အမျိုးသားဒီမိုကရေစီအဖွဲ့ချုပ် (NLD ပါတီ) က ဦးဆောင်လှုပ်ရှားနေသော ၂၀၀၈ ဖွဲ့စည်းပုံ အခြေခံဥပဒေ ပါ ပုဒ်မ ၄၃၆ ပြင်ဆင်ရေး ပြည်သူလူထုဆန္ဒပြုလက်မှတ်ရေးထိုးရေး လှုပ်ရှားမှုသည် ရွေးကောက်ပွဲအတွက် မဲဆွယ် စည်းရုံးမှုတစ်ရပ်သာ ဖြစ်ကြောင်း ပြည်ထောင်စု ရွေးကောက်ပွဲကော်မရှင် ဥက္ကဋ္ဌဦးတင်အေးက ဝေဖန်ပြောကြားသည်။
ဇူလိုင်လ ၁၆ ရက်နေ့က နေပြည်တော် ကောင်စီနယ်မြေ Sky Star ဟိုတယ်တွင် ပြုလုပ်သော ရွေးကောက် ပွဲ လုပ်ငန်းစဉ်များနှင့် မဲပေးရေး အစီအစဉ်များတွင် မသန်စွမ်းသူများ ပိုမိုပါဝင်ခွင့်ရရှိလာရေး ဆွေးနွေးပွဲ တွင် ယင်းသို့ဝေဖန်ပြောဆိုခဲ့ခြင်း ဖြစ်သည်။
“၄၃၆ ကို မပြင်ရင် မဲမထည့်ပါနဲ့လို့ ပြောတာတွေရှိတယ်။ အဲဒါဆိုရင် ၄၃၆ ပြင်ပေးတဲ့လူကို မဲထည့်ပါလို့ ပြောတာနဲ့ အတူတူပဲပေါ့” ဟု ၎င်းကဆိုသည်။ အဆိုပါ ၄၃၆ ပြင်ဆင်ရေး လှုပ်ရှားမှုများသည် ပါတီတစ်ခု ရွေးကောက်ပွဲ အောင်နိုင်ရေးအတွက် မဟုတ်ဘဲ တိုင်းပြည်နှင့် လူမျိုးကောင်းမွန်ရေးအတွက် ခံယူချက် ထားကာ လုပ်ဆောင်နေခြင်း ဖြစ်ကြောင်း NLD ပါတီအတွင်းရေးမှူး ဦးဉာဏ်ဝင်းက ပြောကြားသည်။
“ကျွန်တော်တို့က မဲဆွယ်စည်းရေး ရုံးရေးလုပ်နေတာ မဟုတ်ဘူး။ ဒါကို လူထုကလည်း နားလည်ပါတယ်” ဟု ၎င်းကဆိုသည်။ ယင်းသို့ပင် NLD ပါတီဥက္ကဋ္ဌ ဒေါ်အောင်ဆန်းစုကြည်က ဇွန်လ ပထမပတ်အတွင်း ပြုလုပ်သော NLD ပါတီပထမအကြိမ် ဗဟိုကော်မတီ တတိယ အကြိမ်အစည်းအဝေးတွင် NLD ပါတီ ၂၀၀၈ ဖွဲ့စည်းပုံ အခြေခံဥပဒေပြင်ဆင်ရေး လုပ်ဆောင်ခြင်းသည် ၂၀၁၅ ရွေးကောက်ပွဲ အောင်နိုင်ရေးအတွက် ပြည်သူလူထုကို လှည့်ဖြားခြင်းနေခြင်း မဟုတ်ကြောင်း ပြောကြားထားသည်။
အခြေခံဥပဒေ ပြင်ဆင်ရေး အခန်း ၁၂ ပါ ပုဒ်မ ၄၃၆ ပြင်ဆင်ရေးအတွက် မေလ ၂၇ ရက်မှ ဇူလိုင်လ ၁၉ ရက်နေ့အထိ တစ်နိုင်ငံလုံးရှိ ပြည်သူလူထု ဆန္ဒပြုလက်မှတ်များ NLD ပါတီမှ ကောက်ယူနေပြီး ဆန္ဒပြု လက်မှတ်သုံးသန်းကျော် ရရှိနေပြီ ဖြစ်ကြောင်း ဇွန်လနောက်ဆုံးပတ်အတွင်း NLD ပါတီက ထုတ်ပြန်ထား သည်။
The Voice Weekly
No comments:
Post a Comment