှိ CSIS ခေါ် မဟာဗျူဟာနှင့် နိုင်ငံတကာလေ့လာရေးဌာန မြန် မာပြည်၏ နိုင်ငံရေးနှင့် စီးပွားရေးဝန်း ကျင်ခေါင်းစဉ်ဖြင့် မေ ၅ ရက်ကကျင်းပသည့် ဟောပြောပွဲတွင် မြန်မာ စီးပွားရေးလုပ်ငန်းရှင် Serge Pun ခေါ် ဦးသိမ်းဝေက "ခင်ဗျားက ကိုယ့်ဘာကိုယ် လုပ်ငန်းအဆင်ပြေချင် သည့်အတွက် ၀န်ကြီးတစ်ယောက် ကို ငွေသွားပေးတာတဲ့။ ပြီးတော့မှ အဲဒီလူတွေက ကျွန်တော့်လာ ပြီးပြော ကြတယ်တဲ့။ ကျွန်တော်လာဘ်ပေးရတယ်ဆိုပြီး အဲဒီလိုလာပြောရင် သူကတော့ သိပ်စိတ်ဆိုး တာပဲတဲ့။ ငွေမပေးရင် အလုပ်မဖြစ်ဘူးဆိုတာ သူတို့ဝန်ကြီးတစ်ယောက်ကို ကိုယ်က အားရ၀မ်းသာ၊ လိုလိုလားလား သွားပေးပြီးမှ စောဒကမတက်နဲ့လို့ ပြန်ပြောလိုက်တယ်" ဟု လာဘ်ပေးမှု အား ကာကွယ်ပြောကြားကြောင်း၊ အဆိုပါအမြင်အပေါ် ဒေါ်အောင်ဆန်း စုကြည်ထင်မြင်ချက်အား RFA သတင်းဌာနက မေးမြန်းခဲ့ခြင်းဖြစ်သည်။
"ဒါကတော့ တော်တော်ကို မလိုလားအပ်တဲ့အမြင်မျိုးပဲ။ လာဘ်ထိုးတာက ကိုယ်ကလိုလိုချင်ချင်နဲ့ ထိုးထိုး မထိုးထိုး လာဘ်ထိုးတာက လာဘ်ထိုးတာပဲ။ ဒါဟာ ဥပဒေအရလုပ်မယ်ဆိုလို့ရှိရင် ဒီလိုသမ္မတကြီးကိုယ် တိုင်က ပြော ထားတယ်မလား။ သုံးသိန်းထက်ပိုပေးရင် စသည်ဖြင့်။ ဒါပေမဲ့ အစ်မတို့က အဲဒီလိုလာဘ်ထိုး တယ်ဆိုတာ လာဘ်ထိုးတာပဲ။ သုံးသိန်းဖြစ်ဖြစ်၊ သုံးကျပ်ဖြစ်ဖြစ် လာဘ်ထိုးတာက လာဘ်ထိုးတာပဲ။ အဲဒီဟာကတော့ ဘယ်လိုမှရှောင်လို့မရဘူး။ ဒါကိုယ်က လိုလိုချင်ချင်ပေးလို့ လာဘ်ထိုးတာ မဟုတ်ဘူး လို့ ပြောလို့ရပါ့မလား" ဟု ဒေါ်အောင်ဆန်းစုကြည်က ပြောကြား သည်။
ထို့ပြင် အလုပ်သမားလုပ်ခလစာတိုးတောင်းမှုနှင့်ပတ်သက်၍ အလုပ်သမား များသည် ထုံးစံအတိုင်း ပိုလိုချင်ကြောင်း၊ အလုပ်အကိုင်များများ ပေါ်ပေါက်ရေးဖန်တီးရန်သာ အရေးကြီးကြောင်း၊ အလုပ်အကိုင် ရရှိရေးသည် လုပ်ခလစာပိုမိုရရှိရေးထက် အရမ်းအရေးကြီးသည်ဟု ဦးသိမ်းဝေ ကပြောကြားခဲ့ကြောင်းနှင့် အဆိုပါပြောကြားမှုသည် ဖြစ်နိုင်ခြင်းရှိ၊ မရှိကိုလည်းမေးမြန်းခဲ့ရာ ဒေါ်အောင်ဆန်းစုကြည်က "ဒါကတော့ စီးပွားရေးလုပ်ငန်းရှင်တစ်ယောက်ရဲ့အမြင်နဲ့ပြောတာပေါ့နော်။
အလုပ်အကိုင်ဖန်တီးရေးလိုအပ်တယ်ဆိုတာလည်း မှန်ပါတယ်။ ဒါပေမဲ့ ဒီခေတ်ဒီအခါမှာ
အလုပ်အကိုင်ဖန် တီးရေးကို အကြောင်းပြပြီးတော့ အလုပ်သမားတွေအတွက်
မလုံလောက်တဲ့လစာငွေပေးတယ်။
မလုံလောက်တဲ့ အခွင့်အရေးတွေပေးတယ်ဆိုရင်တော့
လက်ခံနိုင်စရာအကြောင်း ဘာမှမရှိပါဘူး။
လုံ လုံလောက်လောက်ပေးထားရဲ့သားနဲ့။ သင့်တော်တဲ့လစာပေးထားရဲ့သားနဲ့
ပိုတောင်းတယ်ဆိုတာတော့ ဒါကတော့တစ်မျိုးပေါ့။ ဒါကတော့ ညှိယူကြပေါ့" ဟု
ပြောကြားသည်။
ဧပြီ ၉ ရက်က ဂျပန်အခြေစိုက် Mainichi Shimbun သတင်းစာနှင့် နေပြည်တော်၌ သီးသန့်တွေ့ ဆုံမေးမြန်းမှုတွင် သမ္မတဦးသိန်းစိန်က လာဘ်ပေးရသောသူအနေဖြင့် မကျေနပ်ပါက တိုင်ကြားနိုင်ပြီး အဆိုပါကိစ္စကို အရေးယူနိုင်သည့်ဥပဒေများအပြင် အဂတိလိုက်စားမှုတိုက်ဖျက်ရေးကော်မရှင်လည်း ရှိကြောင်း၊ ထိရောက်သောဥပဒေရေးဆိုင်ရာလုပ်ရပ်များဖြင့် အဂတိလိုက်စားမှုကို ထိရောက်စွာတားဆီး ကာကွယ်နိုင်ကြောင်း ပြောကြားထားသည်။
သို့ရာတွင် မြန်မာ့ရိုးရာယဉ်ကျေးမှုအရ ခင်မင်ရင်းနှီးသူများကို လက်ဆောင်ပေးခြင်း၊ ကျေးဇူးတုံ့ပြန်မှု အနေဖြင့် မိမိဆန္ဒအရ လက်ဆောင်ပေးခြင်းများကို အဂတိလိုက်စားမှုအဖြစ် သတ်မှတ်ခြင်း မရှိကြောင်းနှင့် တစ်စုံတစ်ခုလုပ်ဆောင်ရန်အတွက် တံစိုး လက်ဆောင်တောင်း ဆိုမှုကိုသာ အဂတိလိုက်စားမှုအဖြစ်သတ် မှတ်ကြောင်း သမ္မတက Mainichi Shimbun သတင်းစာအား ပြောကြားသည်။
Eleven Media Group
ဧပြီ ၉ ရက်က ဂျပန်အခြေစိုက် Mainichi Shimbun သတင်းစာနှင့် နေပြည်တော်၌ သီးသန့်တွေ့ ဆုံမေးမြန်းမှုတွင် သမ္မတဦးသိန်းစိန်က လာဘ်ပေးရသောသူအနေဖြင့် မကျေနပ်ပါက တိုင်ကြားနိုင်ပြီး အဆိုပါကိစ္စကို အရေးယူနိုင်သည့်ဥပဒေများအပြင် အဂတိလိုက်စားမှုတိုက်ဖျက်ရေးကော်မရှင်လည်း ရှိကြောင်း၊ ထိရောက်သောဥပဒေရေးဆိုင်ရာလုပ်ရပ်များဖြင့် အဂတိလိုက်စားမှုကို ထိရောက်စွာတားဆီး ကာကွယ်နိုင်ကြောင်း ပြောကြားထားသည်။
သို့ရာတွင် မြန်မာ့ရိုးရာယဉ်ကျေးမှုအရ ခင်မင်ရင်းနှီးသူများကို လက်ဆောင်ပေးခြင်း၊ ကျေးဇူးတုံ့ပြန်မှု အနေဖြင့် မိမိဆန္ဒအရ လက်ဆောင်ပေးခြင်းများကို အဂတိလိုက်စားမှုအဖြစ် သတ်မှတ်ခြင်း မရှိကြောင်းနှင့် တစ်စုံတစ်ခုလုပ်ဆောင်ရန်အတွက် တံစိုး လက်ဆောင်တောင်း ဆိုမှုကိုသာ အဂတိလိုက်စားမှုအဖြစ်သတ် မှတ်ကြောင်း သမ္မတက Mainichi Shimbun သတင်းစာအား ပြောကြားသည်။
Eleven Media Group
No comments:
Post a Comment