ကမ္ဘာ့ဖလားပြိုင်ပွဲကြီးကလည်း မနက်ဖြန်ဆိုရင် စတင်တော့မှာ ဖြစ်တာကြောင့် လောင်းကစား ဒိုင်တွေ ကလည်း သူ့ထက်ငါ အပြိုင်အဆိုင် ကြော်ငြာနေကြပါတယ်။လောင်းကစားဒိုင် Sportsbet ကလည်း ဘရာဇီးလ် နိုင်ငံ ရီယိုမြို့က အထွဋ်အမြတ်ထားတဲ့ သခင်ယေရှုရဲ့ ရုပ်ပုံပုံစံတူ မိုးပျံပူပေါင်းလုပ်ပြီး Sportsbet စာတန်းပါ သြစတြေးလျ ဘောလုံးအသင်း အင်္ကျီကို ၀တ်ဆင်ပေးထားသလို သြစတြေးလျ နိုင်ငံ မဲလ်ဘုန်း မြို့ပေါ်မှာလည်း မနေ့က ပျံသန်း ကြေညာခဲ့ပါတယ်။
အဲဒီအပေါ်မှာ ခရစ်ယာန် ဘာသာရေး ခေါင်းဆောင်တွေက အမျက် ဒါသ ထွက်ခဲ့ကြပြီး လောင်း ကစားဒိုင်တွေရဲ့ လုပ်ရပ်ဟာ ဘောင်ကျော် တယ်လို့ သြစတြေးလျ အသင်းတော်များ လောင်းကစားမှု ပပျောက်ရေး အဖွဲ့ ဥက္ကဋ္ဌ သိက္ခာတော်ရဆရာကြီး Tim Costello က ပြောကြားလိုက်ပါတယ်။
သခင်ယေရှုဟာ ခရစ်ယာန်တွေရဲ့ အထွဋ် အမြတ် ဖြစ်သလို လောင်းကစား မှုတွေကို ရှုတ်ချခဲ့သူ ဖြစ်တာကြောင့် လောင်းကစား ဒိုင်တွေရဲ့ အခု လုပ်ရပ်ဟာ ခရစ်ယာန် ဘာသာရေး နဲ့ လုံးဝ ဆန့်ကျင်နေတာ ဖြစ်ပြီး လောင်းကစားမှုကြောင့် ဘ၀ပေါင်းများစွာ ပျက်စီးခဲ့ ရတယ်လို့ သိက္ခာတော်ရဆရာကြီး Tim Costello က ထပ်လောင်း ပြောကြားလိုက်ပါတယ်။
လောင်းကစားဒိုင် Sportsbet ရဲ့ ပြောခွင့်ရသူကတော့ အခု လုပ်ရပ်ဟာ လောင်းကစား လုပ်ဖို့ အားပေးတာ မဟုတ်ကြောင်းနဲ့ နိုင်ခြေသိပ်မရှိဘူးလို့ လူတွေ ပြောနေကြတဲ့ သြစတြေးလျ အသင်းကို အားပေးတဲ့ လုပ်ရပ်သာ ဖြစ်တယ်လို့ တုန့်ပြန်ပြောကြားလိုက်ပါတယ်။
ABC
No comments:
Post a Comment