ယခုနှစ်ကျောင်းအပ်ရာသီမှစတင်ကာ မူလတန်းတက်ရောက်မည့်ကျောင်းသားများအား ကျောင်းဝတ်စုံတစ်စုံ စီပေး သွားမည်ဖြစ်ကြောင်း အမှတ်-၃ အခြေခံပညာဦးစီးဌာန စီမံဌာနမှ တာဝန်ရှိသူတစ်ဦးက ဧပြီ ၂၃ ရက်တွင် မီဒီယာများနှင့်တွေဆုံစဉ်တွင် ပြောသည်။
ယင်းက``မူလတန်းကျောင်းသားတွေကို ၀တ်စုံတစ်ယောက် တစ်စုံ စီပေးသွားဖို့ရှိတယ်။ မူလတန်းကျောင်း သားတွေကိုပေါ့ ဘတ်ဂျတ် လည်းဆွဲ ထားပြီးပြီ ဆိုဒ်အစုံရအောင်လည်းလုပ်ထားတယ်။နောက် အင်္ကျီသေး မှာ စိုးလိုတောင် အကောင်နည်းနည်းကြီးတဲ့ ကျောင်းသားလေးတွေ ကိုယ်တိုင် ယူပြီးချူပ်ဖို့ နမူနာပို့ လိုက်သေးတယ်´´ဟု ပြောသည်။
ယင်းကဲ့သို့ အခမဲ့ပညာရေးအစီအစဉ်အား အခြေခံပညာမူလတန်းမှ အလယ်တန်းအဆင့်အထိ တိုးမြင့်ပေး ခဲ့ပြီး ယခုနှစ်တွင်လည်း အထက်တန်း အဆင့်ကိုလည်း တိုးမြင့်ရန်အတွက် စီစဉ်လျက်ရှိကြောင်း သိရ သည်။
ညွှန်ကြားရေးမှူး(ပညာ)က``အထက်တန်းကိုတော့ အခမဲ့ပညာရေး ကိစ္စကဆွေးနွေးနေဆဲဖြစ်တယ်။ မူလတန်းကိုတော့ ၀တ်စုံပေးမယ်လို့ သိရတယ်။ ၀တ်စုံတွေလည်း ဂိုထောင်ထဲကထုတ်ပြီးသက်ဆိုင် ရာကျောင်းတွေကို ဖြန်ပြီးနေလောက်ပြီလိုသိရတယ်´´ဟုပြောသည်။
ယခုနှစ်တွင်ကျောင်းအပ်ရာသီတွင် ကျောင်းအပ်နှံမည့်အရွယ်ရောက်သည့် ကျောင်းသားများစာရင်း ကောက် ယူရာတွင် ရန်ကုန်တိုင်းဒေသကြီး အတွင်း ၅နှစ်ပြည်ပြီးကျောင်းသားဦးရေ (၁၀၇၅၅၀)ဦးခန့်ရှိကြောင်း အမှတ်-(၃) အခြေခံပညာဦးစီးဌာနမှ သိရသည်။
The Ladies News Journal
No comments:
Post a Comment