ရခိုင်ပြည်နယ် ကျောက်တော်မြို့နယ်မှာ ရက္ခိုင့်တပ်မတော် AA နဲ့ ဆက်နွယ်မှုရှိတယ်ဆိုပြီး မတရားအသင်း ဆက်သွယ်မှု ပုဒ်မ ၁၇ နဲ့ ဖမ်းဆီးခံထားရသူ ၃၂ ဦးရှိ သွားပြီဖြစ်ပါတယ်။ အရင်က ဖမ်းထားသူ ၂၃ ဦးရှိပြီး ပြီးခဲ့တဲ့ မေလ ၂၀ရက်နေ့က ထပ်မံဖမ်းဆီးသူ ၉ ဦးတယ်လို့ ကျောက်တော်မြို့နယ် ရဲတပ်ဖွဲ့မှူး ရဲမှူးခင်မောင် က ပြောပါတယ်။
"ပထမ ၂ဝ၊ နောက် ၃ ယောက်၊ နောက် ၉ ယောက် ပေါင်း ၃၂ ယောက်ပေါ့ မတရားအသင်း အက်ဥပဒေ ပုဒ်မနဲ့ အရေးယူပါတယ်ခင်ဗျ၊ ဖမ်းဆီးစစ်ဆေးပြီးတော့ အမှုတည်ဆောက်နေတယ်၊ ဒီနေ့ ဥပဒေအကြံပြု ချက် တောင်းထားတယ်၊ ဥပဒေအကြံပြုချက်အပေါ်မူတည်ပြီး ဆက်ပြီးတော့ ၂၈ ရက်နေ့မှာ တရားရုံးတင် စွဲမှာခင်ဗျ"
ဖမ်းဆီးခံထားရသူတွေဟာ ကျောက်တော်၊ ကျောက်ဖြူ၊ ရမ်းဗြဲ၊ ဘူးသီးတောင်၊ မင်းပြား၊ မြောက်ဦး စတဲ့ မြို့နယ်တွေက ဒေသခံတွေဖြစ်တယ်လို့ သိရပါတယ်။
နောက်ထပ်ဖမ်းဆီးထားတဲ့ ဒေသခံ ၉ ဦးဟာ အစိုးရတပ်မတော်နဲ့ ရက္ခိုင့်တပ်မတော် AA တို့ တိုက်ပွဲဖြစ် ပွားခဲ့ရာ ပီချောင်းဒေသကဖြစ်ပြီး ပြီးခဲ့တဲ့ ဧပြီလအတွင်းက အောင်လံချောင်းကျေးရွာအနီးမှာ ပြုလုပ်ခဲ့တဲ့ ရက္ခိုင့်တပ်မတော် AA တပ်ဖွဲ့ဝင်တွေရဲ့ အစည်းအဝေးကို တက်ရောက်ခဲ့သူတွေဖြစ်တယ်လို့လည်း ရဲတပ် ဖွဲ့မှူးက ပြောပါတယ်။
အစိုးရတပ်မတော်နဲ့ ရက္ခိုင့်တပ်မတော် AA တို့ဟာ ကျောက်တော်မြို့နယ် ပီချောင်းဒေသမှာ ပြီးခဲ့တဲ့ ဧပြီလ အတွင်းက တိုက်ပွဲတွေဖြစ်ပွားခဲ့ပြီး သံသယရှိသူ ဒေသခံ ၆၀ ကျော်ကို ဖမ်းဆီးစစ်ဆေးခဲ့ရာမှာ ၂၃ ဦးကို ရဲတပ်ဖွဲ့ထံ လွှဲပြောင်းပေးပြီး အမှုဖွင့်ထားတာဖြစ်ပါတယ်။
RFA
No comments:
Post a Comment