အင်ဒိုနီးရှားနိုင်ငံမှာ မူးယစ်ဆေးဝါးမှုနဲ့ သေဒဏ်ကျခံနေရတဲ့ သြစတြေးလျ နိုင်ငံသားရဲ့ အယူခံဝင်မှုကို အင်ဒိုနီးရှားနိုင်ငံက ဇန်န၀ါရီ ၂၂ ရက်နေ့မှာ ပယ်ချခဲ့ပါတယ်။ ဒါကြောင့် နဂိုကတည်းက ဆက်ဆံရေးအ ဆင် မပြေဖြစ်နေတဲ့ နှစ်နိုင်ငံဆက်ဆံရေး ပိုပြီး တင်းမာလာဖို့ရှိပါတယ်။
အယူခံပယ်ချခံရတဲ့ မူးယစ်ဂိုဏ်းခေါင်းဆောင် အင်ဒရူးချန် (Andrew Chan) ဟာ တနိုင်ငံတည်းသား မျူရန် ဆုကူမရန်(Myuran Sukumaran)နဲ့အတူ ၂၀၀၆ ခုနှစ်ကတည်းက သေဒဏ်ချခံထားရသူတွေ ဖြစ်ပါတယ်။ ဆုကူမရန်ရဲ့သေဒဏ် အယူခံဝင်မှုကတော့ ပြီးခဲ့တဲ့လကပဲ ပယ်ချခံခဲ့ရပြီးဖြစ်ပါတယ်။
အင်ဒိုနီးရှားနိုင်ငံ ဘာလီကျွန်းကနေ သြစတြေးလျနိုင်ငံကို ဘိန်း ၈.၃ ကီလို ကျော် ခိုးထုတ်ဖို့ ကြိုးစားမှုနဲ့ သူတို့ ၂ ဦးအပါအ၀င် အားလုံး ၉ ဦး ဖမ်းဆီးခံခဲ့ ရတာပါ။
ကျန် ၇ ဦးကတော့ နှစ်ရှည်ထောင်ဒဏ်တွေနဲ့ တသက်တကျွန်းဒဏ်တွေ ကျခံနေရပြီး သူတို့ ၂ ဦးကတော့ ဂိုဏ်ခေါင်းဆောင်အဖြစ် စစ်ဆေးတွေ့ရှိခဲ့ပြီး သေဒဏ်ချခံရတာလည်းဖြစ်ပါတယ်။
အင်ဒရူး ချန်ရဲ့ အယူခံဝင်မှုဟာ အကြောင်းပြချက် ခိုင်လုံမှုမရှိတဲ့အတွက် အင်ဒိုနီးရှားသမ္မတရုံးက ပယ်ချခဲ့ တာလို့ ဒန်းပါဆာ (Denpasar) ခရိုင်တရားရုံး ပြောခွင့်ရက သတင်းထောက်တွေကို ပြောဆိုပါတယ်။ သေဒဏ်ပေးမယ့်ရက် ကိုတော့ မဆုံးဖြတ်ရသေးဘူးလို့လည်း ပြောဆိုပါတယ်။
ပြီးခဲ့တဲ့ ဇန်န၀ါရီ ၁၈ ရက်နေ့ကလည်း အင်ဒိုနီးရှားနိုင်ငံမှာ မူးယစ်ဆေးဝါးမှုနဲ့ သေဒဏ်ချခံရသူ ၅ ဦးကို သေဒဏ်ပေးခဲ့ပြီးဖြစ်ပါတယ်။ အဲ့ဒီထဲက ၅ ဦး ကတော့ နိုင်ငံခြားသားတွေ ဖြစ်ကြပါတယ်။ ဘရာဇီးနိုင်ငံ သားနဲ့ နယ်သာလန် နိုင်ငံသားတို့ ၁ ဦးစီ ပါဝင်ခဲ့တာကြောင့် သူတို့တွေရဲ့ သံအမတ်တွေကို အင်ဒိုနီးရှား ကနေ ပြန်ခေါ်ခဲ့ပါတယ်။
အင်ဒိုနီးရှားနိုင်ငံနဲ့ သြစတြေးလျနိုင်ငံတို့ဟာ အိမ်နီးချင်းနိုင်ငံတွေဖြစ်ကြပြီး နှစ်နိုင်ငံဆက်ဆံရေး သိပ်အ ဆင် မပြေခဲ့တဲ့ အချိန်တွေက ပိုများခဲ့ပါတယ်။
အင်ဒိုနီးရှားနိုင်ငံဟာ ကမ္ဘာပေါ်မှာ မူးယစ်ဆေးဝါးအတင်းကျပ်ဆုံး နိုင်ငံ တနိုင်ငံဖြစ်ပြီး သြစတြေးလျနိုင်ငံ ကတော့ သေဒဏ်ကို ဆန့်ကျင်ကန့်ကွက်တဲ့ နိုင်ငံ ဖြစ်ပါတယ်။
အခုလည်း သြစတြေးလျနိုင်ငံသား ၂ ဦးဟာ ထောင်တွင်းမှာ နေခဲ့ရချိန်အတွင်း အမြင်မှန် ရရှိ သူတွေဖြစ်နေကြပြီလို့ သြစတြေးလျနိုင်ငံက အကြိမ်ကြိမ်ပြော ဆိုနေတာလည်း ဖြစ်ပါတယ်။
DVB
No comments:
Post a Comment