Tuesday, July 15, 2014

တပြည်လုံးအပစ်ရပ် စာချုပ်တွင် လွယ်ကူသည့် အသုံးအနှုန်းများသုံးရန် သမ္မတမှာကြား

  
တိုင်းရင်းသားလက်နက်ကိုင်အဖွဲ့တွေနဲ့ အစိုးရကြား တပြည်လုံးအတိုင်းအတာနဲ့ အပစ်အခတ်ရပ် လက်မှတ်ရေးထိုးကြတဲ့အခါမှာ စာချုပ်ထဲမှာ လွယ်ကူုတဲ့ အသုံးအနှုန်းတွေသာ သုံးစွဲဖို့ သမ္မတ ဦးသိန်းစိန် က မှာကြားလိုက်ပါတယ်။

တပြည်လုံး အပစ်အခတ်ရပ် လက်မှတ်ရေးထိုးကြ တဲ့အခါမှာ သမ္မတအနေနဲ့ အတတ်နိုင်ဆုံး အကောင်းဆုံး ကြိုးစားဆောင်ရွက်ပေး သွားမှာဖြစ်ပြီး စာချုပ်မှာ လွယ်ကူရှင်းလင်းတဲ့ အသုံးအနှုန်းတွေ သုံးစွဲဖို့  အစိုးရ ငြိမ်းချမ်းရေး အကျိုးတော်ဆောင်တွေက တဆင့် မှာကြားလိုက်ပါတယ်။

အစိုးရငြိမ်းချမ်းရေးအကျိုးတော်ဆောင်တွေဟာ အန်စီစီတီလို့ ခေါ်တဲ့ တနိုင်ငံလုံး အပစ်အခတ် ရပ်စဲရေး ဆိုင်ရာ ညှိနှိုင်းရေးအဖွဲ့ဝင်တွေနဲ့  ထိုင်းနိုင်ငံချင်းမိုင်မှာ ဇူလိုင် ၁၃ ရက်နေ့က အလွတ်သဘောတွေ့ဆုံပြီး သမ္မတရဲ့ မှာကြားချက်တွေကို လာရောက်ပြောကြားခဲ့တယ်လို့ အန်စီစီတီအဖွဲ့ပြောခွင့်ရ ဗိုလ်မှူးကြီး ခွန်ဥက္ကာက ဒီဗွီဘီကို ပြောပါတယ်။

တိုင်းရင်းသားလက်နက်ကိုင်အဖွဲ့နဲ့ အစိုးရကြား သဘောတူချက်တွေ လက်မှတ်ရေးထိုးရာမှာ ဥပဒေ ကြောင်းနဲ့အညီ တရားဝင်လက်မှတ်ရေးထိုးမှာဖြစ်တဲ့အတွက် ဥပဒေဘောင်ပုံစံထဲဝင်အောင် ရေးသားဖို့ လည်း ပြောဆိုဆွေးနွေးခဲ့တယ်လို့ ဆိုပါတယ်။

တပြည်လုံးအတိုင်းအတာနဲ့ လက်မှတ်ရေးထိုးနိုင်ဖို့ အစိုးရဘက်က အဆိုပြုထားတဲ့ အချက်ပေါင်း ၁၃ ချက်ရှိပြီး တိုင်းရင်းသားဘက်က တင်ပြထားတာတော့ အချက်ပေါင်း ၉ ချက်ရှိကာ တူညီတဲ့ သဘော ထားတွေရရှိဖို့ အကြိမ်ကြိမ်တွေ့ဆုံညှိနှိုင်းနေတာဖြစ်ပါတယ်။

လက်ရှိအခြေအနေမှာ အချက်ပေါင်းအတော်များများ ညှိနှိုင်းလို့ရခဲ့ပြီဖြစ်ပြီး အနည်းငယ်သာ ကျန်တော့ကြောင်း၊ နောက်ထပ် ၂ ကြိမ် သုံးကြိမ် ဆွေးနွေးဖို့ပဲ ကျန်တယ်လို့ ဗိုလ်မှူးကြီး ခွန်ဥက္ကာက ပြောပါတယ်။

ယခင်ဆွေးနွေးချက်တွေအရ ပြည်ထောင်စုတပ်မတော်ဖွဲ့စည်းရေးကိစ္စ၊ ၂၀၀၈ အခြေခံဥပဒေ လက်ခံရေး မခံရေးပြဿ   နာနဲ့ တည်ဆဲဥပဒေကို လက်ခံရေး မခံရေးကိစ္စတွေမှာ အခြေအတင်ဆွေးနွေးနေရတုန်းဖြစ်ပြီး ဒီတခေါက်တွေ့ဆုံမှုမှာတော့ ဒီကိစ္စတွေ ဆက်မဆွေးနွေးသေးဘူးလို့ ဆိုပါတယ်။

တိုင်းရင်းသားလက်နက်ကိုင်အဖွဲ့ခေါင်းဆောင်တွေဟာ လာမယ့်သီတင်း ပတ်တွေအတွင်း ကေအိုင်အေ ဌာနချုပ်မှာ တွေ့ဆုံဆွေးနွေးဖို့ရှိပြီး အဲဒီဆွေးနွေးပွဲပြီးတဲ့နောက်မှာမှ အစိုးရငြိမ်းချမ်းရေး ကိုယ်စားလှယ်တွေ နဲ့ တွေ့ဆုံမယ်လို့လည်း သိရပါတယ်။

မနေ့ညနေပိုင်းက တွေ့ဆုံမှုမှာ အန်စီစီတီဘက်က ဗိုလ်ချုပ်ဂွမ်မော်၊ ဗိုလ်မှူးကြီး ခွန်ဥက္ကာ နဲ့ ပဒိုဒေးဗစ်သာ ကဘော တို့ ပါဝင်ပြီး ငြိမ်းချမ်းရေး အကျိုးတော်ဆောင်များဘက်ကတော့ ဦးလှမောင်ရွှေ၊ ဦးညိုအုန်းမြင့်၊ ဦးမင်းဇော်ဦး၊ ဦးမောင်မောင်သန်း အစရှိတဲ့ ပုဂ္ဂိုလ်တွေ ပါဝင်ကြပါတယ်။

ငြိမ်းချမ်းရေးအကျိုးတော်ဆောင်အဖွဲ့ဟာ ဒီကနေ့ မနက်ပိုင်းမှာ ရှမ်းပြည်ပြန်လည်ထူထောင်ရေးကောင်စီ၊ ရှမ်းပြည်တပ်မတော်တောင်ပိုင်းအဖွဲ့ ကိုယ်စား လှယ်တွေနဲ့လည်း အလွတ်သဘောတွေ့ဆုံခဲ့ပါတယ်။

သူတို့အဖွဲ့ဟာ အန်စီစီတီ ထဲမှာ မပါဝင်တဲ့အတွက် သီးသန့်တွေ့ဆုံပြီး သမ္မတရဲ့ လမ်းညွှန်ချက်တွေ ပြောပြခဲ့တယ်လို့  အကျိုးတော်ဆောင် ဦးညိုအုန်းမြင့်က ပြောပါတယ်။

တွေ့ဆုံမှုမှာ ရှမ်းပြည်တပ်မတော် တောင်ပိုင်းဘက်က ဗိုလ်မှူးကြီး စိုင်းလ၊ ဗိုလ်ချုပ် ပေါင်ခေး နဲ့ ဗိုလ်မှူးကြီး စိုင်းငင်းတို့ အဓိက ပါဝင်ဆွေးနွေးခဲ့တယ်လို့ သိရပါတယ်။

DVB

No comments:

Post a Comment

My Blog List