၆၇ ကြိမ်မြောက် ကချင်ပြည်နယ်နေ့ အထိမ်းအမှတ် မနောပွဲတော်ကို ကချင်ပြည်နယ် မြစ်ကြီးနားမြို့ စီတာပူရပ်ကွက်က မနောကွင်းမှာ ဒီနေ့ စတင်ဖွင့်လှစ်လိုက်ပါတယ်။ ကချင်ပြည်နယ်မှာ လက်နက်ကိုင် ပဋိပက္ခတွေ ချုပ်ငြိမ်းပြီး ငြိမ်းချမ်းရေး အမြန်ဆုံးရစေလိုတဲ့ ရည်ရွယ်ချက်နဲ့ ဒီနှစ် မနောပွဲတော်ကို ကျင်းပ တာဖြစ်တယ်လို့ မနောပွဲတော်ဖြစ်မြောက်ရေးကော်မတီ ဥက္ကဋ္ဌ ဦးလခရိလအောင်က ပြောပါတယ်။
"ဒီကချင်ပြည်နယ်နေ့မှာ မနောပွဲ ပြန်ပြီးထည့်ပေးရတာ ကျနော်တို့ပြည်နယ်ထဲ ပြန်ပြီးငြိမ်းချမ်းလာပါစေ၊ နိုင်ငံတော်ကို အုပ်ချုပ်နေတဲ့ အစိုးရများနဲ့ လက်နက်ကိုင်အဖွဲ့အစည်းတွေဟာ ဆွေးနွေးတဲ့အခါ အမှန်တ ကယ်ပဲ နားလည်မှုရှိပြီး ကျနော်တို့ပြည်သူလူထုရဲ့ ဒုက္ခဆင်းရဲကို ကောင်းမွန်တဲ့စစ်မှန်တဲ့ ပြည်ထောင်စုကြီး ကို တည်ဆောက်နိုင်ကြပါစေ၊ ဆွေးနွေးနိုင်ကြပါစေလို့ ကျနော်တို့ ပြည်သူတစ်ရပ်လုံးလည်း ဘုရားသခင် ဆီက တောင်းခံတဲ့အနေနဲ့ လည်း ပြုလုပ်ခြင်းဖြစ်ပါတယ်"
ကချင်ပြည်နယ်မှာ အစိုးရနဲ့ ကေအိုင်အိုအဖွဲ့တို့ တိုက်ပွဲတွေ ဆက်လက်ဖြစ်နေ တာကြောင့် မနောပွဲကို ၃ နှစ်ကြာ မကျင်းပနိုင်ခဲ့ဘဲ ဒီနှစ်မှာ ကချင်ပြည်နယ် အစိုးရအဖွဲ့က ဦးဆောင်ကျင်းပတာပါ။ ကချင်ပြည်နယ်မှာ တိုက်ပွဲတွေ ဆက်လက်ဖြစ်နေတာကြောင့် ဒီနှစ်မနောပွဲကိုမကျင်းပဖို့ အရပ်ဖက်လူမှုအဖွဲ့ အစည်းတွေက လက်မှတ်တွေစုဆောင်းပြီး ကချင်ပြည်နယ်အစိုးရထံ တင်ပြခဲ့ ကြပါတယ်။
မနောပွဲကို တက်ရောက်ဖို့အတွက် ပြည်နယ်အစိုးရက ပြည်ထောင်စုအစိုးရ၊ နိုင်ငံခြားသံတမန်တွေနဲ့ ကချင် လွတ်မြောက်ရေးအဖွဲ့ ကေအိုင်အိုဗဟိုကော် မတီကိုလည်း တရားဝင်ဖိတ်ကြားထားတယ်လို့ ပြောပါတယ်။
ပွဲတော်ကာလအတွင်းမှာ တိုင်းရင်းသား ရိုးရာယဉ်ကျေးမှုအကပြိုင်ပွဲတွေ၊ ဂီတဖျော်ဖြေပွဲ၊ အားကစားပြိုင်ပွဲ တွေနဲ့အတူ ကုန်စည်ပြပွဲတွေကိုလည်း ထည့်သွင်းထားပါတယ်။
မနောပွဲတော်ကို ကချင်ပြည်နယ်နေ့အဖြစ် သတ်မှတ်ခဲ့တဲ့ ၁၉၄၈ခုနှစ် ဇန်နဝါရီလ ၁၀ ရက်နေ့ကစပြီး နှစ်စဉ်ကျင်းပခဲ့တာဖြစ်ပါတယ်။
RFA Burmese
No comments:
Post a Comment