မိုးကောင်းမြို့နယ်၊ ရေတွင်းကုန်းကျေးရွာ မှာ အစိုးရနည်းပညာကောလိပ်(မိုးညှင်း)က နည်းပြဆရာမတစ်ဦးကို သတ်ပြီး ထွက်ပြေးတိမ်းရှောင်နေသူ ကျော်ဇင်ထိုက်ကို စက်တင်ဘာ(၁၅)ရက်က ဖမ်းဆီးရမိခဲ့တယ်လို့ မြစ်ကြီးနားနယ်မြေ ရဲစခန်းက တာဝန်ရှိသူက ပြောပါတယ်။
ဖမ်းဆီးရမိခဲ့တဲ့ ကျော်ဇင်ထိုက် ဟာ ပြီးခဲ့တဲ့ မတ်လ(၁၇)ရက်က မြစ်ကြီးနားရထားပေါ်မှာ သိကျွမ်းခဲ့တဲ့ နည်းပြဆရာမ ဒေါ်မာမာဝင်း ကို နေအိမ်မီးဖိုဆောင်ထဲမှာပဲ သတ်ဖြတ်ပြီး ထွက်ပြေးသွားခဲ့တာဖြစ်ပါတယ်။ အဲဒီလို သတ်ဖြတ်ထွက်ပြေးတာကြောင့် ဒေါ်မာမာဝင်းရဲ့မိခင်ဖြစ်သူ က ပင်းဘောနယ်မြေရဲစခန်းမှာ (ပ)၅/၂၀၁၉၊ပုဒ်မ(၃၀၂)နဲ့ အမှုဖွင့် တိုင်တန်းထားခဲ့တာလည်း ဖြစ်ပါတယ်။
အဲဒီအမှုကို မိုးကောင်းမြို့နယ်ရဲတပ်ဖွဲ့မှူးရုံးက သက်ဆိုင်ရာ ရဲစခန်းတွေကို အကြောင်းကြားပြီး ရှာဖွေခဲ့ရာ စက်တင်ဘာ(၁၅)ရက် မနက်ပိုင်းမှာတော့ လူသတ်မှုနဲ့ထွက်ပြေးတိမ်းရှောင်နေသူ ကျော်ဇင်ထိုက်ကို မြစ်ကြီးနားမြို့၊ မီးရထားဝင်းထဲက တည်းခိုခန်းတစ်ခုအနီးက ထမင်းဆိုင်မှာ ဖမ်းဆီးရမိခဲ့တယ်လို့ သိရပါတယ်။
ဖမ်းဆီးရမိခဲ့တဲ့ ကျော်ဇင်ထိုက်ကို ရဲလုပ်ထုံးလုပ်နည်းနဲ့အညီ ဆက်လက်ဆောင်ရွက် နေတယ်လို့ မြစ်ကြီးနားနယ်မြေရဲစခန်းက သိရပါတယ်။
သတင်း - ဝင်းနိုင်(ကချင်မြေ)
No comments:
Post a Comment