တရုတ်အနောက်မြောက်ပိုင်း Gansu ပြည်နယ် Zhangye မြို့မှာအခုလ(၁၆)ရက်နေ့ညကပြင်းအား(၅)အဆင့်ရှိ ငလျင် လှုပ်ခတ်ခဲ့တယ်လို့တရုတ်ငလျင်စောင့်ကြည့်ရေးစင်တာရဲ့ထုတ်ပြန်ချက်အရသိရပါတယ်။
Zhangyeမြို့ရဲ့ Huazhai မြို့နယ်မှာ ဗဟိုပြုလှုပ်ခတ်ခဲ့တာဖြစ်ပြီး၊ မြေအောက်အနက်(၁၁)ကီလိုမီတာ၊မြောက်လတ္တီတွဒ်(၃၈.၆)ဒီဂရီနဲ့အရှေ့လောင်ဂျီတွဒ်(၁၀၀.၃၅)ဒီဂရီမှာလှုပ်ခဲ့တာလို့ငလျင်စောင့်ကြည့်ရေးစင်တာကသတင်း ထုတ်ပြန်ခဲ့ပါတယ်။
ငလျင်လှုပ်ခတ်မှုကြောင့်ခြံစည်းရိုးနံရံအချို့ပြိုကျခဲ့ပြီး၊(Huazhai)မြို့နယ်အနီးကနေရာအတော်များများတုန်ခါမှုဒဏ် ခံစားခဲ့ရပါတယ်။ တုန်ခါမှုပြင်းထန်တာကြောင့်ဒေသခံတွေဟာအဆောက်အအုံအပြင်ဘက်ကိုထွက်ပြေးခဲ့ကြပါတယ်။
ပထမငလျင်လှုပ်ခတ်ပြီးနောက်မိနစ်အငယ်အကြာမှာပြင်းအား(၃.၉)အဆင့်ရှိငလျင်သေးတစ်ခု(Zhangye)မြို့မှာထပ်မံလှုပ်ခတ်ခဲ့ပါတယ်။
ဒေသအာဏာပိုင်တွေကငလျင်လှုပ်ခံမှုဒဏ်ခံရတဲ့ဒေသကိုမီးသတ်ကား(၁၃)စင်းနဲ့မီးသတ်သမား(၈၄)ဦးကိုစေလွှတ်ပေးထားတယ်လို့ရိုက်တာသတင်းမှာဖော်ပြထားပါတယ်။
Translated by - (Chit Chan Myae)
No comments:
Post a Comment