ပန်ဆန်းညီလာခံ ဘာလဲ ဘယ်လဲ

မေလ ၁ ရက်နေ့ကနေ ၆ ရက်နေ့အထိ ကျင်းပပြုလုပ်ခဲ့တဲ့ ၆ ရက်ကြာ ပန်ဆန်းညီ လာခံတော့ ဟိုတလောကပဲ ပြီးဆုံးသွားခဲ့ပါပြီ။ ဒီညီလာခံကြီးမှာ ပြည်ထောင်စုငြိမ်းချမ်းရေး လုပ်ငန်းကော်မတီ ( UPWC ) နဲ့ တစ်နိုင်ငံလုံး အပစ်အခတ် ရပ်စဲရေးဆိုင်ရာညှိနှိုင်းရေးအဖွဲ့ (NCCT) တို့ သဘောတူ ထားတဲ့ တစ်ပြည်လုံး အပစ်ရပ်ရေး သဘောတူစာချုပ် NCA မူကြမ်း ကို ပြန်လည်သုံးသပ်ညှိနှိုင်းရင်း တိုင်းရင်းသား လက်နက်ကိုင်အဖွဲ့အသီးသီးရဲ့ သဘောထားနဲ့အ ကြံပြုချက်အသီးသီးကို တင်ပြဆွေးနွေးခဲ့ကြတာဖြစ် ပါတယ်။ 

တကယ်တော့ NCA စာချုပ် မူကြမ်း ဆွေးနွေးပွဲအဆင့်ဆင့်မှာ UWSA အဖွဲ့မပါဝင်ခဲ့ပါဘူး။ ရံဖန်ရံခါ လေ့လာသူအဖြစ် နဲ့ တက်ရောက်ခဲ့ကြဖူး တာပဲရှိပါတယ်။ NCA စာချုပ်မူကြမ်းဆွေးနွေးပွဲအဆင့်ဆင့်မှာ မပါဝင် ခဲ့တဲ့ UWSP အဖွဲ့ဟာ UPWC နဲ့ NCCT တို့ သဘောတူထားတဲ့ NCA စာချုပ် မူကြမ်းကို ဘာကြောင့် အခုမှ “၀” အဖွဲ့ဌာနချုပ် ပန်ဆန်းမြို့မှာ UNFC အဖွဲ့ ထိပ်သီးခေါင်းဆောင်တွေ ပါဝင်တဲ့ ထိပ်သီးအစည်းအဝေးတစ်ရပ်ကို ဦးစီးကျင်းပရတာလဲဆိုတာ မေးခွန်းထုတ်စရာ ဖြစ်လာနိုင်ပါတယ်။

မေးခွန်းများ

တကယ်တော့ UWSP ၊ ၀ - အဖွဲ့ရဲ့မြို့တော် ပန်ဆန်း (ခေါ်) ပန်ခမ်းမြို့ဟာ ပထဝီအနေအထားအရ မြန်မာပြည်အရှေ့ခြမ်း နယ်စပ်တစ်လျှောက်မှာ ရပ်တည်လှုပ်ရှားနေကြတဲ့ တိုင်းရင်းသား လက်နက်ကိုင်အဖွဲ့အစည်းများရဲ့ အချက်အချာ အလယ်ဗဟိုမှာရှိနေတာပါ။ တစ်နည်းပြောရရင် ကချင်ပြည် နယ်နဲ့ ရှမ်းပြည်နယ်မြောက်ပိုင်းက လက်နက်ကိုင်အဖွဲ့အစည်းတွေနဲ့ ရှမ်းပြည်တောင်ပိုင်း မွန်၊ ကရင်ပြည်နယ်က တိုင်းရင်းသားလက်နက်ကိုင် အဖွဲ့အစည်းတွေရဲ့ လှုပ်ရှားမှုတွေကို ပေါင်းစည်းဆက် စပ်ပေးနိုင်အောင် မဟာဗျူဟာကျတဲ့ အနေအထားမှာရှိနေပါတယ်။ ဒါ့အပြင် UWSA ၀ - တပ်မတော်မှာ အမြဲတမ်းတပ်သား သုံးသောင်းကျော်နဲ့ အရန်ပြည်သူ့ စစ်နှစ်သောင်း နီးပါးရှိထားတဲ့အတွက် မြန်မာပြည်မှာ အင်အားအကြီးမားဆုံး တိုင်းရင်းသားလက်နက် ကိုင်တပ်ဖွဲ့ကြီးဖြစ်ပါတယ်။ ဒါ့အပြင် တစ်ဖက် နိုင်ငံရဲ့ စစ်ရေးနည်းပညာပံ့ပိုးကူညီမှုတွေ ရှိနေခဲ့တာကြောင့် ခေတ်မီအင် အားတောင့်တင်းမှု အမြင့်မားဆုံးတပ်ဖွဲ့ကြီးလည်း ဖြစ်ပါတယ်။ တစ်ချိန် တည်းမှာ စစ်ရေးအတွေ့အကြုံကြီးမားတဲ့ မိုင်းလားအဖွဲ့နဲ့ကိုးကန့်အဖွဲ့တွေ ဟာ UW SA အဖွဲ့နဲ့ ရေရှည်ပူးပေါင်းရပ်တည်လာကြတဲ့ လက်ဝဲရံ၊ လက်ယာရံ မဟာမိတ်တွေလည်း ဖြစ်ကြပါတယ်။ ဒီလို UWSA အဖွဲ့ရဲ့ မဟာဗျူဟာကျတဲ့ အနေအထားနဲ့ တောင့်တင်းကြွယ်ဝတဲ့ စစ်လက်နက် ပစ္စည်းတွေဟာ မြန်မာပြည်တစ်လွှား အထူးသဖြင့် မြောက်ပိုင်းဒေသမှာ လှုပ်ရှားနေကြတဲ့ တိုင်းရင်းသားလက်နက်ကိုင် အဖွဲ့များအတွက် သဘာဝကျစွာ အဓိကစစ် လက်နက်အင်အား ရေသောက်မြစ်သဖွယ်ဖြစ် နေရပါတယ်။ ဒါကြောင့် မြန်မာပြည်မှာ အမျိုးသားအခွင့်အရေးအတွက် တိုက်ပွဲဝင်နေကြတဲ့ အင်အားစုမှန်သမျှဟာလည်း UWSA ဌာန ချုပ်ဖြစ်တဲ့ ပန်ဆန်းကို ဦးတည်စုစည်းခဲ့ကြ တာဖြစ်တယ်။ တစ်ဆက်တည်းမှာ UPWC နဲ့ NCCT တို့ သဘောတူညီထားတဲ့ NCA စာချုပ်မူကြမ်းကို UWSA ပါဝင်တဲ့ ထိပ်သီး အစည်းအဝေးမှာ ပြန်လည်သုံးသပ်ညှိနှိုင်းခဲ့ ကြပုံရပါတယ်။ UWSA ရဲ့ သဘောထားမပါ ဝင်တဲ့ NCA စာချုပ်မျိုးကလည်း လက်တွေ့အားဖြင့် တစ်ပြည်လုံးအပစ်အခတ်ရပ်စဲရေးကို အာမခံချက်ပေးနိုင်စရာ အကြောင်းမရှိပါဘူး။

ဒီမှာ နောက်ထပ်မေးစရာတစ်ခုရှိလာတာ က UWSA အဖွဲ့ဟာ ဃြဗ အပစ်ရပ်မူကြမ်း ဆွေးနွေးပွဲတွေမှာ ဘာကြောင့်မပါဝင်ခဲ့တာလဲဆိုတဲ့ မေးခွန်းပါပဲ။ ဒီမေးခွန်းနဲ့ပတ်သက်လို့ UWSA ပြောရေးဆိုခွင့်ရှိသူ ဦးအောင်မြင့်က “ ၀ အဖွဲ့ဟာ အပစ်အခတ်ရပ်စဲပြီး အစိုးရနဲ့ ငြိမ်းချမ်းရေးစာချုပ် ချုပ်ကာ ဒေသဖွံ့ဖြိုးရေး လုပ်ဆောင်နေတဲ့အဖွဲ့ အစည်းပါ။ အစိုးရတပ်မတော်နဲ့ တစ်စုံတစ်ရာ စစ်ရေးအရ ထိတွေ့တိုက် ခိုက်မှုလည်းမရှိသေးပါဘူး။ ဒါကြောင့် အပစ်ရပ်စာချုပ်မူကြမ်းကိစ္စမှာ ဘာမှပါဝင်ဆွေးနွေး စရာမလိုအပ်ခဲ့ပါဘူး။ ၀ - အဖွဲ့အနေနဲ့ အဓိကလိုလားတာ အပစ်ရပ်ပြီးနောက် နိုင်ငံရေးဆွေးနွေးမှုတွေ ဆက်လုပ်သွားကြဖို့ပါပဲ။ ဒါကြောင့် UPWC နဲ့ NCCT တို့ အပစ်ရပ်ရေး NCA မူကြမ်းဆွေးနွေးပြီးချိန်မှာ နိုင်ငံရေးအရ ဆက်လက်ဆွေးနွေးရေးအတွက် တိုင်းရင်းသားလက် နက်ကိုင်အဖွဲ့အစည်းအချင်းချင်း ကြိုတင်ညှိနှိုင်းကြဖို့ ဒီပန်ဆန်းထိပ်သီးညီလာခံကို ကျင်းပခဲ့တာဖြစ်ပါတယ်။ ငြိမ်းချမ်းရေးအတွက် အစိုးရနဲ့ ညှိနှိုင်းဆွေးနွေးရာမှာတော့ ၀ - အဖွဲ့လည်း ပါဝင်လိမ့်မယ်လို့ ရှင်းပြခဲ့ပါတယ်။

ဒါပေမဲ့ ပန်ဆန်းအစည်းအဝေးအတွက် ဖိတ်ကြားရာမှာ NCCT အဖွဲ့ဝင် ၁၆ ဖွဲ့လုံး ကို မဖိတ်ကြားဘဲ UNFC က အဖွဲ့ဝင် ၁၂ ဖွဲ့ကိုသာ ဖိတ်ကြားခံတာနဲ့ ပတ်သက်လို့ ဘာကြောင့်လဲဆိုပြီး မေးခွန်းထုတ်မှုအချို့ ရှိနေခဲ့ ပါတယ်။ ၀- အဖွဲ့အနေနဲ့ NCCT အဖွဲ့ကို အသိအမှတ်မပြုတဲ့ သဘောမဟုတ်ပေမယ့် အစိုးရက ဆွေးနွေးဖက်အဖြစ် သဘောထားတဲ့ တိုင်းရင်းသားအဖွဲ့အစည်း မျိုးစုံ ပါဝင်နေ လို့ NCCT အဖွဲ့အနေနဲ့ ဖိတ်ကြားလိုဟန်မရှိပါဘူး။ အစိုးရနဲ့ နီးကပ်တဲ့ဆက်ဆံရေးရှိတဲ့အဖွဲ့များ၊ တိုင်းရင်းသားလက်နက်ကိုင်မဟုတ်တဲ့ အဆက်အစပ်မရှိတဲ့ အဖွဲ့အစည်းများကို ဖိတ်ကြားခြင်းမရှိခဲ့ပါဘူး။ ဒါကြောင့် ပန်ဆန်းညီလာခံကို ချင်းအမျိုးသားတပ်ဦး CNF ၊ လားဟူဒီမိုကရက်တစ် အစည်းအရုံး LDU ၊ ၀ - အမျိုးသားအဖွဲ့ချုပ် WNO ၊ ရခိုင်အမျိုးသားကောင် စီ ANC ၊ ဒီမိုကရေစီအကျိုးပြု ကရင်တပ် DKBA ၊ ကရင်ငြိမ်းချမ်းရေးကောင် စီ KNU / KNLA-PC ၊ ရခိုင်လွတ်မြောက် ရေးပါတီ စတဲ့ NCCT အဖွဲ့ဝင်တွေနဲ့ နာဂအမျိုးသားဆိုရှယ်လစ်ကောင်စီ (NSCN-K) နဲ့ မြန်မာနိုင်ငံလုံးဆိုင်ရာ ကျောင်းသားဒီမိုက ရက်တစ်တပ်ဦး ABSDF တို့ကို ဖိတ်ကြားခြင်း မရှိခဲ့ပါဘူး။ တစ်ချိန်တည်းမှာ တပ်မတော်နဲ့ ပြင်းထန်တဲ့တိုက်ပွဲတွေ ဖြစ်ပွားနေတဲ့ ကိုးကန့်တပ်ဖွဲ့ MNDAA ၊ တအာင်းပလောင်အဖွဲ့ TNLA နဲ့ ရက္ခိုင့်တပ်မတော် AA အဖွဲ့ကိုယ်စားလှယ်တွေကိုတော့ ဖိတ်ကြားခဲ့ပါတယ်။ ဒါကြောင့် ပန်ဆန်းညီလာခံစုဖွဲ့မှုမှာ အင်အားကြီး တိုင်းရင်းသားလက်နက်ကိုင်အဖွဲ့ ထိပ်သီးတွေ ပါဝင်ခဲ့ပေမယ့် အစိုးရကမလိုလားတဲ့၊ တပ်မတော်က လက်မခံနိုင်တဲ့ အင်အားစုတွေရဲ့ စုစည်းမှုလို့ ယူဆဖွယ်ရာဖြစ်ပါတယ်။

နိုင်ငံရေးသဘောထား 

ပန်ဆန်းညီလာခံအဖွင့်မိန့်ခွန်း ပြောကြားရာမှာ UWSP ဥက္ကဋ္ဌ၊ UWSA စစ်ဦးစီးချုပ် ဦးပေါက်ရိုချန်းက ပြည်တွင်းစစ်ပြဿနာကို နိုင်ငံရေးနည်းအရ ဖြေရှင်းဖို့ အဆိုပြုတင်ပြခဲ့ပါတယ်။ စစ်အစိုးရရေးဆွဲပြဋ္ဌာန်းထားတဲ့ ၂၀၀၈ ဖွဲ့စည်းပုံပြင်ဆင်ရန် အရေးကြီးကြောင်း၊ ဖွဲ့စည်းပုံပြင်ဆင်ပေးမှသာလျှင် တစ်နိုင်ငံလုံးအပစ်အခတ်ရပ်စဲရေး NCA စာချုပ်ကို တိုင်းရင်းသားလက်နက် ကိုင်အဖွဲ့အစည်းများက ပါဝင် လက်မှတ်ရေးထိုးလိမ့်မည်ဖြစ်ကြောင်းကို လည်း မေလ ၄ ရက်နေ့က ထုတ်ဖော်ကြေညာသွား ခဲ့ပါတယ်။ ဒီသဘော ထားအရ UWSA နဲ့ UNFC တို့ရဲ့ “ပြည်တွင်းစစ်ရပ်စဲရေး ငြိမ်းချမ်းရေး” လုပ်ငန်းစဉ်ဆိုင်ရာ အခြေခံသဘောထား၊ နိုင်ငံရေးအရ တညီတညွတ် တည်းဖြစ်သွားကြပြီးဖြစ်ကြောင်း ဖော်ပြလိုက်ခြင်းဖြစ်ပါတယ်။တစ်ချိန်တည်း မှာ ၂၀၀၈ ဖွဲ့စည်းပုံပြင် ဆင်ပေးမှသာ တစ်ပြည်လုံးအပစ်အခတ်ရပ်စဲရေးကို တိုင်းရင်းသားလက်နက်ကိုင်များက လက်မှတ်ထိုးမယ်လို့ ကြေညာလိုက်ခြင်း ဟာ တစ်ပြည်လုံးရှိ နိုင်ငံရေးအင်အားစုများရဲ့ သဘောထားနဲ့တစ်ထပ် တည်းကျ ညီညွတ်သွား စေပေမယ့် NCA စာချုပ်မူကြမ်းကို အလျင်အမြန် လက်မှတ်ထိုးစေချင်တဲ့ သမ္မတဦးသိန်းစိန်ကို နိုင်ငံရေးအရ အရှိုက်ထိုးလိုက် သလို အထိနာသွားစေနိုင်ပါတယ်။ ဦးသိန်းစိန်က NCA စာချုပ်မှာ အငြင်းပွားစရာဖြစ်နေတဲ့ ၂၀၀၈ ဖွဲ့ စည်းပုံပြင်ဆင်ရေးဆိုင်ရာ နိုင်ငံရေးပြဿနာတွေကို နိုင်ငံရေးဆွေးနွေးပွဲဆီကို တွန်းပို့ဘေးဖယ်ထားပြီး NCA စာချုပ်ကို အလျင်အမြန်လက်မှတ်ထိုးစေချင်တာပါ။ ဒါပေမဲ့ ပန်ဆန်းညီလာခံက NCA စာချုပ်လက်မှတ်ရေးထိုးရေးကို ၂၀၀၈ အခြေခံဥပဒေပြင်ဆင်ရေးနဲ့ ပူးကပ်ပေး လိုက်တဲ့အတွက် ဦးသိန်းစိန်အဖို့ နိုင်ငံရေးအရ အကြီးအကျယ် အကျပ်ရိုက်သွားစေနိုင်ပါတယ်။ ဒါ့အပြင် ၂၀၀၈ ဖွဲ့စည်းပုံကို ပြင်ဆင်လိုတဲ့ဆန္ဒ လုံးဝမရှိတဲ့ ဗိုလ်ချုပ်မှူးကြီး မင်းအောင်လှိုင်ရဲ့ တပ်မတော်နဲ့ တိုင်းရင်းသားလက်နက် ကိုင်အင်အားစု တွေစစ်ရေးအရ ဆက်ပြီးထိပ်တိုက်တိုးစရာ အကြောင်းတွေ ပိုမိုတိုးပွားများ ပြားလာနိုင်ပါတယ်။ အနိမ့်ဆုံးအားဖြင့် သမ္မတဦးသိန်းစိန်ရဲ့ အပစ်ရပ်စာချုပ် အလျင်အမြန် လက်မှတ်ထိုးရေး စိတ်ကူးမိုးတိမ်တွေ ပန်ဆန်းညီလာခံမှာ ပြိုကွဲသွားပြီလို့ ဆိုရပါလိမ့်မယ်။

စစ်ရေးတောင်းဆိုမှုများ 

ညီလာခံအဆုံးသတ်နေ့နောက်ပိုင်း ထုတ်ပြန်ကြေညာချက် ၁၂ ချက်ထဲမှာ တစ်ပြည်လုံး အပစ်အခတ်ရပ်စဲနိုင်ရေးအတွက် ကချင်ပြည်နယ်၊ ရှမ်းပြည် နယ်နဲ့ ရခိုင်ပြည်နယ်တို့မှာ စစ်ဆင်ရေးတွေ ရပ်ဆိုင်းပြီး တိုက်ပွဲတွေဆက် လက်မဖြစ်ပွားဖို့ တောင်းဆိုထားပါတယ်။ ဒါသမ္မတဦးသိန်းစိန် အမိန့်ပေး ဆုံးဖြတ်လို့ရတဲ့ ကိစ္စမဟုတ်ပါဘူး။ ဗိုလ်ချုပ်မှူးကြီးမင်းအောင်လှိုင်သာ အမိန့်ပေးဆုံးဖြတ်ရမှာပါ။ ခုအချိန်မှာတော့ စစ်ပွဲတွေဟာ ကချင်ပြည်နယ်၊ ရှမ်းပြည်နယ်၊ ရခိုင်ပြည်နယ်အနှံ့ ပြန့်နေပါပြီ။ ငြိမ်းချမ်းရေး အပစ်ရပ်ရေး ဆွေးနွေးပွဲတွေ စတင်ချိန်က ကချင်ပြည်နယ်မှာ KIA ကိုအကြီး အကျယ် ထိုးစစ်ဆင်နေရာကနေ ၂၀၁၄ ခုနှစ် မှာ TNLA အဖွဲ့ရဲ့ တအာင်းပလောင် ဒေသကို အပြင်းအထန်စစ်ဆင်ရေးတွေ ဆင်နွှဲခဲ့ပါ တယ်။ ၂၀၁၅ ခုနှစ် ဆန်းရောက်ချိန်မှာတော့ ကိုးကန့်ဒေသမှာ ဦးဖုန်ကြားရှင်အဖွဲ့ကို တပ်မတွေ ထည်လဲသုံးပြီး လေကြောင်းထိုးစစ်တွေပါ ဆင်နွှဲခဲ့ကြပါတယ်။ အခုနောက်ဆုံးတော့ တပ်မတော်ရဲ့ စစ်ဆင်ရေးတွေဟာ ရခိုင်ပြည်နယ်၊ ကျောက်တော်ဒေသအထိ ပျံ့နှံ့သွားခဲ့ပါ ပြီ။ ဆိုရရင် သမ္မတဦးသိန်းစိန်ရဲ့ အပစ်ရပ်ရေး ငြိမ်းချမ်းရေးကြိုးပမ်းလာတဲ့ သက်တမ်း ၃ နှစ် အတွင်းမှာ ငြိမ်းချမ်းရေးစကားတွေ မိုးမွှန်အောင် ပြောနေရင်း တပ်မတော်ရဲ့စစ်ဆင် ရေး အရှိန်အဟုန်က ပိုပိုပြီး မြင့်မားပြင်းထန် ကျယ်ပြန့် လာနေပါတယ်။ ဒီလိုမီးစတစ်ဖက်၊ ရေမှုတ် တစ်ဖက်မူဝါဒတွေ ဆက်လက်ကျင့်သုံးနေလို့ ကတော့ ငြိမ်းချမ်းရေးမပြောနဲ့ အပစ်ရပ်ရေးတောင် ဖြစ်လာနိုင်စရာ အကြောင်းရှိလှပါဘူး။

UWSA နဲ့ UNFC တို့ ပူးတွဲညှိနှိုင်းခဲ့ ကြတယ်ဆိုပေမယ့် UNFC အဖွဲ့ဝင်တွေ ဖြစ်တဲ့ ရက္ခိုင့်တပ်မတော် AA ၊ တအာင်းပလောင် (TNLA) အဖွဲ့တွေကို အစိုးရက အသိအမှတ် ပြုပါဝင်ခွင့်မပေးခဲ့ဘူး။ အခုနောက်ပိုင်းပေါ် ပေါက်လာတဲ့ ဦးဖုန်ကြားရှင်ရဲ့ ကိုးကန့် MNDAA အဖွဲ့ကိုလည်း ပြည်ပကဝင်ရောက်လာ သယောင်နဲ့ တိုင်းရင်းသားလက်နက်ကိုင်အဖွဲ့ စာရင်းမှာတောင် အစိုးရကထည့်သွင်းအသိ အမှတ်ပြုခဲ့ခြင်းမရှိခဲ့ကြပါဘူး။

ဒီလိုတပ်မတော်နဲ့ နေ့စဉ်ပြင်းထန်တဲ့ တိုက်ပွဲတွေဆင်နွှဲနေတဲ့ အဖွဲ့တွေကို ငြိမ်းချမ်းရေးစားပွဲကို ဆွဲမခေါ်ဘဲနဲ့ ဘယ်လိုလုပ်ပြီး အပစ်အခတ်ရပ်စဲရေး တစ်ပြည်လုံးအတိုင်းအတာနဲ့ ဖြစ်လာနိုင်မှာလဲ။ ဒီအဖွဲ့တွေကို အစိုးရနဲ့တပ်မတော်က တိုင်းရင်းသားလက်နက်ကိုင် အဖွဲ့စာရင်း မသွတ်သွင်းခဲ့ပေမယ့် ပန်ဆန်း ညီလာခံကတော့ ပါဝင်ဆွေးနွေးဖို့ ဖိတ်ခေါ်စာရင်းသွင်းခဲ့တယ်။ ဒါကြောင့် အစိုးရနဲ့တပ်မတော်အနေနဲ့ ပန်ဆန်းညီလာခံကို အကောင်းမြင် အသိအမှတ်ပြုစရာ အကြောင်းမမြင်လှပါဘူး။ NCA စာချုပ် လက်မှတ်ရေးထိုးရေး လုပ်ငန်းစဉ်အတွက် “ဖျက်မြင်း” တွေရဲ့အစည်း အဝေးလို့သာ ယူဆပါလိမ့်မယ်။ ဒါပေမဲ့ သေချာတာကတော့ “ပန်ဆန်းညီလာခံ” တက်ရောက်ခဲ့ကြတဲ့ တိုင်းရင်းသားလက်နက်ကိုင် အဖွဲ့တွေရဲ့ ထိပ်သီးတွေနဲ့ သင့်လျော်စွာ ဆွေးနွေးညှိနှိုင်းမှုမပြုသမျှတော့ မြန်မာပြည်မှာ ငြိမ်းချမ်းရေးမဆိုထားနဲ့ အပစ်အခတ်ရပ်စဲရေးတောင် လုပ်နိုင်မှာမဟုတ်လို့ သေနတ်သံတွေကတော့ မုချဆက်လက်ဆူညံလွင့်ပျံ့နေဦးမှာပါ။ ဒီတော့-

ပန်ဆန်းညီလာခံရဲ့ နိုင်ငံရေးအဓိပ္ပာယ်ဘာလဲဆိုတာ ချုပ်ကြည့်လိုက်ရင် 

တိုင်းရင်းသားလက်နက်ကိုင် အဖွဲ့အစည်းများအနက် အင်အားအကြီးမားဆုံး အဖွဲ့ဖြစ်တဲ့ UWSA အုပ်စုနဲ့ UNFC အဖွဲ့အစည်းတို့ရဲ့ ပထမဆုံး နိုင်ငံရေး အရ ပူးပေါင်းဆောင်ရွက် မှုခြေလှမ်းကြီးတစ်လှမ်းကို လှမ်းလိုက်တာပါပဲ။ ဒီအစည်းအဝေးကြီးမှာ UWSA အဖွဲ့ပါ ဝင်ဆွေးနွေးခြင်းမရှိခဲ့တဲ့ NCA စာချုပ်မူကြမ်း အပေါ် UNFC အဖွဲ့နဲ့ UWSA အဖွဲ့တို့ သဘောထားညှိ နှိုင်းသုံးသပ် အကဲဖြတ်ခဲ့ကြခြင်း ဖြစ်ပါတယ်။ ဒီလိုညှိနှိုင်းဆွေးနွေးကြရာမှာ နိုင်ငံရေးအတွင်းသဘောအရ NCA စာချုပ်မချုပ် ဆိုမီ ၂၀၀၈ ဖွဲ့စည်းပုံ အခြေခံဥပဒေ ပြုပြင်ပြောင်းလဲရန် လိုအပ်တယ်လို့ သဘောထားတူညီခဲ့ ကြပါတယ်။ ဒါ့အပြင် NCA စာချုပ် လက် မှတ်ရေးထိုးရာမှာ (TNLA ၊ AA ၊ MNDAA ) အဖွဲ့များအပါအဝင် တိုင်းရင်းသားလက်နက်ကိုင်အဖွဲ့အစည်း အားလုံး ပါဝင်ခွင့်ပေးဖို့ အရေးဆိုခဲ့ကြပါတယ်။ တစ်ချိန်တည်းမှာ ကချင်ပြည်နယ်၊ ရှမ်းပြည်နယ်နဲ့ ရခိုင်ပြည်နယ်တွေမှာ ဆင်နွှဲနေတဲ့ တပ်မတော်ရဲ့စစ်ဆင်ရေးအားလုံး ရပ်ဆိုင်ပေးဖို့လည်း တောင်းဆိုလိုက်ကြ ပါတယ်။ UWSA အဖွဲ့အနေနဲ့ ဒီအစည်းအဝေးမှာ အမျိုးသားကိုယ်ပိုင်အုပ် ချုပ်ရေးတိုင်း အဆင့်ကနေ UNFC နဲ့အတူ ဖက်ဒရယ်ပြည် ထောင်စုအတွင်း မှာ ပြည်နယ်အဆင့်တန်းရရှိရေးကို တစ်ဆင့်တိုးတင်ပြလိုက်ပါတယ်။ ခြုံပြောရရင် ပန်ဆန်းညီလာခံဟာ တိုင်းရင်းသားလက်နက်ကိုင်အဖွဲ့ အစည်းကြီးများရဲ့ နိုင်ငံရေးအရ ညီညွတ်မှုကို တစ်ဆင့်တိုးပြသလိုက် တာပါပဲ။ ပိုမိုကျယ်ပြန့်တဲ့ တိုင်းရင်းသားလက်နက်ကိုင်အဖွဲ့အစည်းများရဲ့ ပိုမိုကျယ်ပြန့်တဲ့ အစည်းအဝေးကိုတော့ ပန်ဆန်းကနေ လော်ခီးလာမှာ ကျင်းပမယ့် NCCT အစည်းအဝေးကြီး မှာ ထပ်မံမြင်တွေ့ရလိမ့်မယ်လို့ ယုံကြည်မျှော်လင့်ရပါတယ်။ အမှန်ပါပဲ။ ဒီဖြစ်ပေါ်တိုးပွားမှု တွေက သမ္မတ ဦးသိန်းစိန်ရဲ့ NCA မျှော်လင့်ချက်မိုးတိမ်တွေကို လွင့်ပါးပြိုကွဲသွားစေ ပါလိမ့်မယ်။

ဆောင်းပါး - သန်းစိုးနိုင်

The Ladies News Journal