အစိုးရတပ်မတော်နှင့် တိုက်ပွဲများဖြစ်နေသည့် ရှမ်းပြည်နယ်တောင်ပိုင်း၊ ကျေးသီးမြို့နယ်ရှိ တာဖာ ဆောင်ဒေသကို ဆုတ်ခွာပေးတော့မည်မဟုတ်ဟု ရှမ်းပြည်တိုးတက်ရေးပါတီ/ရှမ်းပြည်တပ်မတော် SSPP/SSA ၏ အထွေထွေအတွင်းရေးမှူး ဗိုလ်မှူးကြီး ခွန်စိုင်းက ပြောသည်။ ဇူလိုင်၈ရက် နေပြည်တော် တွင် တွေ့ဆုံစဉ် အစိုးရက တပ်ဆုတ်ပေးရန် ပြောသည်ဟု ဆိုသည်။
“ဆုတ်ပါဆုတ်ပါလို့ပြောရင် ဦးသိန်းစိန်ရဲ့ သူလျှိုလားလို့ ပြောတယ်။ ငါတို့က အသက်ပေးပြီး တိုက်နေ တာမင်းတို့က ငြိမ်းချမ်းရေးဆွေးနွေးပြီး ဆုတ်ခိုင်းတာ မျှော်မှန်းချက်ပန်းတိုင်ကို ဖျက်ဆီးနေတာလားလို့ ပြောကြတယ်”ဟု ဗိုလ်မှူးကြီး ခွန်စိုင်းက ပြောသည်။
တာဖာဆောင်တံတား အနီး SSPP/SSA တပ်စခန်းကို ဇွန်လ၂၆ရက်က အရှေ့အလယ်ပိုင်းတိုင်း စစ်ဌာနချုပ် လက်အောက်ခံ စစ်ဆင်ရေးကွပ်ကဲမှု ဌာနချုပ်(၂)မှ ခြေလျင်တပ်ရင်း၂၄၇ က လက်နက် ကြီးဖြင့် တိုက်ခိုက်ရာမှ တိုက်ပွဲများစတင်ခဲ့သည်ဟု ဇူလိုင်၁၈ ရက်စွဲ ဖြင့် SSA က ကြေညာသည်။
ကြေညာချက်ထုတ်ပြန်ပြီးနောက် ဇူလိုင်၂၀၊၂၁ရက်တို့တွင်လည်း ကျေးသီးမြို့နယ်၊ ဟာ့ဝမ်ကျေးရွာအုပ် စု နှင့် ပန်ဆယ်ကျေးရွာအုပ်စုတို့တွင် တိုက်ပွဲများဖြစ်ပွားခဲ့သည်။ တိုက်ပွဲကြောင့် တာဖာဆောင်ဒေသခံများ သည် ၂ မိုင် ခန့်ဝေးသော ၀မ်ဝပ်ရွာနှင့် နီးစပ်ရာကျေးရွာများတွင် ရှောင်တိမ်းနေကြရပြီး ၀မ့်ဝပ်ရွာ ဘုန်းကြီးကျောင်းတွင် အိမ်ထောင်စု ၆၃ ခုမှ လူပေါင်း၂၉၄ဦး ခိုလှုံနေကြရသည်။
ဇူလိုင်လ၂၁ရက်မှစတင်၍ တိုက်ပွဲများရပ်ဆိုင်းနေသော်လည်း နှစ်ဖက်တပ်များနီးကပ်စွာတပ်စွဲထားပြီး တာဖာဆောင်ရွာကို ဇူလိုင်လ ၁၀ရက်ကျော်ကစတင်၍ ၀င်ထွက်ခွင့်ကို အစိုးရတပ်များက ပိတ်ဆို့ထားကြောင်း ကျေးသီးမြို့ရှိ၊ ဒုက္ခသည်များ ကူညီစောင့်ရှောက်ရေးကော်မတီ(ယာယီ) ပြန်ကြားရေးတာဝန်ခံ ဦးစိုင်းလိုင် ခမ်းက ဆိုသည်။
SSP/SSA သည် ၂၀၁၂ခုနှစ် ဇူလိုင်လပထမအပတ်တွင် ၎င်းတပ်ဖွဲ့နယ်မြေဖြစ်သည့် ဟွေလွတ်၊ တောင်ဟီးရိုးနှင့် ခုနစ်မိုင်စခန်းတို့ကို အစိုးရတပ်မတော်က တိုက်ခိုက်သဖြင့် ထိုနယ်မြေမှ သုံးမိုင်အကွာ အထိ ဆုတ်ခွာပေးခဲ့ရသည်ဟု SSPP က ဆိုသည်။ ၂၀၁၄ ခုနှစ်ကလည်း မိုင်းရှူးမြို့နယ် မိုင်းစံနှင့် ဟိုင်းပါကြား တာဆမ်းပူးနှင့် လွယ်ဆောင်ထောက်ဒေသတွင်လည်း တပ်မတော်က တိုက်ခိုက်သဖြင့် ဆုတ်ခွာခဲ့ရသည်ဟု SSPP က ပြောသည်။
ယင်းသို့တပ်များနေရာချထားမှုကြောင့် ဒေသခံတို့၏ ပြောင်းဖူးခင်း ၁၄၁ဒသမ၃၃ ဧက၊ မြေပဲခင်း ၃၄ ဒသ မ၆ဧကနှင့် စပါးခင်း ၁၂ဒသမ၇ ဧက ခန့်ပျက်စီးရသည်ဟု SSPP ၏ ကြေညာချက်တွင် ဖော်ပြ ထားသည်။
ရှမ်းပြည်တိုးတက်ရေးပါတီ/ရှမ်း ပြည်တပ်မတော်သည် ပြည်နယ်အဆင့်၊ ပြည်ထောင်စုအဆင့် အပစ်ရပ် လက်မှတ်ကို ၂၀၁၂ခုနှစ် ဇန်န၀ါရီလ၂၈ရက်က တောင်ကြီးမြို့တွင် ရေးထိုးထားသည်။ ဖြစ်စဉ်များနှင့် စပ်လျဉ်း၍ တပ်မတော်၏ အတည်ပြုချက်ကိုမူ ရယူနိုင်ခြင်း မရှိခဲ့ပေ။
Mizzima - News in Burmese
No comments:
Post a Comment