၂ဝ၁၄ ကြားဖြတ်၌ ပြည်သူ့ဆန္ဒခံယူရန် နိုင်ငံရေးပါတီများအသင့်ရှိနေ

၂ဝ၁၄ ကြားဖြတ် ရွေးကောက်ပွဲကိုယှဉ်ပြိုင်ရန်အသင့်အနေ အထား၌ရှိနေပြီး ၂ဝ၁၅ ရွေးကောက်ပွဲအ တွက်လည်းပြင်ဆင်ထားသည်ဟု နိုင်ငံရေး အင်အားကြီးပါတီအချို့နှင့် တိုင်းရင်းသား ပါတီတစ်ခုမှတာဝန်ရှိ သူများက ဆိုသည်။

၂ဝ၁၄ ကြားဖြတ်ရွေးကောက် ပွဲကျင်းပမည်ဆိုပါက လစ်လပ်နေရာအပြည့် ယှဉ်ပြိုင်ရန်အသင့်ရှိကြောင်းကို ဇူလိုင်လ ဆန်းပိုင်းက ပြည်ထောင်စုရွေးကောက်ပွဲ ကော်မရှင်က ထုတ်ပြန်သည့်ကိုယ်စားလှယ် လောင်းနှင့် နိုင်ငံရေးပါတီများမဲဆွယ်ကာ လဆိုင်ရာ လိုက်နာသင့်သည့် စည်းကမ်းများ ကိုသတင်းထုတ်ပြန်ချက် ထုတ်ပြန်ပြီးနောက် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ (USDP ) ရန်ကုန်တိုင်းကော်မတီဝင် ဦးတင် လှိုင်က ပြောကြားလိုက်ခြင်းဖြစ်သည်။

'' ကြားဖြတ်ရွေးကောက်ပွဲကလဲ လုပ်မယ်ဆိုတာနဲ့ ပြိုင်မှာပါပဲ။ ပါတီကြီးတစ် ခုလဲဖြစ်ပါတယ်။ နိုင်တာ ရှုံးတာကတော့ ပြည်သူတွေရဲ့သဘောထားပါပဲ။ ပြည်သူအ များစုဆန္ဒအတိုင်း ကျွန်တော်တို့က လက်ခံ မှာပါ။ ပြိုင်တာကတော့ ကျွန်တော်တို့ နေ ရာအပြည့်ပြိုင်မှာပါ''ဟု ၄င်းက ဆိုသည်။

ပြည်ထောင်စုကြံ့ခိုင်ရေးနှင့်ဖွံ့ ဖြိုးရေးပါတီအနေဖြင့် ¤င်းတို့ပါတီအောင် နိုင်ရေးအတွက် မဲရုံကိုယ်စားလှယ်၊ မဲဆွယ် စည်းရုံးမှုနှင့်ရွေးကောက်ပွဲ ဥပဒေများ သင် ကြားပို့ချပေးသည့် ပြည်သူ့မဟာဗျူဟာဖော် ဆောင်ရေး ဆင့်ပွားသင်တန်းများကိုလည်း ၂ဝ၁၅ ရွေးကောက်ပွဲအတွက် ရည်ရွယ်ပို့ ချနေသည်ဟု သိရသည်။

''တစ်ကြိမ်ကို လူ ၄ဝဝ နဲ့ ရှစ်ကြိမ်ဖွင့်မှာ။ အခုခုနစ်ကြိမ်ရောက်နေပါပြီ။ ရှစ်ကြိမ်ပြီးရင်တော့ မြို့နယ်တွေ မှာ ထပ်ပြီး ဖွင့်ပါမယ်။ ဒီလူတွေက ပြန်ဆင့်ပွားပြီးတော့ မြို့နယ်မှာ ဖွင့်ပါမယ်။ မြို့နယ်မှာကတော့ မဲရုံတွေ အရေအတွက်ကို လိုက်ပြီးတော့ မဲရုံမှာ ကိုယ်စားလှယ်အဖြစ်ဆောင်ရွက်ဖို့ လျာထားတဲ့သူတွေ ဒါတွေ အားလုံးကိုဖိတ်ကြားပြီးတော့မှ အားလုံးဟာ သင်တန်းတက်ပြီးသားဖြစ်နေအောင် ကြိုပြီးတော့သိနေ အောင် ဒါတွေကို အခုကတည်းကစပြီး တော့ စီမံထားပါတယ်''ဟု ရန်ကုန်တိုင်းကော်မတီဝင် ဦးတင်လှိုင် က ဆက်ပြောသည်။

လက်ရှိလွှတ်တော်အတွင်း ကိုယ် စားလှယ်နေရာအများဆုံးရရှိထားသည့် အင်အားကြီးပါတီဖြစ်သည်နှင့် အညီ ၂ဝ၁၅ရွေး ကောက်ပွဲကိုလည်း နေရာအပြည့်ဝင်ပြိုင် သွားမည်ဖြစ်ကြောင်းနှင့် ထွက်ရှိလာမည့် ရွေးကောက်ပွဲကြေညာစာတမ်းအတိုင်း ပြည်သူကိုချပြဆောင်ရွက်သွား မည်ဖြစ်သော်လည်း ပြည်သူအဆုံး အဖြတ်အတိုင်း အနိုင် အရှုံးရလဒ်ခံယူသွားမည်ဟု ပြည်ခိုင်ဖြိုးပါ တီမှတာဝန်ရှိသူက ဆိုသည်။

အလားတူ ၂ဝ၁၂ ကြားဖြတ်ရွေး ကောက်ပွဲကာလက လစ်လပ်မဲဆန္ဒနယ် အားလုံးနီးပါးအနိုင်ရထားသည့် အမျိုးသား ဒီမိုကရေစီအဖွဲ့ချုပ်ပါတီ (NLD)ကလည်း ၂ဝ၁၄ ကြားဖြတ်ရွေးကောက်ပွဲဝင်မည်ဟု သိရသည်။ 

ချင်းပြည်နယ်အတွင်း၌ ကြားဖြတ် ရွေးကောက်ပွဲအတွက် ဟားခါး၊ တီးတိန်မဲ ဆန္ဒနယ်များကို လစ်လပ်မဲ

ဆန္ဒနယ်များအ ဖြစ် ကြေညာထားသော်လည်း လစ်လပ်မဲ ဆန္ဒနယ်တစ်ခုဖြစ်သည့် ဖလန်းမဲဆန္ဒနယ် အတွက် ကြေညာခြင်းမရှိသေးပေ။

''ကြားဖြတ်မှာတော့ ချင်းပြည်နယ်မှာ သုံးနေရာစလုံး ဝင်ပြိုင်ဖို့စီစဉ်ထားပါတယ်။ ရွေးကောက်ပွဲက ဒေါ်အောင်ဆန်းစုကြည်ပြောသလိုမနန တော့ တစ်စုံတစ်ရာ ဖြစ်ချင်ဖြစ်မယ်။ င်္ငေမ ဖြစ်မယ်တော့မထင် ဘူး။ ရွေးကောက်ပွဲမှာ လှည့်ကွက်တွေအများ ကြီးရှိနိုင်တယ်။ ကြံ့ခိုင်ရေးက နိုင်ငံတကာ လှည့်ပြီး သင်တန်းတက်နေတာ''ဟု ချင်းအမျိုးသားဒီမိုကရက်တစ်ပါတီမှ တွဲဖက်အတွင်းရေးမှူး ဆလိုင်းကျဲအိုဘိစ် ထောင်က ပြောသည်။

၂ဝ၁၄ ကြားဖြတ်ရွေးကောက်ပွဲ အတွက် လစ်လပ်မဲဆန္ဒနယ် ၃ဝ ကျော်ရှိ ကြောင်း၊ ရွေးကောက်ပွဲကျင်းပ မည့်ရက်ကို ရက် ၉ဝ ကြိုတင်အကြောင်းကြားမည်ဖြစ်ပြီး နိုဝင်ဘာလကုန်နှင့် ဒီဇင်ဘာလဆန်း ပိုင်းအတွင်း ကြားဖြတ်ရွေးကော်ပွဲကျင်းပဖွယ်ရှိသည်ဟု ပြည်ထောင်စုရွေးကောက်ပွဲကော်မရှင်မှ ဒုတိယညွှန်ကြားရေး မှူး ဦး လှမောင်ချို က အတည်ပြုပြောသည်။

Yangon Media Group