သတင်းမီဒီယာများကို ဖိနှိပ်နေမှုများနှင့် ပတ်သက်ပြီး လွှတ်တော်သို့ စာနယ်ဇင်းကောင်စီ စာပို့

Unity ဂျာနယ် အရေးကိစ္စ အပါအဝင် ပုဂ္ဂလိက သတင်းမီဒီယာများအပေါ် အစိုးရအဖွဲ့က ဖိနှိပ်နေမှုများနှင့် ပတ်သက်၍ ပြည်သူ့လွှတ်တော်ရှိ သက်ဆိုင်ရာရေးရာ ကော်မတီ သုံးခုထံသို့ ဇူလိုင်လ ၁၄ ရက်နေ့က အကြောင်းကြားစာ ပို့ထားကြောင်း မြန်မာနိုင်ငံ စာနယ်ဇင်းကောင်စီ (ယာယီ) အဖွဲ့ဝင်များထံမှ သိရသည်။

ပုဂ္ဂလိက သတင်းမီဒီယာများကို အစိုးရ သတင်းတပ်ဖွဲ့က ခေါ်ယူစစ်ဆေးခဲ့မှု၊ Bi မွန်းတည့်နေဂျာနယ် အယ်ဒီတာ အဖွဲ့ဝင်များကို ဖမ်းဆီး ထိန်းသိမ်းထားမှု၊ ယခုနောက်ဆုံး Unity ဂျာနယ်မှ အမှုဆောင် အရာရှိချုပ်နှင့် သတင်းထောက် လေးဦးကို ထောင်ဒဏ် ၁၀ နှစ် ချမှတ်လိုက်သည့် ဖြစ်စဉ်များနှင့် ပတ်သက်ပြီး လွှတ်တော်က ဝင်ရောက် ဖြေရှင်းပေးရန် စာပို့ထားခြင်း ဖြစ်ကြောင်း စာနယ်ဇင်းကောင်စီ (ယာယီ) အတွင်းရေးမှူး ဦကျော်မင်းဆွေက ဆိုသည်။

“ဖြစ်ခဲ့တဲ့ ဖြစ်စဉ်တွေမှာ ပြည်ထဲရေးဌာန အပါအဝင် အစိုးရအဖွဲ့ အနေနဲ့ ကောင်စီကို ကြိုတင် အသိပေးတာမျိုး မရှိဘဲ သတင်းထောက်တွေကို ဖမ်းဆီးခဲ့တယ်။ Unity ကိစ္စဆိုရင်လည်း အမိန့်မချခင် ကာလကတည်းက နိုင်ငံတော်သမ္မတဆီကို စာပို့ခဲ့တယ်။ တစ်စုံတစ်ရာ ဝင်ရောက် ဖြေရှင်းပေးဖို့။ ဒါပေမဲ့ ဘာတစ်ခုမှ အကြောင်းမပြန်ခဲ့ဘူး” ဟု ၎င်းကဆိုသည်။

မြန်မာနိုင်ငံ စာနယ်ဇင်းကောင်စီ (ယာယီ) ကို နိုင်ငံတော်သမ္မတ၏ အမိန့်ဖြင့် တိုက်ရိုက် ဖွဲ့စည်းပေး ခဲ့သော်လည်း အစိုးရအဖွဲ့အစည်းများက အသိအမှတ် မပြုသလို ဆက်ဆံ ပြုမူနေကြောင်း ၎င်းက ထပ်မံပြော ဆိုသည်။

လတ်တလော အခြေအနေတွင် Bi မွန်းတည့်နေ အယ်ဒီတာချုပ်နှင့် အယ်ဒီတာ အဖွဲ့ဝင် နှစ်ဦးကို ၁၉၅၀ ခုနှစ် အရေးပေါ် အက်ဥပဒေ ပုဒ်မ ၅ (ဃ)/ (ည) ဖြင့် တရားစွဲဆိုထားသည့် အပြင် Unity ဂျာနယ်မှ အမှုဆောင်အရာရှိချုပ်နှင့် သတင်းထောက် လေးဦးကို ဇူလိုင်လ ၁၀ ရက်နေ့က ထောင်ဒဏ် ၁၀ နှစ်စီ ချမှတ်ထားသည်။

ယင်းအပြင် အစိုးရက သတင်းမီဒီယာများအပေါ် ဖိနှိပ်ကန့်သတ်မှုများ လုပ်ဆောင်နေသည့် အပေါ် ဇူလိုင်လ ၁၂ ရက်နေ့က ကန့်ကွက်ဆန္ဒ ထုတ်ဖော်ခဲ့သည့် သတင်းမီဒီယာသမား ၅၀ ဦးမှာလည်း ပုဒ်မ ၁၈ ဖြင့် အမှုဖွင့်ခံထားရသည်။

စာနယ်ဇင်းကောင်စီက လွှတ်တော်ရေးရာ ကော်မတီများထံသို့ စာပို့ထားခြင်း အပေါ် လွှတ်တော် လုပ်ထုံး လုပ်နည်းများအတိုင်း ဆက်လက် ဆောင်ရွက်ပေးသွားမည် ဖြစ်ကြောင်း ပြည်သူ့လွှတ်တော် အားကစား၊ ယဉ်ကျေးမှုနှင့် ပြည်သူ့ဆက်ဆံရေး ဖွံ့ဖြိုးတိုးတက်မှု ကော်မတီဝင် ဦးခိုင်မောင်ရည်က The Voice သို့ ပြောဆိုသည်။

အစိုးရအဖွဲ့နှင့် သတင်းမီဒီယာများ အကြား ဖြစ်ပေါ်နေသည့် ပြဿနာများနှင့် ပတ်သက်၍ နိုင်ငံတော်သမ္မတကို တွေ့ဆုံခွင့် တောင်းဆိုထားပြီး ပြည်ထောင်စု လွှတ်တော် ဥက္ကဋ္ဌနှင့်လည်း တွေ့ဆုံနိုင်ရန် တောင်းဆိုသွားမည် ဖြစ်ကြောင်း ကောင်စီဝင်များထံမှ သိရသည်။

ပခုက္ကူမြို့တွင် ဇူလိုင်လ ၁၂ ရက်နေ့က ပြုလုပ်သော အခြေခံဥပဒေ ပြင်ဆင်ရေး ဟောပြောပွဲတွင် ပခုက္ကူခရိုင် ပေါက်မြို့နယ်အတွင်းရှိ ကာကွယ်ရေးပစ္စည်း စက်ရုံသတင်းကို ဖော်ပြသော ယူနတီဂျာနယ်မှ သတင်းထောက်များကို ထောင်ဒဏ် ၁၀ နှစ်အထိ ပြစ်ဒဏ်ချမှတ်ခြင်းသည် များလွန်းပြီး ပြန်လည် စိစစ်သင့်သည်ဟု ပြည်သူ့လွှတ်တော် တရားဥပဒေစိုးမိုးရေး ကော်မတီ ဥက္ကဋ္ဌ ဒေါ်အောင်ဆန်းစုကြည်က ပြောကြားခဲ့သည်။

ယူနတီဂျာနယ် အပါအဝင် ဖမ်းဆီးအရေးယူ ခံထားရသည့် သတင်းသမားများကို အမြန်ဆုံး ပြန်လွှတ်ပေးရန် ဗမာနိုင်ငံလုံးဆိုင်ရာ ကျောင်းသားများသမဂ္ဂ (ဗကသ)/ မျိုးဆက်သစ်လူငယ်များ (GW) နှင့် အမျိုးသားဒီမိုကရေစီအင်အားစု ပါတီတို့က ကြေညာချက် အသီးသီး ထုတ်ပြန်လိုက်သည်။

The Voice Weekly