မြန်မာနိုင်ငံကနေ လှေတွေနဲ့ ထွက်ပြေးလာတဲ့ လူပေါင်း ၂၅၉ ယောက်ကို ထိုင်းက ဖမ်းဆီးထားပြီး ပင်လယ်ထဲ ပြန်တွန်းပို့ဖို့ စီစဉ်နေကြောင်း ရိုက်တာသတင်းမှာ ဖော်ပြထားပါတယ်။အဲဒီ လှေစီးပြေး ဒုက္ခသည်တွေဟာ မြန်မာနိုင်ငံက ရိုဟင်ဂျာတွေ အများစု ပါဝင်ပြီး နိုင်ငံ တစ်ခုခုမှာ ခိုလှုံခွင့်တောင်းဖို့ လှေတွေနဲ့ ထွက်ပြေးလာသူတွေ ဖြစ်တယ်လို့ ဆိုပါတယ်။
စနေနေ့တုန်းကပဲ ထိုင်းက ဖမ်းမိထားတဲ့ အဲဒီလူတွေကို မြန်မာနိုင်ငံဆီ ပြန်မပို့ဖို့ လူ့အခွင့်အရေးအဖွဲ့တွေ က တောင်းဆိုထားပေမယ့် ထိုင်းကတော့ လာရာလမ်းအတိုင်း ပြန်တွန်းပို့မယ်လို့ ပြောပါတယ်။
လှေပေါ် ပါလာသူ အယောက်ပေါင်း ၂၅၉ ယောက်စလုံးက ရိုဟင်ဂျာ ဟုတ်မဟုတ် ဆိုတာ မသိရပေမယ့် အများစုက ရိုဟင်ဂျာတွေဖြစ်ပြီး မလေးရှားနိုင်ငံကို သွားရောက်ဖို့ ကြိုးစားရာက ထိုင်းနိုင်ငံမှာ ဖမ်းမိခဲ့တာ ဖြစ်ပါတယ်။
အဲဒီလူတွေကို မြန်မာ ရေပိုင်နက်ထဲအထိ ပြန်လည်တွန်းပို့မယ်လို့ ထိုင်းအာဏာပိုင်ကပြောပြီး အဲဒီနောက် ပိုင်း ဘာလုပ်ကြမလဲ ဆိုတာကတော့ ထိုင်းနိုင်ငံနဲ့ မဆိုင်တော့ဘူးလို့လည်း ပြောသွားခဲ့ပါတယ်။
Arakan Project အဖွဲ့က Chris Lewa ကတော့ ရခိုင်ပြည်နယ်ကလူတွေ တစ်လကို အယောက်ပေါင်း ၉၀၀ နှုန်း လောက် မြန်မာနိုင်ငံကနေ ထွက်ခွာနေကြတယ်လို့ ပြောသွားခဲ့ပါတယ်။
ABC
No comments:
Post a Comment