သတင်းသမားများ ဖမ်းဆီးထောင်ချခံနေရမူအပေါ် ဧရာဝတီတိုင်းဒေသကြီးရှိ သတင်းစာဆရာများက ဒီနေ့ နံနက်ပိုင်း၊ ပုသိမ်မြို့က ရွှေမုဌောဘုရားမှာ မီဒီယာဖိနှိပ်မှုရပ်ဆိုတဲ့ အင်္ကျီများ ၀တ်ဆင်ကာ ဆုတောင်းပွဲ ပြုလုပ်ပြီး ကြေညာချက်တစောင် လည်း ထုတ်ပြန်ခဲ့ပါတယ်။
ပုသိမ်၊ မြောင်းမြ၊ ကျုံပျော၊် မြန်အောင်နဲ့ ဟင်္သာတက သတင်းစာဆရာ ၂၁ ဦးက ဆုတောင်းပွဲ ပြုလုပ်ပြီး ကြေညာချက်ထုတ် တောင်းဆိုခဲ့တာ ဖြစ်ပါတယ်။
သူတို့ရဲ့ ထုတ်ပြန်ကြေညာချက်မှာတော့ သတင်းမီဒီယာဟူသည် တိုင်းပြည်ရဲ့ စတုတ္ထ မဏ္ဍိုင် ဖြစ်ပြီး ဥပဒေပြုရေး၊ အုပ်ချုပ်ရေးနဲ့ တရားစီရင်ရေးစသည့် မဏ္ဍိုင်ကြီး ၃ ရပ်ကို အများပြည်သူ အကျိုးစီးပွားအတွက် အကောင်းအဆိုး ထောက်ပြဝေဖန်ရန်မှာ စတုတ္ထ မဏ္ဍိုင်ဖြစ်သည့် သတင်းမီဒီယာများရဲ့ တာဝန် ဖြစ်ကြောင်း၊ ယူနတီဂျာနယ်က ရေးသား ဖော်ပြခဲ့သည့် လျှို့ဝှက်ဓာတုလက်နက် စက်ရုံ ဟူသော သတင်းဆောင်းပါးနဲ့ ပတ်သက်ပြီး သတင်းသမား ၅ ဦးအား ထောင်ဒဏ် ၁၀ နှစ်စီ ချမှတ်ခဲ့ခြင်းမှာ အလွန်တရာ ကြီးလေးပြင်းထန်တယ်လို့ ရှုမြင်ကြောင်း၊ ဒီမိုကရေစီအရေး စဉ်ဆက်မပြတ်လှုပ်ရှားမှုအဖွဲ့မှ ထုတ်ပြန် ခဲ့သော ဒေါ်အောင်ဆန်းစုကြည်နဲ့ တိုင်းရင်းသားခေါင်းဆောင်များအား ကြားဖြတ် အစိုးရအဖြစ် တင်မြှောက်သည့် ကြေညာချက်ကို သတင်းရေး သားဖော်ပြခဲ့သည့် မွန်းတည့်နေ ဂျာနယ်မှ သတင်းသမား ၃ ဦးအား ဖမ်းဆီးထိမ်းသိမ်းခဲ့ပြီး ယခင်စစ်အစိုးရခေတ်က နိုင်ငံရေတက်ကြွ လှုပ်ရှားသူများအား အရေး ယူသည့် ပုဒ်မ ၅ (ဃ)၊ ၅ (ည) တို့ဖြင့် တရားစွဲဆို အရေးယူခဲ့ခြင်းမှာ အစိုးရအနေဖြင့် သတင်းမီဒီယာ ကို ဖိနှိပ်လိုသည့်ရည်ရွယ်ချက်ဖြင့် လုပ်ဆောင်ကြောင်း၊ သတင်းသမားများ ရေးသားဖော်ပြသည့်သတင်းများနဲ့ ပတ်သက်ပြီး အစိုးရအနေဖြင့် ကျေနပ်မှု မရှိ၊ စောဒကတက်ပြီး ကန့်ကွက်လို့ရင် မြန်မာနိုင်ငံ စာနယ် ဇင်းကောင်စီ(ယာယီ)၊ မြန်မာနိုင်ငံသတင်းစာဆရာများ အသင်း (အမ်ဂျေအေ)နဲ့ မြန်မာသတင်းသမားများ ကွန်ရက် (အမ်ဂျေအန်) စတဲ့ သတင်းသမားဆိုင်ရာအဖွဲ့အစည်းတွေကို တင်ပြ တိုင်ကြားနိုင်ခဲ့တယ်လို့ ဆိုပါတယ်။
အဲဒီအဖွဲ့တွေက တိုင်ကြားချက်အပေါ် လေ့လာသုံးသပ်ပြီး သက်ဆိုင်ရာ သတင်းမီဒီယာတွေအနေနဲ့ သတင်းစာကျင့်ဝတ်အတိုင်း ရေးသားမှုရှိမရှိ စုံစမ်းစစ်ဆေးပြီး လိုအပ်တဲ့ ညှိနှိုင်းဆောင်ရွက်မှုတွေ ပြုလုပ်ပေးဖို့ လိုအပ်ကြောင်း ပါရှိပါတယ်။
ဒါ့အပြင် ဧရာဝတီတိုင်းဒေသကြီးရှိ သတင်းစာဆရာများက အချက်လေးချက်ကိုလည်း တောင်းဆိုလိုက်ပါ တယ်။
၁။ အလုပ်ကြမ်းနှင့် ထောင်ဒဏ်များချမှတ်ထားသော ယူနတီဂျာနယ်မှသတင်း သမားများအား ခြွင်းချက်မရှိ အမြန်ဆုံးပြန်လွှတ်ပေးရန်၊
၂။ ဖမ်းဆီးထိမ်းသိမ်းထားသော မွန်းတည့်နေဂျာနယ်မှသတင်းသမားများကို အမြန်ဆုံး ပြန်လွှတ်ပေးရန်နှင့် တရားစွဲဆိုထားသောအမှုအား ရုပ်သိမ်းပေးရန်၊
၃။ အစိုးရအနေဖြင့် သတင်းမီဒီယာသမားများအား ရာဇ၀တ်ပုဒ်မများဖြင့် တရားစွဲ၊ ဖမ်းဆီး၊ အပြစ်ပေးမှုများ ရပ်တန့်ပေးရန်၊
၎။ သတင်းမီဒီယာများ၏ သတင်းထုတ်ပြန်ရေးသားချက်များအပေါ် အစိုးရအနေဖြင့် ကန့်ကွက်လို၊ စောဒကတက်လိုလျှင်ဖြစ်စေ၊ သတင်းမီဒီယာဌာနများအား ထိတွေ့ဆက်ဆံရန် အကြောင်းတစုံတရာ ပေါ်ပေါက်လာလျှင်ဖြစ်စေ သတင်းသမားများကို ကိုယ်စားပြုသော စာနယ်ဇင်းဆိုင်ရာ အဖွဲ့အစည်းများအား အသိပေးအကြောင်းကြားပြီး ယင်းအဖွဲ့အစည်းများမှ တဆင့် ထိတွေ့ဆက်ဆံသွားရန်၊
DVB
No comments:
Post a Comment