အီရန်နဲ့အနောက်အုပ်စု နျူကလီယားဆွေးနွေးပွဲ သဘောတူညီမှု မရ

Oman မှာ ကျင်းပနေတဲ့ အီရန်၊ အမေရိကန်ပြည်ထောင်စုနဲ့ အီးယူဥရောပ သမဂ္ဂတို့ရဲ့ ၂ ရက်ကြာဆွေးနွေးပွဲ အဆုံးသတ် သွားပါပြီ။ ဒါပေမယ့် အီရန်ရဲ့ နျူကလီယားအရေးနဲ့ ပတ်သက်တဲ့ ပြီးပြည့်စုံတဲ့ သဘောတူညီချက်တော့မရဘဲ ပြီးဆုံးသွား တာပါ။

အီရန်နိုင်ငံခြားရေးဝန်ကြီး Mohammad Javad Zarif ၊ အမေရိကန် နိုင်ငံခြားရေးဝန်ကြီး John Kerry နဲ့ အီးယူဥရောပ သမဂ္ဂရဲ့ ကိုယ်စားလှယ် မစ္စ Catherine Ashton တို့ဟာ နိုဝင်ဘာလ ၂၄ ရက်နေ့မှာ ကုန်ဆုံးမယ့် သတ်မှတ်ရက်မတိုင်ခင် သဘောတူညီချက်ရဖို့ တနင်္လာနေ့မှာ ကြိုးစားခဲ့ကြတာ ဖြစ်ပါတယ်။

တနင်္လာနေ့ ညနေပိုင်းမှာ ဆက်ပြီးကျင်းပမယ့် ဆွေးနွေးပွဲကိုမသွားခင် မစ္စတာ Zarif က တိုးတက်မှု တစုံတရာရနိုင်ချေရှိ တယ်လို့ ပြောကြားခဲ့တာပါ။ ဒါပေမယ့် နောက်ပိုင်းမှာ ဒီညှိနှိုင်းဆွေးနွေးမှုဟာ တစုံတရာ ရှင်းလင်းတဲ့ ရလဒ်ကောင်း မထွက်ခဲ့တဲ့အတွက် ပူးတွဲသတင်းစာ ရှင်းလင်းပွဲ ပြုလုပ်မယ့်အစီအစဉ်ကို ဖျက်သိမ်းလိုက်ကြောင်း အီရန် Press TV ကို ပြောပါတယ်။

အမေရိကန်သမ္မတ Barack Obama ကတော့ ၂ ဘက် အခြေနေဟာ ကွာဟနေ ဆဲဖြစ်တယ်လို့ တနင်္ဂနွေနေ့က ပြောပါ တယ်။ Oman မှာ ကျင်းပတဲ့ ဆွေးနွေး ပွဲဟာ လာမယ့်နှစ်ဆန်း ဇန်နဝါရီလမှာ လွှတ်တော်ကို ရီပတ်ဘလစ်ကင်ပါတီက မကြီးစိုးခင် အိုဘားမားအစိုးရအဖွဲ့ အတွက် အီရန်နဲ့ နျူကလီယား သဘောတူညီ မှုရအောင် ကြိုးစားဖို့ နောက်ဆုံးရတဲ့ အခွင့်အရေးဖြစ်ပါတယ်။

VOA