တောင်ကိုရီးယား လယ်ယာကဏ္ဍဖွံ့ဖြိုးတိုးတက်မှု ကို အတုယူလို သဖြင့် ဒေးဒေါင်လယ်ယာသုံး စက်ပစ္စည်းများ ကန်ဒေါ်လာ သန်း ၁၀၀ ဖိုး ကို ချေးငွေဖြင့် ၀ယ်ယူ

တောင်ကိုရီးယားအခြေစိုက် ဒေးဒေါင် စက်မှုလုပ်ငန်းကုမ္ပဏီသည် မြန်မာသို့ လယ်ယာသုံးစက်ကိရိယာ များထောက်ပံ့ရန် နှစ်စဉ်ဝမ်ဘီလီယံ ၁၀၀ တန်ဖိုးရှိ နှစ်ရှည်ကန်ထရိုက်ရရှိခဲ့သည်။ Kioti ကုန်အမှတ် တံဆိပ် ဖြင့် လူသိများသည့် ဒေးဒေါင်သည် တရုတ်နှင့်ဂျပန်မှ ပိုမိုကြီးမားသည့် ပြိုင်ဘက်များကိုကျော် လွန်ကာ ကန်ထရိုက်ရရှိခဲ့ခြင်းဖြစ်သည်။ တရုတ်အစိုးရက ဒေါ်လာသန်း ၃၀၀ ချေးပေးမည်ဟု ကမ်းလှမ်း ခဲ့သော်လည်း မြန်မာ သမ၀ါယမ၀န်ကြီးဌာနနှင့် သမ္မတရုံးတို့ တောင်ကိုရီးယား ကုမ္ပဏီကို ရွေးချယ် ခဲ့ခြင်းဖြစ်သည်။

သမ၀ါယမ၀န်ကြီး ဦးကျော်ဆန်း၏ လွတ်တော်တွင် တင်ပြချက်ဖြစ်သည့် တောင်ကိုရီးယားနိုင်ငံ မှ ချေးငွေ ဒေါ်လာသန်း ၁၀၀ ဖြင့် အဆိုပါ လယ်ယာသုံး ပစ္စည်းများ ၀ယ်ယူရန် ကနဦးပိုင်းတွင် ကန့်ကွက်ခဲ့သော် လည်း အောက်တိုဘာလကုန်ပိုင်းတွင် လွှတ်တော်က အတည်ပြုခဲ့သည်။

အဆိုပါချေးငွေဖြင့် ကိုရီး ယားနိုင်ငံ Daedong ကုမ္ပဏီမှ လယ်ယာသုံး စက်ကိရိယာ ပစ္စည်းများကို အရစ် ကျငွေချေစနစ်ဖြင့် ၀ယ်ယူမည်ဖြစ်သော်လည်း လွှတ် တော်၏ အတည်ပြုချက်မရမီ ၀န် ကြီးဌာနက ဆောင်ရွက်ခဲ့သည့် အတွက် လွှတ်တော်ကိုယ် စားလှယ်များ အများအပြားက ကန့်ကွက်ခဲ့သည်။

ထို့အပြင် လယ်ယာသုံး စက်ကိရိယာများဖြန့်ဖြူးပေးမည့် ၀န်ကြီးဌာနသည် သမ၀န်ကြီးဌာနဖြစ်နေသဖြင့် လယ်ယာစိုက်ပျိုးရေးနှင့် ဆည်မြောင်းဝန်ကြီးဌာနသို့ လွှဲပြောင်းပေးရန်လည်း ပြည်သူ့လွှတ်တော် ကိုယ် စားလှယ် ဒေါ်နန်းဝါနု ကပြော ကြားခဲ့သည်။ လယ်ယာစိုက်ပျိုး ရေးနှင့် ဆည်မြောင်းဝန်ကြီးဌာနသည် ဒေသတိုင်းတွင် ရုံးမရှိသဖြင့် တာဝန်ယူ၍ မဖြစ်နိုင်ကြောင်း ငြင်းဆို ခဲ့သည်။

‘‘ကျွန်တော်တို့က လုပ်နည်းလုပ်ဟန်ကို ကန့်ကွက်တာ၊ ပထမတစ်ခါလည်း လွှတ်တော်က ဆုံးဖြတ်ပြီး သားကို နောက်တစ်ခါ ထပ်ပို့တယ်။ အခုသူက လုပ်ချင်တာလုပ်တယ်၊ လုပ်ပြီးတော့မှ လွှတ်တော်ကိုတင်ပြ တယ်’’ဟု သမ၀ါယမ၀န်ကြီးဌာနက စက် များကို မှာယူရောင်းချပြီးမှသာ လွှတ်တော် အတည်ပြုချက်ရယူ နေခြင်းအပေါ် ဒေါက်တာအောင် မိုးညိုကပြောသည်။

အဆိုပါစက်ပစ္စည်းကိရိယာများသည် လယ်သမားများထံသို့ ပင် ရောင်း ချပြီးဖြစ်နေသည့်အတွက် ချေးငွေ ရယူရန် ပြည်ထောင်စုကြံ့ခိုင်ရေးနှင့် ဖွံ့ဖြိုးရေး ပါတီမှ လွှတ်တော်ကိုယ်စားလှယ်များနှင့် တပ်မတော်သား လွှတ်တော်ကိုယ် စားလှယ်များက ထောက်ခံခဲ့ကြ ခြင်းဖြစ်ဟု ပြောကြားခဲ့သည်။ 

ထိုအတည်ပြုချက်က သမ၀ါယမ ၀န်ကြီးဌာနနှင့် ဒေးဒေါင်စက်မှုလုပ်ငန်းတို့ သြဂုတ်လ က လက်မှတ်ထိုး ခဲ့သည့် သဘောတူညီချက်အရ အကောင်အထည်ဖော် ဆောင်ရွက်ခြင်း ဖြစ်သည်။ ထိုပမာဏမှာ ဒေးဒေါင် ၏ တစ်နှစ်ရောင်းအား၏ ၆ ပုံ ၁ ပုံခန့်ရှိ သည်။

ဧရာဝတီတိုင်းတွင် ရေနက်ကွင်း လုပ်ကိုင်နေသည့် ကုမ္မဏီတစ်ခုမှ ဒါရိုက်တာကမူ အဆိုပါ ဒေးဒေါင်စက် များသည် ကောင်းမွန်သော်လည်း ပြင်ဆင်ရန် အနည်းငယ်ခက်ခဲကြောင်း၊ မြန်မာ့ရေမြေသဘာဝနှင့် ပို၍ နီးစပ်သော အိန္ဒိယနှင့် ထိုင်းမှ စက်ပစ္စည်းများကို ပို၍ နှစ်သက်ပြီး ရိုးရိုးစက်ပြင် ဆရာများကပင် ပြင်ဆင် နိုင်ကြောင်း The Ladies သို့ ပြောကြားခဲ့သည်။ 

သူက "ကျနော် တို့ စိုက်ပျိုးရေး ကုမ္မဏီတွေ ကတော့ မ၀ယ်မနေရ အားပေးရတော့မှာပေါ့ဗျာ။ အရင်က တစ်ရက်တည်းနဲ့ စုတ်တဲ့ တရုတ်က လယ်ထွန်စက်၊ ကောက်ရိတ် စက်၊ ရေထုတ်စက်တွေတုန်းကလည်း အလုံး ရာချီဝယ်ယူအားပေးခဲ့ရတာပဲ။ လယ်သမားတွေက ကုမ္ပဏီက အလကားပေးတာကို သုံးတောင် မသုံးပါဘူး။" ဟု ဆက်လက်ပြောကြားခဲ့သည်။

လယ်ယာစိုက်ပျိုး ရေးနှင့် ဆည်မြောင်းဝန်ကြီးဌာနမှ ဦးစီးအရာရှိတစ်ဦးကမူ လယ်ယာစိုက်ပျိုးရေးကိရိယာ များကို ရောင်းချရာတွင် သင်တန်းများ ကို အရင် ပို့ချပြီး အသုံးပြုသူများအတွက် အကျိုးရှိမှသာ စာချုပ်ချုပ်ဆို သင့်ကြောင်း The Ladies သို့ ပြောကြားခဲ့သည်။ လက်ရှိတွင် ချေးငွေအတွက် အတိုးပေးရရုံ သာမက စက်အပေါ်တွင် အမြတ်တင်ထားမည် ဖြစ်သည့်အတွက် မိအေးနှစ်ခါနာဖွယ် ဖြစ်နေသည်ဟု သုံးသပ် သည်။

သဘောတူညီချက်အရ ဒေးဒေါင်သည် မြန်မာနိုင်ငံသို့ ထွန်စက်ဆွဲယာဉ် ၄၇၀၀ ထွန်စက် ၁၅၀၀ နှင့် ရိတ်သိမ်းစက် ၅၀၀ ရောင်းချသွားမည်ဖြစ်သည်။ ထို စက် ကိရိယာများအား မြန်မာအစိုးရက လယ်သမား များထံ သက်သာသည့်နှုန်းထားနှင့် ပြန်လည်ရောင်းချရန် စီစဉ်ထားသည်ဟု ဆိုသည်။ အစိုးရက ဒေးဒေါင်

နှင့် ပူးပေါင်းကာ လယ်ယာသုံးစက်ကိရိယာများအား ၁၀ နှစ်ကြာ ထောက်ပံ့သွားရန် စီစဉ်ထားသည်ဟု ဆိုသည်။

ကိုရီးယားနိုင်ငံ၏ ၁၉၆၀-၁၉၇၀ ပြည့်လွန်နှစ်များအတွင်း လယ်ယာ ကဏ္ဍ ဖွံ့ဖြိုးတိုးတက်မှုကို မြန်မာအစိုးရ က အတုယူလိုသဖြင့် ဒေးဒေါင် သည် တရုတ်နှင့် ဂျပန်ကုမ္ပဏီများအား အနိုင်ရကာ ကန်ထရိုက် စာချုပ်နိုင် ခဲ့ခြင်းဖြစ် သည်။ 

တရုတ်သည် ၂၀၁၂ က မြန်မာနိုင်ငံတွင် ဒေါ်လာ ၄.၃ ဘီလီယံ ရင်းနှီးမြှုပ်နှံကာ အများဆုံးရင်းနှီးမြှုပ်နှံသူ ဖြစ်သည်။ ဂျပန်က ဖွံ့ဖြိုးရေး တရားဝင်အကူအညီ ဒေါ်လာ ၉၂ သန်း ပေးအပ်ခဲ့ပြီး နံပါတ် ၁ အကူအညီပေး သူဖြစ်သည်။

The Ladies News Journal