သံလွှင်မြစ်ပေါ်တွင် တည်ဆောက်လျက် ရှိသော ရေကာတာ စီမံကိန်းများ၏ အကျိုးရလဒ်နှင့် ဆုံးရှုံးနိုင်သည့် အခြေအနေ များကို ကျင်းပနေဆဲ ပြည်ထောင်စုလွှတ်တော်သို့ လာရောက်တင်ပြရန် သက်ဆိုင်ရာ အစိုးရအဖွဲ့သို့ ပြည်ထောင်စု လွှတ်တော် နာယက သူရဦးရွှေမန်းက တိုက်တွန်းလိုက်သည်။
ရေအားလျှပ်စစ် စီမံကိန်းအဖြစ် သံလွင်မြစ်ပေါ်တွင် တည်ဆောက်နေဆဲ ဖြစ်သော ရေကာတာ စီမံကိန်းခြောက်ခုနှင့် ပတ်သက်၍ ကောင်းကျိုး၊ ဆိုးကျိုးများကို သုံးသပ်ပြီး ပြည်ထောင်စုလွှတ်တော်သို့ တင်ပြနိုင်ခြင်း ရှိမရှိကို လောက်ကိုင် မဲဆန္ဒနယ်မှ ဦးကျော်နီနိုင်က ဇွန် ၁၁ ကျင်းပသော ပြည်သူ့လွှတ်တော် အစည်းအဝေးတွင် မေးမြန်းရာ ဝန်ကြီးက လုပ်ဆောင်ချက် အချို့ကို ပြောကြားနေသဖြင့် ၎င်းက အထက်ပါအတိုင်း ပြောကြားခြင်း ဖြစ်သည်။
အဆိုပါ ရေကာတာ စီမံကိန်းများ တည်ဆောက်ခြင်းကြောင့် မြစ်ကြောင်း ပျက်စီးခြင်း အခြေမနေ မရှိနိုင်ဘဲ နိုင်ငံတွင်းနေ ပြည်သူ သန်း ၄၀ ကျော်အတွက် ဈေးနှုန်းသက်သာသော လျှပ်စစ်ကို ဖြန့်ဖြူးပေးသွားနိုင်မည် ဖြစ်ကြောင်း လျှပ်စစ်ဝန်ကြီးဌာန ဒုတိယဝန်ကြီး ဦးမော်သာထွေးက ပြောကြားသည်။
လက်ရှိတွင် အထက်သံလွင် (ကွမ်းလုံ) စီမံကိန်းကို ဆောက်လုပ်နေဆဲ ဖြစ်ပြီး ကျန်ရှိသည့် ရေကာတာ လေးခုကို ဆက်လက်လုပ်ဆောင်ရန် စီစဉ်ထားပြီ ဖြစ်ကြောင်း ၎င်းကဆိုသည်။
ယင်းစီမံကိန်းများနှင့် ပတ်သက်၍ သံလွင်မြစ်တစ်လျှောက် နေထိုင်သော တိုင်းရင်းသားအများစုက ကန့်ကွက်ဆန္ဒပြနေ မှုများ ရှိသော်လည်း အများပြည်သူ၏ သဘောထားကို ရယူ၍ စီမံကိန်း လုပ်ကိုင်ခဲ့ခြင်း ဖြစ်ကြောင်း ၎င်းက ထပ်လောင်း ပြောဆိုသည်။
The Voice Weekly
No comments:
Post a Comment