အိန္ဒိယ၀န်ကြီးချုပ် Narendra Modi က ကမကထလုပ်ပြီး လက်ခံကျင်းပ ပေးမယ့် ကမ္ဘာတ၀ှမ်းက ရင်းနှီး မြှုပ်နှံသူများ ညီလာခံကို တက်ရောက်ဖို့အတွက် အမေရိကန် နိုင်ငံခြားရေးဝန်ကြီး John Kerry ဟာ စနေနေ့မှာ အိန္ဒိယနိုင်ငံကို သွားရောက်မှာ ဖြစ်ပါတယ်။
ဝန်ကြီး Kerry ဟာ အမေရိကန် စီးပွားရေးလုပ်ငန်းရှင်ကြီးတွေ၊ တီထွင်ဖန်တီး သူတွေနဲ့အတူ အဲဒီညီလာခံ ကို တက်ရောက်မှာဖြစ်ပြီး၊ အမေရိကန်ရဲ့ နည်းပညာပိုင်းဆိုင်ရာ အရည်အသွေးတွေက အိန္ဒိယနဲ့ အင်ဒို-ပစိဖိတ် ဒေသတခွင်ရဲ့ စီးပွားရေး တိုးတက်ဖွံ့ဖြိုးမှု ဆက်လက် ဖြစ်ပေါ်နေစေရေး အတွက် အရေးပါတဲ့ အခန်းကဏ္ဍမှာ ရှိနေတယ်ဆိုတာကို မီးမောင်းထိုး ပြသလိမ့်မယ်လို့ အမေရိကန် နိုင်ငံခြားရေး ၀န်ကြီး ဌာနက အင်္ဂါနေ့မှာ ပြောဆိုလိုက်ပါတယ်။
Virbrant Gujarat ကမ္ဘာ့ရင်းနှီးမြှုပ်နှံသူများ ညီလာခံကို အိန္ဒိယနိုင်ငံ Ahmedabad မှာ ဇန်န၀ါရီလ ၁၁ ရက်နေ့ကနေ ၁၃ ရက်နေ့အထိ ကျင်းပဖို့ စီစဉ်ထားပါတယ်။ အမေရိကန် ပြည်ထောင်စုဟာ ပထမဦးဆုံး အကြိမ်အဖြစ် ဒီညီလာခံကို ပူးတွဲမိတ်ဖက် နိုင်ငံတနိုင်ငံအဖြစ်နဲ့ ပါဝင်တက်ရောက်မှာ ဖြစ်တယ်လို့ အမေရိကန် နိုင်ငံခြားရေးဝန်ကြီးဌာနက ပြောဆိုပါတယ်။
VOA
No comments:
Post a Comment