အမုန်းဘယ်လိုဖြေပါ့မယ်

စစ်ပွဲများကြောင့် နေရပ်တိမ်းရှောင်ထွက် ပြေး လာရသူများကို စေတနာ့ဝန်ထမ်းတစ်ဦးအဖြစ်အ နီးကပ်ကူညီပေးနေသူ ကချင် တိုင်းရင်းသူလေး မလွမ်ညယ်တွင် ဗမာလူမျိုးအပေါင်းအသင်းဟူ၍ သိပ်မရှိပါ။ထို့အပြင် ဗမာလူမျိုးဆိုလျှင် စကားမပြောဖြစ်အောင် ရှောင်တတ်သေးသည်။  ထို့အတွက် သူမတွင် အကြောင်းပြချက် ခိုင်ခိုင်မာမာရှိနေပါသည်။

လွန်ခဲ့သော၂နှစ်ခန့်က စစ် ကြောင့် အစ်ကိုအရင်းဖြစ်သူ၏ အသက်စတေးခဲ့ရသဖြင့် မလွမ်း ညယ်တွင် အနာမကျက်သေးပေ။ ၎င်းနှင့်    ထိတွေ့ဆက်ဆံနေရ သော မျိုးနွယ်တူဒုက္ခသည်များထံ မှ ကြားရဖန်များလာသော အဖြစ် ဆိုးများက သူ့ကို ဗမာလူမျိုးများ နှင့် အဝေးဆုံးရောက်အောင် တွန်းပို့ထားသည်။

‘‘ကျွန်မက ဗမာတွေနဲ့ သိပ်မ ပေါင်းဖြစ်ဘူး။ ကင်းကင်းရှင်းရှင်း နေတယ်။ ဗမာတွေကို ကင်း အောင်နေတယ်’’ဟု မလွမ်းညယ် က ဆိုသည်။

 လေးနှစ်ပြည့်လာသော် လည်း ယမ်းငွေ့မစဲသေးသည့် ကချင်မြေတွင် စစ်ပွဲအချိန်ကြာမြင့် လာသည်နှင့်အမျှ မလွမ်းညယ်ကဲ့ သို့ပင် ကချင်လူမျိုးအများစုတွင် ဗမာမုန်းတီးရေးစိတ်များ  ခို အောင်းလာပါသည်။

၁၇နှစ်ကြာ အပစ်အခတ်ရပ် ထားသော ကချင်လွတ်လပ်ရေး တပ်မတော်(KIA)နှင့် မြန်မာ့တပ် မတော်တို့သည် ၂၀၁၁ ဇွန် ၉ရက် မှစတင်ကာ တိုက်ပွဲများတစ် ကျော့ပြန်ဖြစ်ပွားခဲ့သည်။ နယ် ခြားစောင့်တပ်အသွင်ပြောင်းလဲ ရေးကို ကေအိုင်အေကလက်မခံ ရာမှ တင်းမာခဲ့ကာ တပ်မတော် က တာတာပိန်မြစ်အနီးရှိ ကေ အိုင်အေစခန်းကို ၀င်ရောက်တိုက် ခိုက်ခဲ့သည်။ ထိုအချိန်မှစကာ တောက်လောင်ခဲ့သော တစ်ကျော့ပြန်စစ်မီးသည် လေးနှစ်တိုင်လာပြီဖြစ်သော်လည်း မငြိမ်းချမ်းနိုင်သေးပါ။

စစ်၏နောက်ဆက်တွဲအနေ ဖြင့် ကချင်တိုင်းရင်းသားအများစု အပါအ၀င်ဒေသခံများ နေရပ်မှ စွန့်ခွာခဲ့ရကာ ဘ၀ပေါင်းများစွာပျက်စီးခဲ့ရသည်။ ဒုက္ခသုက္ခများ စွာကို ရင်စည်းခံခဲ့ကြရသည်။

ထို့ကြောင့် မလွမ်းညယ်ကဲ့ သို့ ကချင်တိုင်းရင်းသားများ၏ နှ လုံးအိမ်အတွင်း စစ်ကို မုန်းတီး စိတ်နှင့်အတူ ဗမာလူမျိုးများကိုပါ မုန်းတီးစိတ်များကိန်းအောင်နေ ပါတော့သည်။

လေးနှစ်တာကာလအတွင်း မြန်မာ့တပ်မတော်နှင့် ကေအိုင် အေတို့ တိုက်ပွဲနှင့်ထိတွေ့မှုအ ကြိမ်ပေါင်း ၂၆၀၀နှင့်အထက်ဖြစ် ပွားခဲ့ကြောင်း စောင့်ကြည့်လေ့ လာသူ   အဖွဲ့အစည်းများကဆို သည်။ တိုက်ပွဲများအတွင်း ၎င်းတို့ ဘက်မှ ၂၀၀ကျော်သေဆုံးခဲ့ပြီး တစ်ထောင်နီးပါးထိခိုက်ဒဏ်ရာ ရရှိခဲ့ကြောင်း ကေအိုင်အေထိပ် ပိုင်းအရာရှိတစ်ဦးကပြောသည်။

တရားဝင်ထုတ်ပြန်ခြင်းမရှိ သော်လည်း ကချင်စစ်ပွဲအတွင်း မြန်မာ့တပ်မတော်ဘက်က ထိခိုက်ဒဏ်ရာရရှိမှုပိုမိုများပြားနိုင် ကြောင်း နိုင်ငံတကာအပါအ၀င် လေ့လာသူများက သုံးသပ်ထား သည်။

တိုင်းရင်းသားချင်းဖြစ်ပွား နေသော ပြည်တွင်းစစ်အကျိုး ဆက်အဖြစ် ဗမာဆန့်ကျင်ရေး စိတ်ဓာတ်များ ကချင်လူမျိုးများကြားတွင် ကိန်းအောင်းလာနေခြင်းဖြစ်သည်။

‘‘ဗမာက ကျွန်မတို့ကို လူနည်းစုဆိုပြီး အနိုင်ကျင့်တယ်။  လူမျိုးကြီးဝါဒသုံးတယ်’’ဟ မလွမ်းညယ်က သူ၏ ခံစားချက်ကို ပြောပြသည်။

စစ်ပွဲကာလအတွင်း လူ့အ ခွင့်အရေးချိုးဖောက်မှုများ ရင် ဆိုင်ကြုံတွေ့ခဲ့ခြင်းကြောင့်လည်း လူမျိုးရေး မုန်းတီးမှုများဖြစ်ပွားခဲ့ ပြီး ဗမာလူမျိုးများအပေါ်ယုံကြည် မှုလျော့နည်းလာခဲ့ကြောင်း စစ် ပြေးဒုက္ခသည်တစ်ဦးကရင်ဖွင့် သည်။စစ်ပွဲများတစ်ကျော့ပြန်ဖြစ် ပွားပြီး မကြာမီစစ်ရှောင်ဒုက္ခ သည်များကို တွေ့ဆုံမေးမြန်းရန် လာသည့် ရန်ကုန်မှ သတင်း ထောက်ကို ဗမာလူမျိုးဖြစ်နေ သည့်အတွက် ဖြေဆိုရန်ငြင်းဆိုခံ ခဲ့ရသည်များပင် ကြုံခဲ့ရသည်ဟု မြစ်ကြီးနားအခြေစိုက်သတင်း ထောက်တစ်ဦးက ကိုယ်တိုင်ကြုံ ခဲ့ရသည်များကို ပြန်ပြောပြသည်။

စစ်ပွဲကြောင့် အတိဒုက္ခများ ကို ရင်ဆိုင်ခံစားခဲ့ရခြင်းကဒေသ ခံပြည်သူများကို စိတ်ဒဏ်ရာများ ရရှိစေခဲ့သည်။

‘‘ကျွန်မတို့လူမျိုးတွေအများ ကြီးဒုက္ခရောက်နေကြတယ်။ အိမ် တွေထားခဲ့ရတယ်။ ကိုယ်ချစ်တဲ့ မိသားစုတွေနဲ့ ခွဲနေရတယ်’’ဟု စစ်ပြေးဒုက္ခသည် မဒွဲလိန်က ဆို သည်။ ‘‘လူမျိုးရေးမုန်းတီးမှုဆို တာ မရှိသင့်ပေမယ့် ဒီလိုဖြစ် အောင်သူတို့ပဲ(အစိုးရကို ဆိုလို ခြင်းဖြစ်သည်)လုပ်နေတာ’’

စစ်ပွဲရပ်စဲအောင်ပြုလုပ်နိုင် ခြင်းမရှိသေးမီကာလအတွင်းအင် တာနက်လူမှုကွန်ရက်စာမျက်နှာ များတွင် ထိလွယ်ရှလွယ်လူမျိုး ရေးနှင့်ပတ်သက်သည့် အမုန်းစကားများကို ရေးသားဖော်ပြခြင်း များကလည်း အထင်လွဲမှားမှုများ ကို ပိုမိုဖြစ်ပွားစေခဲ့သည်။ 

ထို့အပြင် ပြစ်မှုကျူးလွန်သူကို ယခုတိုင် ဖော်ထုတ်နိုင်ခြင်းမရှိသေးသော ကချင်နှစ်ခြင်းခရစ်ယာန်အသင်း တော်(KBC)လုပ်အားပေးဆရာမ နှစ်ဥိးအသတ်ခံရသည့်ကိစ္စ၊ မ ကြာသေးမီကဖြစ်ပွားခဲ့သော မ ချမ်းဘောမြို့နယ်မှ ဒေသခံလူ ငယ်တစ်ဦးအသတ်ခံရသည့်ကိစ္စ များကဲ့သို့ မှုခင်းများကလည်း ဗ မာလူမျိုးများအပေါ်   ဆန့်ကျင် မှုပိုမိုဖြစ်ပွားစေကြောင်းကချင် တိုင်းရင်းသားအရေးစောင့်ကြည့်လေ့လာနေသူများက သုံးသပ်ကြသည်။

စစ်ပွဲနှင့်အတူ ဖြစ်ပွားလာ သည့် လူမျိုးရေးမုန်းတီးမှုများ ဆက်လက်မပြင်းထန်လာစေရန် အစိုးရအပါအ၀င်သက်ဆိုင်သူအ ဖွဲ့အစည်းများအားလုံးတွင်တာ ၀န်ရှိနေကြောင်း သူတို့ကပင် သတိပေးစကားဆိုလာကြသည်။

လတ်တလောတွင် ကချင်လူမျိုးအများစုခံစားနေရသောအ ခြေအနေနှင့်ပတ်သက်၍

‘‘အခုက ကလေးတွေကပါ ဗမာကိုမုန်းတဲ့စိတ်၊ စိတ်နာတဲ့ ဒဏ်ရာတွေဖြစ်နေကြတယ်။ ဒါကို အမြန်ကုစားပေးဖို့လိုပါတယ်’’ ဟု စစ်ပွဲကြောင့် နေရပ်စွန့်ခွာ တိမ်းရှောင်နေရသူ မဒွဲလိန်က ပြောသည်။

၈၈မျိုးဆက်ငြိမ်းချမ်းရေးနှင့် ပွင့်လင်းလူ့အဖွဲ့အစည်းခေါင်း ဆောင်တစ်ဦးဖြစ်သူ ဦးကိုကိုကြီး က ဗမာလူမျိုးများသည်လည်းအာ ဏာရှင်အစိုးရလက်ထက်ဖိနှိပ်မှု မျိုးစုံခံစားခဲ့ရပြီး ကချင်စစ်ပွဲမှာ ဗမာပြည်သူများနှင့်ဖြစ်ပွားခြင်းမဟုတ်သည်ကို ရှင်းလင်းစွာနား လည်ရန်လိုအပ်ကြောင်း ငြိမ်းချမ်း ရေး  အလုပ်ရုံဆွေးနွေးပွဲတစ်ခု တွင်ပြောကြားခဲ့ဖူးသည်။

၈၈မျိုးဆက် ငြိမ်း/ပွင့်မှ ကို မြအေးက ကချင်သာမက တိုင်း ရင်းသားအားလုံးက အစိုးရတပ်မ တော်ကို ဗမာစစ်တပ်ဟုသာ ထင်မြင်နေကြပြီး အဓိကအကြောင်းရင်းဖြစ်သည့် နိုင်ငံရေးပြဿနာကို နိုင်ငံရေးနည်းလမ်းဖြင့် ဖြေရှင်းမှသာ အားလုံးပြေလည်နိုင်မည်ဖြစ်ကြောင်းအကြံပြုသည်။

‘‘မတူညီတဲ့အမြင်တွေကို လည်း နားလည်ပေးရမယ်။ အဓိက အနှစ်ချုပ်ကတော့ နိုင်ငံရေးနဲ့ပဲဖြေရှင်းရမယ်’’ဟုကိုမြအေးက ဆိုသည်။

7Day News Journal