မန္တလေးတိုင်းဒေသကြီး၊ ကျောက်ဆည်မြို့နယ်တွင် ဘိန်းဖြူ ၆.၉၁ ကီလိုနှင့် ဘိန်းစိမ်း ၅၉.၈ ကီလို ဖမ်းဆီးရမိခဲ့ကြောင်း မူးယစ် အထူးတပ်ဖွဲ့က သတင်းထုတ်ပြန်ထားသည်။
ဖြစ်စဉ်မှာ စက်တင်ဘာလ ၁၄ ရက်နေ့ ၂၁၁၅ အချိန် မူးယစ်ဆေးဝါး တားဆီးနှိမ်နင်းရေး ရဲတပ်ဖွဲ့စု(၁၈)မန္တလေး(တောင်)မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ကျောက်ဆည်မြို့နယ်၊ ကတဲကျေးရွာအနီး ကတဲ-ကြက်ဆင်ကျေးရွာ သွားလမ်းဘေး၌ ဗွက်နစ်နေသော မော်တော်ယာဉ် ၁ စီးအား မသင်္ကာဖွယ် တွေ့ရှိပြီး ၎င်းယာဉ်ပေါ်မှ အမျိုးသား ၁ ဦးနှင့် အမျိုးသမီး ၂ ဦးတို့မှာ ကြက်ဆင်ကျေးရွာဘက်သို့ လမ်းလျှောက်ထွက်ခွာသွားကြောင်း သတင်းအရ သွားရောက်စစ်ဆေးရာ ကတဲ-ကြက်ဆင်ကျေးရွာ သွားလမ်းဘေးရှိ မော်တော်ယာဉ်၏ နောက်ဖုံးအတွင်းမှ ဆပ်ပြာခွက်များဖြင့် ထည့်ထားသည့် စုစုပေါင်းဘိန်းဖြူအလေးချိန် ၆.၉၁ ကီလို (ဒေသကာလပေါက်ဈေးတန်ဖိုးငွေ ကျပ် ၄၈၃၇ သိန်း)၊ ဘိန်းစိမ်း ၃၉ ကီလို၊ မော်တော်ယာဉ်နံပါတ်ပြား ၂ ခု၊ လက်ကိုင်ဖုန်း ၂ လုံးတို့ အား တွေ့ရှိသိမ်းဆည်းရမိခဲ့ပြီး အဆိုပါမော်တော်ယာဉ်အား ကျောက်ဆည် မြို့မရဲစခန်းသို့ သယ်ယူပြီး အသေးစိတ် ထပ်မံရှာဖွေရာ ယာဉ်နောက် ခန်း ဝဲ/ယာတံခါး ၂ ချပ်အတွင်းမှ ဘိန်းစိမ်း ၂၀.၈ ကီလို၊ စုစုပေါင်း ဘိန်းစိမ်း ၅၉.၈ ကီလို (ဒေသကာလပေါက်ဈေးတန်ဖိုးငွေ ကျပ် ၈၉၇ သိန်း)အားထပ်မံတွေ့ရှိသိမ်းဆည်းရမိခဲ့သဖြင့် ကျောက်ဆည် မြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေတတ်သော ဆေးဝါးများဆိုင်ရာဥပဒေအဖြင့် အမှုဖွင့် အရေးယူပြီး တရားခံဖမ်းဆီး ရမိရေး စုံစမ်းဆောင်ရွက်လျက်ရှိကြောင်းလည်း သိရသည်။
The Ladies News
No comments:
Post a Comment