သုံးနှစ်ကျော် ကာလအတွင်း ရထားသည့် အခြေအနေများသည် အကောင်းဆုံး မရောက်သေးဟု သမ္မတပြော

သမ္မတ ဦးသိန်းစိန်က ၎င်းတို့ အစိုးရတက်လာပြီး သုံးနှစ်ကျော်ကာလအတွင်း လက်ရှိ ရရှိထားသည့် အခြေအနေများသည် ဒီမိုကရေစီစံနှုန်းများနှင့် တိုင်းတာပါက အကောင်းဆုံးအခြေအနေကို မရောက် ရှိသေးဟု ပြောကြားလိုက်သည်။

သမ္မတ ဦးသိန်းစိန်က သြဂုတ် ၁ ရက်တွင် ရေဒီယိုမှ တဆင့် ပြည်သူများသို့ ပြောကြားသည့် မိန့်ခွန်းတွင် ယင်းသို့ ထည့်သွင်း ပြောကြားလိုက်ခြင်းဖြစ်ပြီး လက်ရှိတွင် အကောင်းဆုံး အခြေအနေကို မရောက်သေး သော်လည်း လက်ဝယ် ရရှိထားသည့် ပြုပြင် ပြောင်းလဲရေး လုပ်ငန်းစဉ် လမ်းစများ၊ အခွင့်အလမ်းများ ဆုံးရှုံး မသွားစေရန် ဝိုင်းဝန်းကြိုးပမ်းရမည့် ကာလ ဖြစ်သည်ဟုလည်း ပြော လိုက်သည်။

ယင်းအပြင် နိုင်ငံတော် သမ္မတက ဝေဖန်ထောက်ပြ ပြောဆို ရေးသားမှုများ အားလုံးသည်လည်း ပြုပြင် ပြောင်းလဲရေးအတွက် လိုအပ်သည့် သွင်းအားစုအဖြစ် ရှုမြင်သည်ဟုလည်း ပြောဆိုလိုက်ပြီး “ဝေဖန် ထောက်ပြ ပြောဆို ရေးသားမှု အားလုံးကို ပြုပြင် ပြောင်းလဲရေး လုပ်ငန်းစဉ်အတွက် လိုအပ်တဲ့ သွင်းအားစု များအဖြစ်ရှုမြင်ပြီး လက်တွေ့ကျတဲ့အဖြေများရရှိဖို့ ဖြစ်ပေါ်နေတဲ့ နိုင်ငံရေး အခြေအနေနဲ့ လိုက်လျောညီထွေ ဖြစ်နိုင်မယ့် အတိုင်းအတာအတွင်းကနေ အကောင်းဆုံးဖြစ်အောင် ကြိုးပမ်း ဆောင်ရွက်နေသည်" ဟုလည်း ဆိုလိုက်သည်။

ယင်းအပြင်၎င်းတို့ အစိုးရအနေဖြင့်  ကြုံတွေ့ နေရသည့် နိုင်ငံရေး အကြပ်အတည်းအားလုံးကို ပြည်သူလူထု ၏ လိုလားချက်များအပေါ် ရှေးရူသည့် အဖြေရှာမှုမျိုးနှင့်သာ ချဉ်းကပ်ပြီး မှန်ကန်သည့် စေတနာဖြင့် ဆောင်ရွက် ခဲ့သည်ဟုလည်း ဆိုသည်။

လိုအပ်ချက်များကို ဖြည့်ဆည်း ဆောင်ရွက်သည့် အခါတွင်လည်း တစ်ဦး တစ်ယောက်၊ အဖွဲ့အစည်း တစ်ခုတည်း၏ အားဖြင့် ဆောင်ရွက်ရနိုင်မည် မဟုတ်ဘဲ အဖွဲ့အစည်း တစ်ခုလုံး တူညီသော ရပ်တည်ချက်ထားပြီး ဝိုင်းဝန်းဆောင်ရွက်ရန် လိုသည်ဟုလည်း သမ္မတက ဆိုသည်။

သမ္မတ ဦးသိန်းစိန် အစိုးရသက်တမ်း သုံးနှစ်ကျော်ကာလအတွင်း အကောင်းဆုံးအခြေအနေကို မရောက် သည်ဆိုခြင်းထက် ကောင်းမွန်သည့် အခြေအနေကိုပင် ရောက်ရှိခြင်းမရှိသေးဟုလည်း နိုင်ငံရေး ဆောင်း ပါးများ ရေးသားသူ ဦးထင်လင်းဦး (Wisdom Villa) က ပြောကြားလိုက်သည်။

၎င်းက “ကျွန်တော်တို့ နိုင်ငံရဲ့ ပြောင်းလဲမှု ဖြစ်စဉ်တွေမှာ အကောင်းဆုံးလို့ ဘာကို သတ်မှတ်ကြလဲ။ အမှန် တကယ်ဆိုရင် သမ္မတကြီး ပြောတဲ့ နေရာမှာ အကောင်းဆုံးဆိုတဲ့ စကားလုံး အစား ကောင်းမွန်တဲ့ အခြေ အနေကို မရောက်သေးပါဘူးလို့ ကျွန်တော်တို့က သုံးစေချင်တယ်။ ကျွန်တော်တို့ လိုချင်နေတာ အကောင်း ဆုံးကိုမဟုတ်ပါဘူး။ အရင်ထက်ပိုပြီး ကောင်းမွန်တဲ့ အခြေအနေကို လိုချင်တာပေါ့။ ကျွန်တော်တို့က အရင်ထက် ပိုကောင်းတဲ့ အခြေအနေကို လိုချင်ပါတယ်။ ဒါပေမယ့် ဘာမှ ဖြစ်မလာဘူးလို့ ကျွန်တော်တို့ ခံစားနေရပါတယ်" ဟုဆိုသည်။

သမ္မတ ဦးသိန်းစိန် အစိုးရ သက်တမ်း အတွင်း ပြုပြင် ပြောင်းလဲမှုများသည် စကားလုံးများသာ များနေပြီး လက်တွေ့တွင် ထိထိရောက်ရောက် ပြောင်းလဲခြင်း မရှိဟု ဝေဖန်လိုက်ကာ တရားစီရင်ရေး မဏ္ဍိုင်သည် ယိမ်းယိုင်ကာ တရားဥပဒေ စိုးမိုးရေး မရှိဟုလည်း ဝေဖန်လိုက်သည်။

“တရားစီရင်ရေး မဏ္ဍိုင် ယိမ်းယိုင် ပြိုလဲနေတယ်ဆိုတာက နိုင်ငံသူ နိုင်ငံသားတွေ အတွက် လုံခြုံ စိတ်ချ ရတဲ့ တရားဥပဒေ စိုးမိုးမှုကို မခံစားရဘူးလို့ ပြောချင်တာပါ" ဟုလည်း ၎င်းက ဆိုသည်။

အမျိုးသားဒီမိုကရေစီအဖွဲ့ချုပ်(NLD)ဗဟိုအလုပ်အမှုဆောင်အဖွဲ့ဝင်တစ်ဦးဖြစ်သည့် ဦးဥာဏ်ဝင်း ကလည်း  အစိုးရ၏ သုံးနှစ်ကျော်ကာလအတွင်း လုပ်ဆောင်ချက်များတွင် တရားဥပဒေစိုးမိုးရေးကို ပီပြင်စွာ အကောင်အထည် မဖော်နိုင်ခြင်းသည်လည်း အားနည်းသည့် အချက်ဖြစ်နေသည်ဟု ဆိုလိုက်သည်။

၎င်းက “လိုချင်တဲ့အဆင့်ကို မရသေးဘူးလို့ပဲ ပြောချင်ပါတယ်။ ပြောင်းလဲမှုမရှိဘူးလို့ မပြောပါဘူး။ ရှိပါ တယ်။ လိုချင်တဲ့ အပြောင်းအလဲ မရှိသေးဘူး" ဟု ဆိုလိုက်သည်။

၂ဝ၁၁ ခုနှစ် ဧပြီ ၁ ရက်က စတင် တာဝန်ယူခဲ့သည့် သမ္မတ ဦးသိန်းစိန် အစိုးရသက်တမ်းတွင် ပြုပြင် ပြောင်းလဲမှုများကို အဆင့်ဆင့်လုပ်ဆောင်ခဲ့ပြီး ပထမလှိုင်းအဖြစ် နိုင်ငံရေး ပြုပြင် ပြောင်းလဲမှုကို ဦးစားပေး လုပ်ဆောင်ခဲ့ကာ စီးပွားရေးကဏ္ဍ၊ လူမှုရေး ကဏ္ဍများကို ပြောင်းလဲ လုပ်ကိုင်ခဲ့သည်။

ဒုတိယလှိုင်းတွင် စီးပွားရေးကို ဦးစားပေးလုပ်ကိုင်ခဲ့ကာ နိုင်ငံရေးနှင့် လူမှုရေး ပြုပြင် ပြောင်းလဲမှုများ လုပ်ကိုင်ခဲ့ကာ လက်ရှိ ဆောင်ရွက်နေသော တတိယလှိုင်းတွင် ပထမလှိုင်းနှင့် ဒုတိယလှိုင်းတွင် လုပ်ဆောင်ခဲ့သည်များကို အရှိန်အဟုန်မြှင့် လုပ်ဆောင်ခဲ့ခြင်း ဖြစ်ပြီး အစိုးရသက်တမ်း ပြီးဆုံးချိန်အထိ လုပ်ကိုင်သွားမည် ဖြစ်သည်။

Mizzima - News in Burmese