ထိုင်းနိုင်ငံရဲ့ နိုင်ငံရေးပြဿ နာ ဇစ်မြစ်ကို လိုက်ကြည့်ရင် ဝန်ကြီးချုပ်ဟောင်း Thaksin Shinawatra ရဲ့ လွှမ်းမိုးမှုတွေနဲ့ မကင်းတဲ့ လက္ခဏာတွေ တွေ့ရတယ်လို့ အာဏာသိမ်းထားတဲ့ စစ်အစိုးရက ယုံကြည်ကြောင်း ထိုင်းစစ်တပ် ပြောခွင့်ရသူက ပြောပါတယ်။
ဗိုလ်မှူးကြီး Werachon Sukondhapatipak က ဘန်ကောက်မြို့မှာ အင်္ဂါနေ့က အခုလို ပြောကြားခဲ့တာဖြစ်ပြီး၊ ဘာကြောင့် ဒီလိုထင်သလဲဆိုတာကိုတော့ ရှင်းမပြခဲ့ပါဘူး။
နိုင်ငံရင်ဆိုင်နေရတဲ့ ခက်ခဲတဲ့အခြေအနေတွေကို ဖြေရှင်းနိုင်ဖို့က သက်ဆိုင်သူအားလုံးရဲ့ ပူးပေါင်းဆောင်ရွက်မှုပေါ်မှာ မူတည်တယ်လို့ သူကဆိုခဲ့ပါတယ်။ ပညာရေးဝန်ကြီးဟောင်း Chaturon Chaisang ကို ဘန်ကောက်မြို့က နိုင်ငံခြား သတင်းထောက်များအသင်းမှာ စစ်သားတွေက ဝင်ရောက် ဖမ်းဆီးမှုဖြစ်ပြီး မကြာခင်မှာပဲ ဗိုလ်မှူးကြီး Werachon က အခုလို ပြောကြားခဲ့တာလည်း ဖြစ်ပါတယ်။
စစ်အာဏာသိမ်းမှုကြောင့် ထိုင်းနိုင်ငံရေးပြဿနာ ပြေလည်မှာ မဟုတ်ဘဲပိုပြီးပဲ ဆိုးသွားမှာဖြစ်တဲ့အကြောင်း နိုင်ငံခြား သတင်းထောက်တွေကို အဖမ်းမခံရခင်မှာပဲ သူက ပြောကြားခဲ့ပါတယ်။ စစ်အာဏာသိမ်းခဲ့ပြီးနောက် စစ်တပ်က ဆင့်ခေါ်တာကို သူကအာခံပြီး သွားရောက်ခြင်းမရှိခဲ့ပါဘူး။ ဖြုတ်ချခံခဲ့ရတဲ့ အစိုးရထိပ်တန်း တာဝန်ရှိသူ အများစုကတော့ ဖမ်းဆီးခံနေရပါတယ်။
VOA
No comments:
Post a Comment