Sunday, May 25, 2014

ပြည်သူ့ဂုဏ်ရည်ဆု ဒေါ်သန်းမြင့်အောင် ရရှိ


လူမှုရေးလုပ်ငန်းတွေကို နှစ်ရှည်လများ တစိုက်မတ်မတ် လုပ်ဆောင်လာခဲ့တဲ့ စာရေးဆရာ မသန်းမြင့်အောင်ကို ပဉ္စမအကြိမ်မြောက် ပြည်သူ့ဂုဏ်ရည် ဆုရှင်အဖြစ် မနေ့က ရွေးချယ်ဂုဏ်ပြု လိုက်ပါတယ်။

အမေရိကန်ပြည်ထောင်စု ဖလော်ရီဒါပြည်နယ် West Palm Beach မြို့မှာ မနေ့က ကျင်းပတဲ့ အခမ်းအနား မှာ ချီးမြှင့်လိုက်တာပါ၊ အထူးဆုတွေကိုတော့ လူတဦးတလ တထောင်စုပြီး လူမှုရေး အကူအညီတွေပေးနေ တဲ့ One More လှုပ်ရှားမှု၊ အမုန်းတရားတွေတားဆီးရေးလှုပ်ရှားတဲ့ ပန်းစကားအဖွဲ့နဲ့ တကိုယ်တော် ပရဟိတသမားများ ကွန်ယက်ထူထောင်သူ မခင်နှင်းကြည်သာ တို့က ဆွတ်ခူး ရရှိသွားပါတယ်။

ရန်ကုန်မြို့ တော်ဝင်နှင်းဆီခန်းမမှာ ဆုဆွတ်ခူးရရှိသူတွေကို ဇွန်လ ၁ ရက်နေ့မှာ ဆုချီးမြှင့်ပါမယ်၊ ပြည်သူ့ဂုဏ်ရည်ဆုရွေးချယ်ပုံ ရွေးချယ်နည်းကို ကယ်လီဖိုနီးယားပြည်နယ်၊ လော့အိန်ဂျလိစ်ဌာနခွဲက ဦးကိုလေးက ပြောပြပါတယ်။

"ပြည်သူ့ဂုဏ်ရည်ဌာနခွဲတွေအားလုံးကို ပဏာမရွေးချယ်တဲ့ စာရင်းကိုပို့ပြီး အဲ့ဒီကပဲ ရွေးပြီးပို့လာတဲ့ ဌာနခွဲ အသီးသီးက ရလာတဲ့ ဆန္ဒပြုတဲ့ ပုဂ္ဂိုလ်ကို ပြီးခဲ့တဲ့လကပေါ့နော် အားလုံးဆုံပြီးတော့ ရွေးချယ်လိုက်တာပါ၊ကျနော် တို့ ရွေးချယ်ပြီးသွားပါပြီ၊ဒီပုဂ္ဂိုလ်တွေဆုက တနှစ်ကို တဦး သို့မဟုတ် တဖွဲ့ချီးမြှင့်ပါတယ်၊ ၂ဝ၁၃ ခုနှစ်ကစပြီး ဆုတမျိုးဖန်တီးလိုက်ပါတယ် ၊တချို့ဆိုလို့ရှိရင်လည်း တနိုင်တပိုင်လေး လုပ်နေကြရတာ ရှိပါတယ် ဒါပေမဲ့လို့ ပြည်သူတွေအနေနဲ့ သိသင့်တယ်၊ မီးမောင်းထိုးပြသင့်တယ် ထင်တဲ့ အဲ့လိုပုဂ္ဂိုလ်တွေ၊အဖွဲ့အစည်းမျိုးတွေကိုလည်း ကျနော်တို့ ဖော်ထုတ် ချင်တဲ့ ဆန္ဒရှိတယ် အဲ့ဒါကြောင့် ကျနော်တို့ ၂ဝ၁၃ ခုနှစ်ကစပြီး ပြည်သူ့ ဂုဏ်ရည်အထူးဆုရှင်ဆုကို ကျနော်တို့ စပြီးတော့ချီးမြှင့်ခဲ့တာပါ"

ပြည်သူ့ဂုဏ်ရည်ဆုရှင်တွေကို အရင်က ကွန်ပျူတာအွန်လိုင်းကနေ ဆန်ကာတင်ရွေးချယ်ခဲ့ပြီး မနှစ်ကစလို့ ဆုရွေးချယ်တဲ့ စနစ်ပြောင်းခဲ့တာပါ။ ပြည်သူ့ဂုဏ်ရည်ဆုရှင်ကို ဆုတံဆိပ်နဲ့ အမေရိကန်ဒေါ်လာ တသောင်းချီးမျြင့်ပြီး အထူးဆုရှင်တွေကို ဆုတံဆိပ်နဲ့ ဒေါ်လာ တထောင်စီချီးမြှင့်ပါမယ်။

RFA Burmese

No comments:

Post a Comment

My Blog List