Thursday, July 17, 2014

သျှမ်းပြည်တောင်ပိုင်း တိုက်ပွဲရပ်တန့်ရေး လွှတ်တော်တွင် အဆိုတင်သွင်း


သျှမ်းပြည်တောင်ပိုင်း ကျေးသီးမြို့နယ်အတွင်း ဖြစ်ပွါးနေသော တိုက်ပွဲကြောင့် အခက်အခဲများစွာ ရင်ဆိုင် နေရသော ဒေသခံပြည်သူများ အေးချမ်းစွာပြန်လည်နေထိုင်လုပ်ကိုင်စား သောက်နိုင်ရေးအတွက် တိုက်ပွဲ များ အမြန်ဆုံးတိုက်ပွဲများ ရပ်တန့်ရန် ကျားဖြူပါတီ၏ လွှတ်တော်ကိုယ်စားလှယ်က လွှတ်တော်တွင်အဆို တင်သွင်းခဲ့ပါသည်။ 

နှစ်ဘက်ဖြစ်ပွားနေသော တိုက်များရပ်တန့်ရေး၊ တပ်အင်အားဖြည့်တင်းမှုလျှော့ ချရေး နှင့် စစ်ဘေး ရှောင်ဒေသခံများအတွက် ပြန်လည်ထူထောင်ရေးလုပ်ငန်း အမြန်ဆုံးကူညီဖြေရှင်းအတွက် ပြည်ထောင် စုအစိုးရထံ တိုက်တွန်းသည့် အဆိုတရပ်အား ၂၀၁၄ ခု ဂျူလိုင် ၁၅ ရက် နေ့ ကျားဖြူပါတီ ပြည်သူ့ လွှတ်တော်ကိုယ်စားလှယ် စိုင်းအွမ်ဆိုင်မှိုင်းက ပြည်သူ့လွှတ်တော်သို့ အဆိုတင်သွင်းခြင်းဖြစ်သည်။

“စစ်ဘေးရှောင်တွေ စားဝတ်နေရေး လိုအပ်ချက် တွေကို သျှမ်းပါတီ ၂ ခုနဲ့ ကြံ့ခိုင်ဖွံ့ဖြိုးရေးပါတီက ကူညီ ထောက်ပံ့မှုပေးပေမယ့် မလုံလောက်ဘူးဆိုတဲ့အကြောင်း၊ နိုင်ငံတော်အစိုးရကနေ ရိုးသားဖြောင့်မတ်တဲ့ သဘောထားကို ဖော်ပြတဲ့အနေနဲ့ လူထုထိခိုက်နစ်နာမှုတွေကို ကူညီဖြေရှင်းပေးစေလိုပါတယ် ဆိုတဲ့ ထောက်ခံမှုအဆိုကို ကျမက ထောက်ခံတင်ပြခဲ့ပါတယ်”ဟု ကွန်ဟိန်း မြို့နယ် ပြည်သူ့လွှတ် တော် ကိုယ်စားလှယ် နန်းဝါနုက ပြောသည်။

ထို့အပြင် ထိုဒေသအတွင်း မြန်မာ့တပ်မတော်စစ်ကြောင်း၏ စစ်ရေးလှုပ်ရှားနေမှု ကိုရပ်တန့်ပေးရန်နှင့် ဝမ့်ဝပ်ဘုန်းကြီးကျောင်းရောက်စစ်ပြေးဒုက္ခသည်များ နေရပ်သို့အမြန်ဆုံးပြန်လည်နေထိုင်နိုင်ရန်အတွက် နိုင်ငံတော်အစိုးရ မှ ကူညီဆောင်ရွက်ပေးပါရန် ထောက်ခံဆွေးနွေးခဲ့သည်ဟု လည်းဆိုပါသည်။ 

ဝမ့်ဝပ်ကျေးရွာ တာ့ဖာဆောင်ကျေးရွာ ငူးလိမ်ကျေးရွာ လွယ်ခေါ်ကျေးရွာတို့မှ စစ်ဘေးရှောင်ဒုက္ခသည် ၂၀၀ ကျော် ၊ သံဃာတော်အပါး ၅၀ ကျော်တို့ ရင်ဆိုင်နေရသော စားဝတ်နေရေးအခက်အခဲများ အစိုးရ စာသင်ကျောင်းတွင် တပ်မတော်က လာရောက်စခန်းချနေထိုင်သဖြင့် ကျောင်းနေအရွယ် ကလေးများ ရင်ဆိုင်နေရသောအခက်အခဲများအပြင် စစ်ရေးလှုပ်ရှားမှုကြောင့် ဝမ့်ဝပ်ကျေးရွာသားများ၏ လယ်ယာမြေ ဧက ၂၀၀ ကျော်ပျက်စီးခဲ့ရသည်များကို ကျေးသီးမြို့နယ် ကျားဖြူပါတီ၏ ပြည်သူ့လွှတ်တော်ကိုယ်စားလှယ် စိုင်းအွမ်ဆိုင်မှိုင်းက ပြည်သူ့လွှတ်တော် ဒဿ မအကြိမ် ပုံမှန်အစည်းအဝေးတွင် ဂျူလိုင်လ ၁၅ ရက်နေ့က တင်ပြခဲ့ခြင်းဖြစ်ပါသည်။ 

လက်ရှိအခြေအနေနှင့်ပတ်သက်၍ နန်းဝါနုက - “တယောက်ကိုတယောက် အပြစ်ဖို့နေလို့ မဖြစ်တော့ဘူး။ နှစ်ပေါင်း ၆၀ ကျော်မှာ လက်နက်ကိုင်တိုက် လာပြီးပြီ။ အမြစ်ပြတ်ချေမှုန်းနိုင်သလားလို့ ကြည့်ရင်လည်း ဘယ်သူမှ ဘယ်သူ့ကို အမြစ်ပြတ်မချေမှုန်းနိုင်ပါဘူး။ ပြည်သူလူထုက ငြိမ်းချမ်းရေး ဖွံ့ဖြိုးတိုး တက်ရေး တအားလိုလားနေပြီ။ ဒါကြောင့် ၂ ဘက်စလုံးက နိုင်ငံတော် အတွက် ပြည်သူလူထုအတွက် ဆိုတာကို ကြည့်ပြီးတော့ နိုင်ငံရေးအမြတ်မထုတ်ဘဲ စစ်မှန်တဲ့ငြိမ်းချမ်းရေး အမှန်တကယ်လုပ်ပေးရင် သိပ်ကောင်း တာပေါ့” ဟု သျှမ်းသံတော်ဆင့်အား ရှင်းပြသည်။

သျှမ်းပြည်တပ်မတော် SSPP/SSA သည် နေပြည်တော်အစိုးရနှင့် ပြည်ထောင်စုအဆင့် သဘောတူ လက်မှတ် ရေးထားသည့် တပ်ဖွဲ့ဖြစ်သည်။ ၂၀၁၂ ခု ဂျန္နဝါရီ ၂၈ ရက် သဘောတူလက်မှတ်ရေးထိုး သည့် နောက်ပိုင်း တိုက်ပွဲပေါင်း ၁၀၀ ကျော် ဖြစ်ပွားခဲ့သည့်အပြင် ယနေ့တိုင် စစ်ရေးတင်းမာနေဆဲ ဖြစ်သည်။

Panglong(Burmese)

No comments:

Post a Comment

My Blog List