ကချင်ပြည်နယ် မြစ်ကြီးနားမြို့မှာ ဒီဇင်ဘာ(၉)ရက် မနက်ပိုင်းက နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ အတူ ရပ်တည်ထောက်ခံကြောင်း လူထုထောက်ခံပွဲတစ်ရပ်ကို ကျင်းပပါတယ်။
အဲဒီလူထုထောက်ခံပွဲကို မြစ်ကြီးနားနဲ့ ဝိုင်းမော်မြို့နယ်တွေက ဒေသခံပြည်သူတွေ တက်ရောက်ကြပါတယ်။ လူထုထောက်ခံပွဲကိုတော့ မြစ်ကြီးနားမြို့ ဗိုလ်ချုပ်ကြေးရုပ်ရှေ့မှာ စုရပ်ပြုလုပ်ပြီး သတ်မှတ်ထားတဲ့ လမ်းမကြီးတွေမှာ “နိုင်ငံ့ခေါင်းဆောင်နှင့်အတူရပ်တည်ကြောင်းထောက်ခံပွဲ”၊ “နိုင်ငံတော်၏အကျိုးစီးပွားကို ကာကွယ်ရန်နိုင်ငံသားတိုင်းတွင် တာဝန်ရှိသည်”၊ “We Stand With Our Leader “ ဗီနိုင်ပိုစတာတွေ ကိုင်ဆောင်ပြီး ငြိမ်းချမ်းစွာ လှည်လည်ခဲ့ပါတယ်။ ထောက်ခံပွဲကို မြို့မိမြို့ဖတွေက ဦးဆောင်ကျင်းပတယ်လို့ စီစဉ်သူတွေက ဆိုပါတယ်။ လူထု ထောက်ခံပွဲမှာ အင်အားရာဂဏန်းခန့် ပါဝင်ပြီး ကချင်ပြည်နယ် အစိုးရအဖွဲ့ဝင်တွေ ဖြစ်တဲ့ လူမှုရေးဝန်ကြီးဦးနေဝင်း၊ စည်ပင်သာယာရေးဝန်ကြီးဦးနော်လီ၊ လူဝင်မှုကြီးကြပ်ရေးနှင့် လူ့စွမ်းအားအရင််အမြစ် ဝန်ကြီးဦးဇော်ဝင်း၊ ဗမာတိုင်းရင်းသားရေးရာ ဝန်ကြီးဦးခင်မောင်မြင့်(ခ)ဦးဒိတ်၊ လီဆူတိုင်းရင်းသားရေးရာ ဝန်ကြီး ဦးအားတီယော ဟန်နဲ့ လွှတ်တော်ကိုယ်စားလှယ်တွေ တက်ရောက်ခဲ့ကြပါတယ်။
သတင်း- မိုဃ်းကျ(မြစ်ကြီးနား)
No comments:
Post a Comment