Tuesday, March 17, 2015

"ငြိမ်းချမ်းတော့မည် ကချင်ပြည်"


နိုင်ငံတော်သမ္မတ ဦးသိန်းစိန်သည် ယနေ့နံနက် (၁၀) နာရီတွင် ကချင် လွတ်မြောက်ရေး အဖွဲ့(ကေအိုင်အို) ကိုယ်စားလှယ် အဖွဲ့ခေါင်းဆောင်၊ အထွေထွေအတွင်းရေးမှူး ဒေါက်တာလဂျာနှင့် အဖွဲ့ အား နေပြည်တော်၌ လက်ခံတွေ့ဆုံသည်။


ထိုသို့ တွေ့ဆုံစဉ် နိုင်ငံတော်သမ္မတက မိမိတို့ ပထမဆုံးအကြိမ် တွေ့ ဆုံကြခြင်း ဖြစ်ပါကြောင်း၊ အခြားသော တိုင်းရင်းသား အဖွဲ့အစည်းများနှင့် မကြာခဏတွေ့ဆုံခဲ့ကြပြီး ရင်းနှီးနေကြပြီ ဖြစ် ပါကြောင်း၊ ကေအိုင်အိုအဖွဲ့နှင့် ယခုမှ ပထမဆုံး အကြိမ် တွေ့ဆုံ သည် ဆိုသော်လည်း မိမိ၏ အသိအ ကျွမ်းများ၊ မိမိနှင့်အတူ အမျိုးသား ညီလာခံ တက်ရောက် ခဲ့သည့်အဖွဲ့များ ပြန်လည်တွေ့ဆုံရခြင်း အတွက် ၀မ်းသာပါကြောင်း၊ ကချင်တိုင်းရင်းသားများ အားလုံးကျန်းကျန်း မာမာ ပျော်ပျော် ရွှင်ရွင် ရှိကြစေရန် ဆုမွန်ကောင်းတောင်းအပ် ပါကြောင်း။

ကချင်ပြည်နယ်နေ့ အခမ်းအနားကို မိမိအနေဖြင့် တက်ရောက်ခဲ့ပါကြောင်း၊ တိုင်းရင်းသားများ၏ နေ့ ထူးနေ့မြတ်ကို အလေး ထား၊ လေးစားဂုဏ်ယူသည့် အတွက် ဖြစ်ပါကြောင်း၊ မနောပွဲတွင် ကချင်တိုင်း ရင်းသား တိုင်းရင်းသူ များနှင့်အတူ ပျော်ရွှင်စွာ ပါဝင် ဆင်နွှဲခွင့် ရသည့်အတွက် မိမိစိတ်ထဲတွင် များစွာ ၀မ်းသာကြည်နူးမိပါကြောင်း၊ ကချင်ပြည်နယ်အေးချမ်းသာယာပြီး ကချင်ပြည်သူများ ယခုကဲ့သို့ ပျော်ရွှင် ချမ်းမြေ့စွာ ထာဝရ နေနိုင်ပါစေ ရန်လည်း ဆုမွန်ကောင်းတောင်းမိပါကြောင်း။

တကယ်တမ်းတွင် ကချင်ပြည်နယ်သည် တပ်မတော်အစိုးရလက်ထက်က (၁၇) နှစ်လုံးလုံး ပစ်ခတ်တိုက် ခိုက်မှုများ ရပ်စဲပြီး ငြိမ်းငြိမ်းချမ်းချမ်းနှင့် ရှိခဲ့သည့် ပြည်နယ်ဖြစ်ပါကြောင်း၊ ငြိမ်းချမ်းစွာရှိစဉ် နေထိုင်ခဲ့ရသည့် ကချင်ပြည်နယ်တွင်ရှိသည့် ပြည်သူများ၏ ဘ၀နှင့် မငြိမ်းမချမ်းရှိနေသည့် ယခုဘ၀ နှိုင်းယှဉ် ကြည့်ပါက အကောင်းအဆိုးကို မိမိတို့ ခွဲခြား သိမြင်နိုင်ပါကြောင်း၊ ငြိမ်းချမ်းစွာ နေထိုင်လိုခြင်းသည် ပြည်သူများ၏ စစ်မှန်သည့် ဆန္ဒဖြစ်ပါကြောင်း၊ စစ်ဘေးစစ်ဒဏ်ကို ကိုယ် တိုင်တွေ့ကြုံခဲ့ကြရသည့် ပြည်သူများ၏ ခါးသီးသည့် ဘ၀ကို မိမိတို့ စာနာထောက်ထားကြရမည် ဖြစ်ပါကြောင်း။

မိမိတို့ ငြိမ်းချမ်းရေး ဆောင်ရွက်သည်ဆိုသည်မှာ ပြည်သူများ၏ ငြိမ်းချမ်းလိုသည့် ဆန္ဒကို ကြိုးပမ်း အကောင် အထည်ဖော် နေကြခြင်းပင် ဖြစ်ပါကြောင်း၊ ငြိမ်းချမ်းရေးရရန် ၊ မရရန် စွမ်းဆောင်နိုင်သည့် ပုဂ္ဂိုလ်များသည် မိမိတို့ နှစ်ဘက်သော အဖွဲ့အစည်းများမှ (KEY PLAYER) များပင် ဖြစ်ပါကြောင်း၊ သို့သော်လည်း အကျိုး သက်ရောက်မှုများသည် ပြည်သူအားလုံးကို အကျိုးသက်ရောက်စေမည် ဖြစ်ပါကြောင်း၊ လက်နက်နှင့် တိုက်ခိုက်နေရုံမျှဖြင့် မပြီးဆုံးနိုင်ပါကြောင်း၊ ပြည်သူများပင် ဒုက္ခရောက်ကြရပါကြောင်း၊ တိုင်းပြည်သာ နစ်နာဆုံးရှုံးခဲ့ရသည် ဆိုသည်ကို အတိတ်က ဖြစ်ရပ်များနှင့် လတ်တလောဖြစ်စဉ်များက မီးမောင်းထိုးပြနေ
ပါကြောင်း။

ထို့အတွက် ပြည်သူများကို ဒုက္ခရောက်စေသည့်၊ တိုင်းပြည် ဆုံးရှုံးနစ် နာစေသည့် မပြီးဆုံးနိုင်သည့် တိုက်ပွဲ များကို လူတစ်စုဖြစ်သည့် မိမိတို့ ဆက်ပြီး တိုက်နေကြဦးမည်၊ သို့တည်းမဟုတ် ယခုကဲ့သို့ စားပွဲတွင်ထိုင်ပြီး ငြိမ်းချမ်းသည့်နည်းဖြင့် ဖြေရှင်း အဖြေ ရှာကြမည် ဆိုသည်ကို မိမိတို့ အလေးအနက်ထား စဉ်းစားကြရမည် ဖြစ်ပါကြောင်း၊ မိမိတို့အားလုံးသည် မြန်မာနိုင်ငံဟူသည့် နယ်နိမိတ် အတွင်း မွေးဖွားကြီးပြင်း နေထိုင် ကြ သည့်သူများ ဖြစ်ပါကြောင်း၊ တစ်နည်းအားဖြင့် အိမ်ကြီးတစ်အိမ်ထဲတွင် အတူတကွ မွေးဖွား ကြီးပြင်းလာ ကြသည့် တိုင်းရင်းသား ညီအကို များဖြစ်ကြပါကြောင်း။

မတူကွဲပြားမှု အချိှု့ရှိကြမည် ဖြစ်သော်လည်း ဤ တိုင်းပြည်သည် မိမိတို့အားလုံး ပိုင်သည့် တိုင်းပြည်ဖြစ် ပါကြောင်း၊ ပြည်သူများ သည်လည်း မိမိတို့အားလုံးနှင့် သက်ဆိုင်သည့် ညီအကို မောင်နှမများ ဖြစ်ကြ ပါကြောင်း၊ မိမိတို့ကြောင့် ပြည်သူများအားလုံး ဒုက္ခရောက်ကြရသည့် အဖြစ်မျိုးမဖြစ်စေဘဲ မိမိတို့ကြောင့် ပြည်သူများ ငြိမ်းငြိမ်းချမ်းချမ်း ဖြစ်သွားပြီး တိုင်းပြည်လည်း ဆုံးရှုံးနစ်နာခြင်းမျိုး မဖြစ်တော့ဘဲ ဖွံ့ဖြိုးတိုး တက်ရေး လမ်းကြောင်းကို တည်ငြိမ်အေးချမ်းစွာ လျောက်လှမ်းနိုင်ကာ ကမ္ဘာ့အလယ်တွင် တင့်တယ် သည့် နိုင်ငံတစ်နိုင်ငံ ဖြစ်သည်ဟူသည့် သားစဉ်မြေးဆက် ဂုဏ်ယူဖွယ်ရာ သမိုင်းမှတ်တမ်းတစ်ခုကို ချန်ထားရစ်ခဲ့နိုင်ရန် မိမိအနေဖြင့် အလေးအနက် တိုက်တွန်း ပါကြောင်းဖြင့် ပြောကြားခဲ့သည်။

ယင်းနောက် ကချင်လွတ်မြောက်ရေးအဖွဲ့ (ကေအိုင်အို) ကိုယ်စားလှယ် အဖွဲ့ ခေါင်းဆောင်၊ အထွေထွေ အတွင်းရေးမှူး ဒေါက်တာ လဂျာ က ကေအိုင်အို အနေဖြင့် ပြည်ထောင်စုကြီး တည်တံ့ခိုင်မြဲရန် လိုလားပြီး ပူးပေါင်းပါဝင် ဆောင်ရွက်ခဲ့ပါကြောင်း၊ ၂၀၀၄ ခုနှစ်မှ ၂၀၀၈ခုနှစ်အထိ ကျင်းပပြုလုပ်ခဲ့သည့် အမျိုးသားညီ လာခံတွင် လည်း ကေအိုင်အိုအနေဖြင့် ပါဝင်တက်ရောက်ပြီး ဆောင်ရွက်ခဲ့ ပါကြောင်း၊ ၁၉၉၄ ခုနှစ်မှ ၂၀၁၄ ခုနှစ်အထိ (၁၇) နှစ်ကြာကာလ အတွင်း စစ်ရေးပဋိပက္ခများ မရှိခဲ့ပါကြောင်း၊ ပဋိပက္ခများ သည် ကောင်းကျိုး မပေးဆိုသည်မှာလည်း အမှန်တရား၊ အရှိတရားပင် ဖြစ်ပါကြောင်း၊ သမ္မတကြီး၏ ငြိမ်းချမ်းရေးဖိတ်ခေါ် သည့် မိန့်ခွန်းများကိုလည်း စောင့်ကြည့်လေ့လာ မှတ်သားပြီး အလေးထားဆောင် ရွက်လျက် ရှိပါကြောင်း၊ ထာဝရ တည်တံ့ခိုင်မြဲမည့် ငြိမ်းချမ်းရေးရရှိရေး၊ ယုံကြည်မှုနှင့် အခြေခံကောင်းများ တည်ဆောက် ပြီး အောင်မြင်သည်အထိ လက်တွဲဆောင်ရွက်သွားမည် ဖြစ်ကြောင်း ပြောကြား ကာ ကေအိုင်အို ဥက္ကဋ္ဌ ၏ ပေးစာကို သမ္မတကြီးထံ လက်ကမ်းပေးအပ်သည်။

ထို့နောက် ကေအိုင်အို ဗဟိုကော်မတီဝင် ဦးဆွမ်လွတ်ဂမ် က ပြောကြားရာတွင် ဒုတိယသမ္မတ ဒေါက်တာ စိုင်းမောက်ခမ်း၊ ပြည်ထောင်စုဝန်ကြီးများနှင့် ယမန်နေ့က နွေးထွေးစွာ တွေ့ဆုံကြပြီး ရင်းနှီးပွင့်လင်း စွာ ပြောဆိုဆွေးနွေး ခဲ့မှုများအပေါ် ၀မ်းသာအားရ ဖြစ်မိပါကြောင်းနှင့် ရလဒ်ကောင်းများ မျှော် လင့်နိုင်ပြီ ဖြစ်ပါကြောင်း၊ ကေအိုင်အို အနေဖြင့် အခြားတိုင်းရင်းသား အဖွဲ့များနှင့် အတူ နိုင်ငံတော်အစိုးရနှင့် ပူးပေါင်းပြီး ငြိမ်းချမ်းရေး ရရှိစေရန် ကြိုးစားဆောင်ရွက်သွားမည် ဖြစ်ကြောင်းနှင့် ဆုမွန်ကောင်း တောင်း ပါကြောင်း ဖြင့် ပြောကြားသည်။

ဆက်လက်၍ ကချင်လွတ်မြောက်ရေးအဖွဲ့ (ကေအိုင်အို) ကိုယ်စားလှယ် အဖွဲ့မှ ဒုတိယ စစ်ဦးစီးချုပ် ဗိုလ်ချုပ်ဂွမ်မော်က ကျွန်တော့်အနေ နဲ့ ကေအိုင်အို နဲ့ ကျွန်တော်တို့ ပါဝင်တဲ့ NCCT တို့ရဲ့ သဘောထား များကို အနည်းငယ်တင်ပြ လိုပါကြောင်း၊ ယခုခရီးစဉ်သည် ဟန်ပြသွား မည့် နိုင်ငံရေးကစားသည့် ခရီးစဉ် မဟုတ် ပါကြောင်း၊ မြစ်ကြီးနားတွင် ပြုလုပ်ခဲ့သည့် ကွန်ဖရင့် ကတည်းက တစ်နိုင်ငံလုံး အပစ်အခတ် ရပ်စဲရေး အောင်မြင်အောင် လုပ်ဆောင်ရမည့် အဓိကအချက်ကို ရှာဖွေမည်၊ မအောင်မမြင် ဖြစ်စေမည့် အဟန့်အတားမျိုး မပါဝင်အောင် ကြိုးစားမည်ဟု ကတိပြုပြောကြားခဲ့ပါကြောင်း၊ မီဒီယာများနှင့် ပြင်ပအသံ အချို့ကြောင့် နှစ်ဘက်စလုံးတွင် ယုံကြည်မှုလျော့ နည်းခြင်းများ ရှိနိုင် ပါကြောင်း၊ ခေါင်းဆောင် အချင်းချင်း မတွေ့ဆုံနိုင်ခြင်း သည်လည်း နားလည်မှုများကို အားနည်းနိုင်ပါကြောင်း၊ ယနေ့တွင် ကေအိုင်အို အမြဲတမ်း ဗဟို ကော်မတီဝင် (၃)ဦး ပါဝင်သည့် ကိုယ်စားလှယ် အဖွဲ့မှ ခေါင်းဆောင်များ ကိုယ်တိုင် သမ္မတကြီး အား တွေ့ဆုံတင်ပြခွင့် ရရှိသဖြင့် ကျေးဇူးတင်ရှိကြောင်း၊ ကေအိုင်အို အနေဖြင့် NCCT မှာလည်း ဆက်လက်ပါဝင် ပူးပေါင်းပြီး Process လုပ်ငန်းစဉ်တစ်ခုလုံး အမှန်တ ကယ် အောင်မြင်သည်အထိ ကြိုးပမ်းဆောင်ရွက်သွားဖို့ ဆန္ဒပြင်းပြစွာ ရှိနေပါကြောင်းဖြင့် ပြောကြားသည်။

ထို့နောက် နိုင်ငံတော်သမ္မတနှင့်အတူ တက်ရောက်လာကြသူများက ငြိမ်းချမ်းရေး ဆွေးနွေးပွဲ ဖြစ်စဉ် များနှင့်ပတ်သက်၍ အရှိန်အဟုန် မြှင့် တင် ဆောင်ရွက်နိုင်ရေးနှင့် စပ်လျဉ်းပြီး ရင်းနှီးပွင့်လင်း စွာ ဆွေးနွေး ခဲ့ကြသည်။

အဆိုပါ တွေ့ဆုံပွဲသို့ နိုင်ငံတော်သမ္မတနှင့်အတူ ပြည်ထောင်စုငြိမ်း ချမ်းရေး ဖော်ဆောင်ရေး လုပ်ငန်းကော် မတီ ဥက္ကဋ္ဌ ဒုတိယ သမ္မတ ဒေါက် တာ စိုင်းမောက်ခမ်း၊ ဒုတိယဥက္ကဋ္ဌ ဦးအောင်မင်း၊ ဦးသိန်းဇော်နှင့် လုပ်ငန်းကော် မတီအဖွဲ့ဝင် ပြည်ထောင်စု ၀န်ကြီးများနှင့်တာဝန်ရှိသူများ၊ ကချင်လွတ်မြောက်ရေး အဖွဲ့ (ကေအိုင်အို) ကိုယ်စားလှယ် အဖွဲ့ ခေါင်းဆောင်၊ အထွေထွေ အတွင်းရေးမှူး ဒေါက်တာလဂျာ အပါအ၀င် ဗဟို ကော်မ တီဝင် ဦးဆွမ်လွတ်ဂမ်၊ ဒုတိယ စစ်ဦးစီးချုပ် ဗိုလ်ချုပ်ဂွမ်မော်၊ ဗိုလ်မှူးကြီး လဖိုင်လ၊ ဗိုလ်မှူးကြီး ခွန်နောင်၊ ဗိုလ်မှူးကြီး ဇော်တောင်၊ ဒုတိယဗိုလ်မှူးကြီးဆင်ဝါး၊ ဒုတိယဗိုလ်မှူးကြီးလအောင် တို့ တက်ရောက် ကြသည် ။

ထို့နောက် နိုင်ငံတော်သမ္မတသည် ကချင်လွတ်မြောက်ရေးအဖွဲ့ (ကေအိုင်အို) ကိုယ်စားလှယ်အဖွဲ့ဝင်များ ထံ လက်ဆောင် ပစ္စည်းများ ပေးအပ်ပြီး တက်ရောက်လာ ကြသူများနှင့်အတူ အမှတ်တရ မှတ်တမ်းတင် ဓါတ်ပုံ ရိုက်ကူးကြသည်။

မြစ်ကြီးနားသတင်း

No comments:

Post a Comment

My Blog List