မြန်မာ့ ငြိမ်းချမ်းရေးကို ခြိမ်းခြောက်နေသော ကိုးကန့်ပြဿနာ

နိုင်ငံနှင့် ထိစပ်နေသော မြန်မာနိုင်ငံအရှေ့မြောက်ပိုင်း နယ်စပ်ကိုးကန့်ဒေသတွင်ဖြစ်ပွား နေသော လတ်တလောတိုက်ပွဲ များ သည် ယခင်ကဖြစ်ပွား ခဲ့သော တိုင်းရင်းသားမျိုးနွယ်စုများနှင့် အစိုးရအကြား ပဋိပက္ခများနှင့်ယှဉ် လျှင် အသေးအမွှားသာဖြစ်ပါ သည်။ သို့သော် ထိုတိုက်ပွဲများသည် မကြာမီ အနာဂတ် ကာလ၌ ပြီးမြောက်အောင်မြင်မည့် တစ် နိုင်ငံလုံးအပစ်အခတ်ရပ် စဲရေး အောင်မြင်မှုကိုရော တရုတ် - မြန်မာဆက်ဆံရေးကိုပါ ခြိမ်း ခြောက်မည့် အလားအလာရှိနေ ပါသည်။

MNDAA ဟုခေါ်သည့် ကိုးကန့်လက်နက်ကိုင်တပ်ဖွဲ့ခေါင်းဆောင် ဖုန်ကြားရှင်သည် ငါးနှစ်တာ တိမ်းရှောင်နေကာ ကိုးကန့်ဒေသကို ပြန် လာခဲ့ပြီးနောက် ယခုနှစ် ဖေဖော်ဝါရီ ၉ ရက်တွင် တိုက်ပွဲ များဖြစ်ပွား ခဲ့ခြင်းဖြစ်ပါသည်။ ကိုးကန့်ကိုယ်ပိုင်အုပ်ချုပ်ခွင့်ရ ဒေသအတွင်း သူဆုံးရှုံး သွားသော နယ်မြေကို ပြန်ရရန်နှင့် မြန်မာအစိုးရ၏ အသိအမှတ်ပြုမှုကို ခံရရန် ဖုန်ကြားရှင်၏ ကြိုးပမ်းမှုကို တရုတ်မီဒီယာများက အကျယ် တဝင့်ဖော်ပြကြသည်။ သို့သော် နေပြည်တော်အခြေစိုက်မြန်မာ အစိုးရက လျစ်လျူရှုခဲ့သည်။ တိုက်ပွဲများတွင် နှစ်ဖက်စလုံးစစ် သားဒါဇင်ချီကျဆုံးအပြီး သမ္မတဦးသိန်းစိန်က ကိုးကန့်ဒေသကို သုံးလကြာစစ်အုပ်ချုပ်ရေး ကြေညာ ခဲ့သည်။

တိုက်ပွဲများ အရှိန်မြင့်လာ ပြီး ကိုးကန့်နယ်စပ်ကိုကျော်လာ ခဲ့သည်။ မြန်မာ အစိုးရခေါင်း ဆောင်များနှင့် ကိုးကန့်အုပ်စုများ က ပြောကြားရာတွင် ကချင်လွတ်မြောက်ရေးတပ်မတော်(ကေအိုင် အေ)ကဲ့သို့ အင်အားကောင်းသောလက်နက်ကိုင်အုပ်စုများလည်း ကိုးကန့် တိုက်ပွဲမှာပါဝင်ခဲ့သည် ဟု ဆိုသည်။

ထို့ကြောင့် မြန်မာအစိုးရ အတွက်တော့ ပြဿနာအသစ် များပေါ်လာ၏။ အဘယ့်ကြောင့် ဆိုသော် တိုင်းရင်း သားလက်နက် ကိုင်အုပ်စုများ မြန်မာ အစိုးရကို တိုက်ခိုက်ရန် စုပေါင်းတပ်ဖွဲ့ တည်ထောင်ရေး ဆုံးဖြတ် ချက်က ပြည်ထောင်စုတပ်အဖြစ် သူတို့ ပြဿနာတွေကို ဆွေးနွေးပွဲစကား ဝိုင်းကနေ စစ်မြေပြင်အထိယူ သွားနိုင်သည့်သဘောရှိ၏။ တိုင်း ရင်းသားတပ်ဖွဲ့များအကြား စစ် ရေးပူးပေါင်းမှုကို ကာကွယ်ရေးက မြန် မာစစ်ခေါင်းဆောင်များ၏ ယခင်ကတည်းက ဦးစားပေးကိစ္စ ဖြစ်သည်။ ယခုအခါမှာလည်း အစိုးရအတွက် အချက်ပေးခေါင်း လောင်းသံကျယ်လောင်စွာမြည် နေသည်ဆိုသည်မှာ သံသယဖြစ် စရာမလို။

ကိုးကန့်တိုက်ပွဲများက မြန်မာအစိုးရနှင့် အပစ်အခတ်ရပ်စဲရေးညှိနှိုင်းဆွေးနွေးနေသော တိုင်းရင်းသား လက်နက်ကိုင်အဖွဲ့များအကြား တစ်နိုင်ငံလုံးအပစ် အခတ်ရပ်စဲရေးညှိနှိုင်းဆွေးနွေးမှုကို ပြန်လည်
သုံးသပ်ဆွေးနွေးဖို့ ဖြစ်လာစေသည်။ ပြည်ထောင်စု တပ်ဖွဲ့ ဖွဲ့စည်းရန်နှင့် တိုက်ပွဲ များတွင် တိုက်ခိုက် ရန် မြန်မာ နိုင်ငံအရှေ့တောင်ပိုင်းက ကရင်တပ်ဖွဲ့များသည် ကချင်တို့အတွက် အဓိကအရေးပါလာခဲ့ သည်။ ကရင်တပ်ဖွဲ့များကတော့ သူတို့နယ်မြေဒေသတိုးတက်ရေး အတွက် သီးခြားအပစ်အခတ်ရပ် စဲရေးစာချုပ်ချုပ်ရန် ပြောကြားနေ သည်။

ကိုးကန့်တိုက်ပွဲသည် ကေအိုင်အေ(ခေါ်) ကချင်လက်နက်ကိုင်များနှင့် မြန်မာစစ်တပ်အကြား တိုက်ပွဲ များပြင်း ထန်နေချိန်မှာ ဖြစ်ပေါ်လာခြင်းဖြစ်သည်။ တစ်ဖက်မှာလည်း မြန်မာ-တရုတ်ဆက်ဆံရေးက ရှုပ်ထွေးမှု တွေရှိနေသည့်အချိန်လည်းဖြစ် သည်။ တရုတ်ယူနန်ပြည်နယ် နယ်စပ်တစ်လျှောက်က တခြား လက်နက်ကိုင်အုပ်စုများလိုပင် ကိုးကန့်ရော ကချင်အဖွဲ့များပါ ယူနန်ပြည်နယ်တွင် ခိုင်မာသော ပံ့ပိုးမှု များရှိသည်။ ထို့အပြင် ကိုး ကန့်လူမျိုးမှာ တရုတ်ဟန်လူမျိုး တိုင်းရင်းသားတစ်စုအဖြစ် တရုတ် နိုင်ငံတွင် လည်း အများအပြားရှိသည်။ ၂၀၀၉ ကလိုပင် များစွာ သောကိုးကန့်ဒုက္ခသည်များက တိုက်ပွဲများစကတည်း က တရုတ် ပြည်ဘက်သို့ ထွက်ပြေးကြသည်။

ထို့ကြောင့် မြန်မာခေါင်း ဆောင်များအနေဖြင့် တရုတ်က နယ်စပ်ရှိ လက်နက်ကိုင်အုပ်စု များကို အားပေးနေသည်ဟု သံသယရှိစရာဖြစ်လာသည်။ အများစုက ကိုးကန့်သူပုန်များ သည် တရုတ်ပြည်တွင် ဒုက္ခသည် အဖြစ် ခြောက်နှစ်လောက်ခိုနေ ကြသည်ဟု ယုံကြည်ကြပြီး ထိုသူများက အဘယ့်ကြောင့် ရုတ် တရက်အလုံးအရင်းအင်အားနှင့် ဝင်ရောက်တိုက်ခိုက်ကြသနည်း ဟု မေးခွန်းထုတ်စရာဖြစ်လာ သည်။ (ကောလာဟလများကတော့ ကိုးကန့်ခေါင်းဆောင်များ သည် တရုတ်ရှိ သူတို့၏ဘဏ် အကောင့်များကို ပြန် သုံးနိုင်ခဲ့ပြီးသူတို့တပ်များအတွက် ငွေထုတ် ပေးနိုင်ခဲ့သည်ဟုဆိုသည်။)

မြန်မာတာဝန်ရှိသူများကလည်း ယူနန်ပြည်နယ် အာဏာပိုင်များက ကိုးကန့်သူပုန်များအားအကူအညီပေးနေ မှုအပေါ် တားမြစ်ပေးရန် တရုတ်အစိုးရထံတောင်း ဆိုခဲ့သည်။ ကိုးကန့်တိုက်ပွဲများက တိုင်းပြည်၏ အချုပ် အခြာအာဏာ ကို ခြိမ်းခြောက်လာသည့်အတွက် သမ္မတဦးသိန်းစိန်က မြန်မာ၏ပိုင်နက်ကို တစ်လက်မမျှ အထိ မခံဟုဆိုကာ ကိုးကန့်ဒေသကို စစ် အုပ်ချုပ်ရေး ကြေညာလိုက်ခြင်း ဖြစ်နိုင်သည်။

တရုတ်အစိုးရက နှစ်ဖက် စလုံးကို ငြိမ်းငြိမ်းချမ်းချမ်း ဖြေ ရှင်းကြရန် ကြေညာချက်ထုတ် ပြန်တိုက်တွန်းခဲ့ သည်။

၂၀၁၁ မှစ၍ သမ္မတဦးသိန်း စိန်ပြုပြင်ပြောင်းလဲရေးတွေလုပ် ဆောင်မှုကို သိပ်ဘဝင်မကျခဲ့ သော်လည်း တရုတ်အစိုးရသည် နယ်စပ်ပြဿနာကို ပြန်လည်ချိန် ဆပြီး မြန်မာနှင့် ဆက်ဆံရေး အားကောင်းရန်ကြိုးပမ်းနေ ခဲ့ သည်။ တရုတ်သမ္မတက သူ၏ အဓိကနိုင်ငံခြားရေး မူဝါဒအစီအစဉ်အဖြစ် မြန်မာ- တရုတ် နှစ်နိုင်ငံ ဆက်ဆံရေးအတွက် ပိုး လမ်းမကြီးကို ပြန်လည်ဖွံ့ဖြိုးလာ စေရန် ကြိုးပမ်းနေသည်။

မြန်မာနိုင်ငံ ခေတ်မီတိုး တက်ရေးနှင့် ဖွံ့ဖြိုးရေးအတွက် တရုတ်အစိုးရက အကြီးအကျယ် အားထုတ်ကြိုး ပမ်းနေသဖြင့် မြန်မာကို မတည်မငြိမ်ဖြစ်စေမည့် သူပုန်တပ်ဖွဲ့များကိုအားပေးရန် မှာ တရုတ်အတွက် အဓိပ္ပာယ်မရှိ လှပါ။

သို့သော် ကိုးကန့်သူပုန်များ က သူတို့အရေးကို တရုတ်အစိုးရအား ဖိအားကောင်းကောင်းပေးနိုင် ပါလျှင် တရုတ်အစိုးရ၏ မြန်မာ အပေါ် ယုံကြည်မှုကို တဖြည်း ဖြည်းဖျက်ဆီးပစ်နိုင်ပါသည်။

(ဒီပလိုမက်တစ် မဂ္ဂဇင်းပါ ဆောင်းပါးရှင် Priscilla Clapp Why the Fighting in Kokang Threatens Peace in Myanmar ဆောင်းပါးကို ထားထားမြင့် ဘာသာပြန်ဆိုသည်။ ဆောင်းပါးရှင် Priscilla Clapp သည် အမေရိကန်နိုင်ငံခြားရေးဌာနမှ သံရုံးအတွင်းဝန်ဟောင်းတစ်ဦးဖြစ်ပြီး ယခုအခါ Asia Society နှင့် the U.S. Institute of Peace ၏ အကြီးတန်း အကြံပေးပုဂ္ဂိုလ် တစ်ဦးဖြစ်သည်။)

ကိုးကန့်ဒေသတွင် တိုက်ပွဲများကြောင့် စစ်ဘေးရှောင်လာသူများကိုတွေ့ရစဉ် / ဓာတ်ပုံ−Flickr.com
7Day Daily