Wednesday, April 22, 2015

စစ်ဘေးရှောင် ဒေသခံ ၂၃၄ ဦးကို လောက်ကိုင်သို့ ပြန်ပို့


အစိုးရတပ်မတော်နှင့် မြန်မာအမျိုးသားဒီမိုကရေစီ မဟာမိတ်တပ်မတော် (MNDAA) တို့ကြား တိုက်ပွဲဖြစ် ပွား နေသည့် လောက်ကိုင်ဒေသသည် နယ်မြေအေးချမ်းနေပြီဖြစ်သဖြင့် လောက်ကိုင်ဒေသခံ ၂၄၃ ဦး ကို လောက်ကိုင်သို့ ဧပြီ  ၂၁ ရက် ညနေက အပြီးသတ် ပို့ဆောင်ပေးပြီး ဖြစ်သည်ဟု  လားရှိုးမြို့ ပြန် ကြားရေးနှင့် ပြည်သူ့ ဆက်ဆံရေး ဦးစီးဌာန ဒုတိယ ဦးစီးမှူး ဦးစိုင်းထွန်းနေလှိုင်က မဇ္ဈိမကိုပြောသည်။
အိမ်ထောင်စု ၇၄ စုမှ လောက်ကိုင်ဒေသခံ ၂၄၃ ဦးကို ကားငါးစီးဖြင့် ဧပြီ ၂၁ရက်က ပြန်လည် ပို့ဆောင် ပေးခဲ့ခြင်းဖြစ်သည်။

ဦးစိုင်းထွန်းနေလှိုင်က “အခု အဲ့ဒီဒေသက အေးချမ်းသွားပါပြီ။ အဲ့တာကြောင့် ဒေသခံတွေကို ပြန်လည် ပို့ဆောင် ပေးခဲ့တာပါ။ တစ်ချို့ကတော့ သုံးဘီးကား ကိုယ်ပိုင်ကားတွေနဲ့ ပြန်သွားကြပါတယ်။ အိမ်တစ် ချို့က အဖောက်ခံထား ရတယ်တော့ကြားတယ်။ အလယ်ပိုင်းဒေသကနေ လောက်ကိုင်ကို အလုပ် လုပ် တဲ့သူတွေကတော့ စစ်ဖြစ်တော့ ပြန်သွားကြပြီး အခုလောက်ကိုင်ကို  ပြန်တက်သွား တာတော့မရှိသေးပါ ဘူး”ဟုပြောသည်။

လာရှိုးမြို့ ပြန်ကြားရေးနှင့် ပြည်သူ့ဆက်ဆံရေး ဦးစီးဌာန လက်ထောက် ညွန်ကြားရေးမှူး ဦးဝေလင်းက လည်း လောက်ကိုင်ဒေသတွင် နယ်မြေ အေးချမ်းမှု ပြန်လည်ရရှိနေပြီး အစိုးရ၀န်ထမ်းများ စေလွတ်ရန် စီစဉ်နေသည်ဟု ဆိုသည်။

ဦးဝေလင်းက “အစိုးရ ၀န်ထမ်းတွေ စေလွှတ်မယ့်ရက်အတိအကျတော့ အထက်ကမပြောသေးဘူး။ ပြန် လည်ထူထောင်ရေး လုပ်ငန်းတွေကိုတော့ လူကယ်ပြန်က လုပ်နေပါပြီ။”ဟုဆိုသည်။လောက်ကိုင်ဒေသ သို့ ပြန်လည်ပို့ဆောင်ပေးခဲ့သည့် စစ်ဘေးရှောင် လောက်ကိုင်ဒေသခံ မိသားစု ၇၄ စုကို မန်ဆူ ဘုန်းတော် ကြီးကျောင်းတွင် လက်ခံထားရှိခဲ့ခြင်းဖြစ်ပြီး လောက်ကိုင်မြို့သို့မန်ဆူဘုန်တော်ကြီး ကျောင်း မှတစ်ဆင့် ပို့ဆောင်ပေးခဲ့ခြင်းဖြစ်သည်။

မန်ဆူဘုန်းကြီးကျောင်း ဂေါပကအဖွဲ့ဝင် အထွေထွေအတွင်းရေးမှူး (၃) ဦးစိုင်းဆီးက“မနေ့က လောက် ကိုင် ဒေသခံတွေကို အကုန်ပြန်ပို့ပြီးသွားပြီ။  ဒေသခံဆိုတာက လောက်ကိုင်မှာနေတာ ၅ နှစ်ဆယ်နှစ် ကြာတဲ့သူတွေလည်းပါတာပေါ့။ တစ်ယောက်မှ မကျန်တော့ဘူး”ဟုပြောသည်။

မန်ဆူဘုန်းတော်ကြီးကျောင်းတွင် လက်ခံထားရှိသည့်  နေရပ်ပြန်စစ်ဘေး ရှောင် ဒုက္ခသည်  ၂၄၀၀၀ ကိုလည်း မန်ဆူဘုန်းတော်ကြီးကျောင်း၏ အစီအစဉ်ဖြင့် ပြန်လည် ပို့ဆောင်ပေးခဲ့ပြီး ဖြစ်သည်ဟုလည်း ဦးစိုင်းဆီး ကဆိုသည်။

လောက်ကိုင်ဒေသတွင်း ဖေဖော်ဝါရီလ ၉ ရက်က စတင်၍  ဦးဖုန်ကြားရှင် ဦးဆောင်သော ကိုးကန့်လက် နက်ကိုင် တပ်ဖွဲ့ မြန်မာအမျိုးသား ဒီမိုကရက်တစ် မဟာမိတ် တပ်မတော် (MNDAA)နှင့် အစိုးရ တပ်မတော် ကြား တိုက်ပွဲများဖြစ်ပွားခဲ့သည်။

Mizzima - News in Burmese

No comments:

Post a Comment

My Blog List