ကချင်ပြည်နယ်၊ ဖုန်ကန်ရာဇီရေခဲတောင်မှာ ရိုက်ကူးခဲ့တဲ့ ပရိသတ်အချစ်တော် မင်းသမီး သင်ဇာဝင့်ကျော်ပါဝင်တဲ့ ရုပ်ရှင်ကားဟာ ဆင်ဆာကင်းလွတ်ခွင့်ရရှိခဲ့ပြီ ဖြစ် တယ်လို့ အဲဒီရုပ်ရှင်ကားရဲ့ ဒါရိုက်တာ JZ ဒေါင်လွဏ်းက ဖေ့စ်ဘွတ်ခ်အင်တာနက် လူမှုကွန်ပေါ်မှာ ရေးသားထားပါတယ်။
မေခရုပ်ရှင်ထုတ်လုပ်ရေးက တင်ဆက်လိုက်တဲ့ ဒီရုပ်ရှင်ကားရဲ့ အမည်ကိုတော့ နှင်းပွင့်စေရာလို့ အမည်ပေးထားခဲ့ပြီး ပြန်ကြားရေးဝန်ကြီးဌာန၊ ရုပ်ရှင်နဲ့ ဗွီဒီယိုဆင်ဆာ အဖွဲ့ကနေ အများပြည်သူကို ပြသခွင့်ပြုလိုက်တာပါ။
မေခရုပ်ရှင်ထုတ်လုပ်ရေးက တင်ဆက်လိုက်တဲ့ ဒီရုပ်ရှင်ကားရဲ့ အမည်ကိုတော့ နှင်းပွင့်စေရာလို့ အမည်ပေးထားခဲ့ပြီး ပြန်ကြားရေးဝန်ကြီးဌာန၊ ရုပ်ရှင်နဲ့ ဗွီဒီယိုဆင်ဆာ အဖွဲ့ကနေ အများပြည်သူကို ပြသခွင့်ပြုလိုက်တာပါ။
JZ ဒေါင်လွဏ်းရဲ့ ဖေ့စ်ဘွတ်ခ်စာမျက်နှာပေါ်မှာတော့ “ဘုရားရဲ့ ကျေးဇူးတော် ကြောင့် ဘာအခန်းမှ ဆင်ဆာ မထိပဲ လွတ်လွတ်ကျွတ်ကျွတ် ဖြစ်သွားပါပြီ။ ဆင်ဆာ ဘုတ်အဖွဲ့မှ လူကြီးများ အားလုံးကို ကျေးဇူးအထူးတင်ပါသည်”လို့ ရေးသားဖော်ပြ ထားခဲ့တာပါ။
သူဟာ မြန်မာရုပ်ရှင်လောကကို ကချင်စကားပြောဇာတ်ကားတွေနဲ့ ထိုးဖောက်ဖို့ ကြိုးစားနေသူတဦးဖြစ်ပြီး ဒီကားရိုက်ကူးချိန်မှာ ရေခဲတောင်ပေါ်မှာ စခန်းချနေထိုင်ပြီး ရိုက်ကူးခဲ့ရတယ်လို့ သိရပါတယ်။
ဒီရုပ်ရှင် ရိုက်ကူးနေချိန်မှာပဲ သင်ဇာဝင့်ကျော်ဟာ Challenge အနေနဲ့ အင်္ကျီ ချွတ်ထားတဲ့ ဓာတ်ပုံကို အွန်လိုင်းပေါ်တင်ခဲ့တာကြောင့် ပရိသတ်တွေကြား လှုပ်လှုပ် ခတ်ခတ်ဖြစ်ခဲ့ကြပါတယ်။
ဒီကားထဲမှာတော့ သင်ဇာဝင်ကျော်နဲ့အတူ တခြားသရုပ်ဆောင်တွေဖြစ်ကြတဲ့ မြင့်မြတ်၊ ယုန်လေး၊ ငြိမ်းသော်၊ L ဘောက်နူးတို့နဲ့အတူ ဒေါင်လွဏ်းကပါ ပါဝင်ထားခဲ့တာပါ။
ကချင်ပြည်နယ်မှာရှိတဲ့ ရေခဲတောင်ရဲ့ သဘာဝအလှအပတွေ၊ တောတွင်းစွန့်စား ခန်းတွေနဲ့ ရိုက်ကူးထားတဲ့ ဒီရုပ်ရှင်ကားဟာ ရိုက်ကူးနေစဉ်ကတည်းက ပရိသတ်တွေ ကြားမှာ ရေပန်းစားနေခဲ့တာ ဖြစ်ပါတယ်။
ပြီးခဲ့တဲ့ ဇူလိုင်လတုန်းကလည်း JZ ဒေါင်လွဏ်းရိုက်ကူးတဲ့ ကချင်ပြည်နယ်၊ ဖားကန့်ဒေသ က ကျောက်စိမ်းတူးဖော်တဲ့ လောကအကြောင်းရိုက်ကူးထားခဲ့တဲ့ လောဘနွံ ရုပ်ရှင်ကားကို ရုံတင်ပြသခဲ့ပြီး အဲဒီမတိုင်ခင်ကတော့ တိမ်ပြာသောနေ့၊ မနောမြေမှ ကျောက်စိမ်းကမ္ဘာစတဲ့ ရုပ်ရှင်ကားတွေကိုလည်း ဖန်တီးခဲ့သူ ဖြစ်ပါတယ်။
လတ်တလောမှာတော့ ဒီရုပ်ရှင်ကားကို ရုံတင်ပြသဖို့ ရုန်းကန်ရဦးမှာဖြစ်ပြီး ရုံတင်ရက်အတိအကျကိုတော့ မသိရှိနိုင်သေးပါဘူး။
No comments:
Post a Comment