ပြည်ခိုင်ဖြိုးပါတီမှ ပြည်သူ့လွှတ်တော်ကိုယ်စားလှယ် ဦးအောင်သောင်းကို အမေရိကန်နိုင်ငံက အမည်မည်းစာရင်းသွင်း လိုက်ခြင်းအပေါ် ပြည်သူ့ လွှတ်တော်က ကန့်ကွက်ရှုတ်ချရန် နိုဝင်ဘာ ၁၀ ရက်တွင် အတည်ပြုလိုက်သည်။
ပါတီထိပ်ပိုင်းခေါင်းဆောင်တစ်ဦးဖြစ်သည့် ဦးအောင်သောင်းကို အမည်မည်းစာရင်းထည့်သွင်းလိုက်ခြင်းသည် လွှတ်တော်
နှင့် ၎င်းကိုထောက်ခံသည့် မဲဆန္ဒရှင်များ ဂုဏ်သရေကို ညှိုးနွမ်းစေသောကြောင့် လွှတ်တော်က ကန့်ကွက်ရှုတ်ချရန် မင်္ဂလာဒုံမဲဆန္ဒနယ်မှ လွှတ်တော်ကိုယ်စားလှယ် ဦးတင်မောင်ဝင်းက ပြည်သူ့လွှတ်တော်တွင် အဆိုတင်သွင်းခဲ့သည်။
အဆိုကို တနိုင်းမဲဆန္ဒနယ်မှ လွှတ်တော်ကိုယ်စားလှယ်ဦးမျိုးဆွေက ထောက်ခံဆွေးနွေးခဲ့ပြီး အမျိုးသားဒီမိုကရေစီအဖွဲ့ချုပ် ပါတီမှ ကိုယ်စားလှယ် များ အပါအဝင် ပြည်သူ့လွှတ်တော်ကိုယ်စားလှယ်များအားလုံးက ကန့်ကွက်သူ မရှိ အတည်ပြု ခဲ့ခြင်းဖြစ်သည်။
ပြည်ခိုင်ဖြိုးပါတီ၏ အတိုင်ပင်ခံအဖွဲ့ဝင် ဦးအောင်သောင်းကို အမေရိကန်နိုင်ငံ ၏ စီးပွားရေးပိတ်ဆို့အရေးယူမှုစာရင်းတွင် အောက်တိုဘာ ၃၁ ရက်က ထည့်သွင်းလိုက်ပြီး အမေရိကန်နိုင်ငံရှိ ၎င်း၏ ပိုင်ဆိုင်မှုများကို ထိန်းချုပ်၍ အမေရိကန်နိုင်ငံ သားများနှင့်လည်း စီးပွားရေးပူးပေါင်းဆောင် ရွက်မှုမရှိစေရန် ကန့်ကွက်လိုက်ခြင်းဖြစ်သည်။
7Day News Journal
No comments:
Post a Comment