လက်ငင်း မြန်မာ့နိုင်ငံရေးသည် ကြေညာချက် များ၊ ကြေညာစာတမ်းများ၊ သဘောထားထုတ်ပြန် ချက်များ၊ မိန့်ခွန်းများနှင့် လုံးလည်ချာလည်လိုက်လျက်ရှိသည်။ အစိုးရများ၊ လွှတ်တော်များသည် အောက်ခြေကျောမွဲများ၏ အကျိုးစီးပွားကိုထိထိရောက်ရောက် မျက်နှာမူနိုင်ခြေ လျော့ပါးလျက်ရှိသည်။
နိုင်ငံရေးအတိုက်အခံများ၏ အသံသည်လည်း လျော့ရဲပျော့ပြဲကာ အဖိနှိပ်ခံများဘက် ပြတ်ပြတ်သားသားရပ်တည်ရေးထက် ဖိနှိပ်သူများနှင့် သင့်မြတ်ရေးဘက်ကို ရက်ရက်ရောရောအလေးသာလျက်ရှိသည်။
ကြေညာချက်များ၊ ထုတ် ပြန်ချက်များ၊ မိန့်ခွန်းများကို စိတ် ပျက်ငြီးငွေ့နေသော အောက်ခြေ မြန်မာပြည်သူလူထုသည် နိုင်ငံ ရေးအတိုက်အခံများ၊ အထူး သဖြင့် အမျိုးသားဒီမိုကရေစီအဖွဲ့ ချုပ်၏ ထုတ်ပြန်ချက်များကိုမူ မရဲတရဲ မျှော်လင့်လေ့ရှိတတ် သည်။ အခြေအနေအရပ်ရပ် အပေါ် သုံးသပ်ချက်၊ ရွေးကောက် ပွဲများ၊ ဖွဲ့စည်းပုံအခြေခံဥပဒေ ပြင်ဆင်ရေး၊ ပြည်တွင်းငြိမ်းချမ်း ရေး၊ ခြောက်ပွင့်ဆိုင်ဆွေးနွေးပွဲ နှင့် ရှေ့လုပ်ငန်းစဉ်များဟု ကဏ္ဍ အလိုက်ဖော်ပြထားပြီး ၂၀၁၅ ခုနှစ် မေလ ၂၇ ရက် ၁၉၉၀ ပြည့်နှစ်ရွေးကောက်ပွဲ ငွေရတု နေ့တွင် တိုင်းသိ၊ ပြည်သိ၊ ကမ္ဘာ သိထုတ်ပြန်ခဲ့သော အမျိုးသားဒီမို ကရေစီအဖွဲ့ချုပ်နှင့် ၈၈ မျိုးဆက် (ငြိမ်းချမ်းရေးနှင့် ပွင့်လင်းလူ့အဖွဲ့အစည်း)တို့၏ နိုင်ငံရေးပူးတွဲကြေ ညာစာတမ်းကိုလည်း ရှိရင်းစွဲရင် ခုန်သံနှင့်အတူ မျှော်လင့်ခဲ့ကြသည်။
မြန်မာပြည်ဒီမိုကရေစီထွန်း ကားရေးအတွက် ဆက်လက် ဆောင်ရွက်ကြရာတွင် မလွဲမသွေ ရင်ဆိုင်ဖြတ်သန်းရမည်မှာ ရွေး ကောက်ပွဲများဖြစ်သည်။ နိုင်ငံ သားအားလုံး ငြိမ်းချမ်းစွာပါဝင် ပူးပေါင်း ဆောင်ရွက်နိုင်သော နည်းလမ်းလည်း ဖြစ်သည်ဟု ပူးတွဲကြေညာစာတမ်းပါ ရွေး ကောက်ပွဲများခေါင်းစဉ်အောက် ၌ ဖော်ပြထားလင့်ကစား ငွေရတု တိုင်ခဲ့ပြီဖြစ်သော ၁၉၉၀ ပြည့်နှစ် ရွေးကောက်ပွဲရလဒ်အား လျစ် လျူရှုပစ်ပယ်ထားခြင်းနှင့်ပတ် သက်၍ တစ်လုံးတစ်ပါဒမျှ ဖော် ပြခဲ့ခြင်းမရှိသည်မှာ နိုင်ငံရေးအရ အကျည်းတန်လွန်းသည်။ လွတ် လပ်ပြီး တရားမျှတသော ၂၀၁၅ ခုနှစ် ရွေးကောက်ပွဲလုပ်ငန်းစဉ် နှင့်ပတ်သက်၍ အဆိုပြုချက်များ သည်လည်း ယေဘုယျသဘော ဆန်လွန်းပြီး အစိုးရ၊ အာဏာပိုင် များနှင့် ကော်မရှင်တို့ကို နိုင်ငံ ရေးအရ အသက်ရှူချောင်စေမည့် ဘက်သို့ ယိမ်းလျက်ရှိသည်။ ပြည် ထောင်စုရွေး ကောက်ပွဲကော် မရှင်နှင့် ကော်မရှင်အဆင့်ဆင့်ကို ကြားနေသော၊ အများကြည်ညို လေးစားသော ပုဂ္ဂိုလ်များနှင့် ပြင် ဆင်ဖွဲ့စည်းရန် ဆော်ဩထားခြင်း အလျဉ်း မရှိသည့်အလျောက် လက်ရှိကော်မရှင်များကို နိုင်ငံရေးအရ လက်သင့်ခံသည့်အသွင် ဆောင်လျက်ရှိသည်ဟု သုံးသပ် နိုင်သည်။
ကျွန်ုပ်တို့အနေဖြင့် ဖွဲ့စည်း ပုံအခြေခံဥပဒေပုဒ်မ ၄၃၆ ပြင် ဆင်ရေးအတွက် ကောက်ခံရရှိ ထားသော ပြည်သူလူထု၏ လက် မှတ်ငါးသန်းအပေါ် တာဝန်ယူမှု၊ တာဝန်သိမှုနှင့်အတူ ၂၀၀၈ ဖွဲ့ စည်းပုံအခြေခံဥပဒေ ပြင်ဆင်ရေး အတွက် ဆက်လက်ကြိုးပမ်း ဆောင်ရွက်သွားမည်ဖြစ်သည်ဟု ပူးတွဲကြေညာစာတမ်း၏ ဖွဲ့စည်း ပုံ အခြေခံဥပဒေ ပြင်ဆင်ရေး ကဏ္ဍတွင် ဖော်ပြခဲ့သော်လည်း မည်သည့်ပုံစံဖြင့် တာဝန်ယူမည်၊ တာဝန်သိမည်ကို ပွင့်လင်းမြင် သာမှုရှိရှိ ဖော်ပြနိုင်ရန် ပျက်ကွက် ခဲ့သည့်အလျောက် နိုင်ငံရေးအရ ဝေဝါးထွေပြားမှုများကို ပိုမိုစေ့ ဆော်ပေးလိုက်သည့် သဘော သက်ရောက်နိုင်ဖွယ်ရှိသည်။
ကျွန်ုပ်တို့မျှော်မှန်းသော ဒီမို ကရေစီဖက်ဒရယ်ပြည်ထောင်စု ပေါ်ထွန်းရေးအတွက် ပြည်သူလူ ထုနှင့်အတူ မမှိတ်မသုန် ယုံယုံ ကြည်ကြည်ဖြင့် ဆက်လက်ချီ တက်ကြိုးပမ်းဆောင်ရွက်သွား မည်ဖြစ်သည်ဟု ပူးတွဲကြေညာ စာတမ်း၏အခြေအနေအရပ်ရပ် အပေါ် သုံးသပ်ချက်တွင် ဖော်ပြ ထားသည်။ ဒီမိုကရေစီဖက်ဒရယ် ပြည်ထောင်စုပေါ်ထွန်းရေးတွင် အရေးပါသော၊ သော့ချက်ကျ သော တိုင်းရင်းသားလူမျိုးစုများ နှင့်ပတ်သက်၍ ပူးတွဲကြေညာစာ တမ်းတွင် လုံးစေ့ပတ်စေ့ထင်မြင် သုံးသပ်ချက်မပါရှိခြင်းသည် နိုင်ငံရေးအရ သင်္ကြန်အမြောက် ဆန်လွန်းသည့်သဘောဟု မှတ် ချက်ပြုနိုင်သည်။
နိုင်ငံရေးပူးတွဲကြေညာစာ တမ်း၏ ရှေ့လုပ်ငန်းစဉ်များတွင် ၈၈ မျိုးဆက် (ငြိမ်းချမ်းရေးနှင့် ပွင့်လင်းလူ့အဖွဲ့အစည်း)၏ နိုင်ငံ ရေးရည်မှန်းချက်မှာလည်း နောင် အနာဂတ်တွင် တိုင်းရင်းသား အားလုံး ချစ်ကြည်ရင်းနှီးစွာ နေ ထိုင်နိုင်မည့် ဒီမိုကရေစီဖက်ဒရယ် ပြည်ထောင်စုပေါ်ပေါက်ရေးပင် ဖြစ်သည်။ ၂၀၁၅ ခုနှစ် ရွေး ကောက်ပွဲတွင် မိမိတို့အနေဖြင့် ထိုရည်မှန်းချက်ကို အကောင် အထည်ဖော်နိုင်မည့် ပါတီအဖွဲ့ အစည်းများအား ဝန်းရံပေးမည် ဖြစ်သည်ဟု ဖော်ပြခဲ့သည်။ နိုင်ငံ ရေး လေဝမ်းမကွဲသော သဘော ထားဖြစ်သည်ကို သတိပြုမိသည်။သို့ဆိုလျှင် အာဏာရပြည်ထောင် စုကြံ့ခိုင်ရေးနှင့် ဖွံ့ဖြိုးရေးပါတီ အနေဖြင့်လည်း ဒီမိုကရေစီဖက် ဒရယ်ပြည်ထောင်စုကို ဖော် ဆောင်မည်ဟု ထုတ်ပြန်ထား သည့်အလျောက် ၈၈ မျိုးဆက် (ငြိမ်းချမ်းရေးနှင့် ပွင့်လင်းလူ့ အဖွဲ့အစည်း)အနေဖြင့် ၂၀၁၅ ရွေးကောက်ပွဲတွင် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီကို ဝန်းရံလာမည့်သဘောအဓိပ္ပာယ် ကောက်ယူနိုင်သည်အထိ သက် ရောက်သွားနိုင်သည်။ နှုတ်တစ် ရာစာတစ်လုံးထုံးနှင့်အညီ ပြန် လည်သုံးသပ် ဆန်းစစ်သင့်ပါ ကြောင်း ဆော်ဩလိုပါသည်။
အမျိုးသားဒီမိုကရေစီအဖွဲ့ ချုပ်နှင့် ၈၈ မျိုးဆက် (ငြိမ်းချမ်း ရေးနှင့် ပွင့်လင်းလူ့အဖွဲ့အစည်း) တို့၏ နိုင်ငံရေးပူးတွဲကြေညာစာ တမ်းသည် ဖွဲ့စည်းပုံအခြေခံ ဥပဒေပြင်ဆင်ရေး၊ အမျိုးသား ပြန်လည်သင့်မြတ်ရေး၊ ပြည်တွင်းငြိမ်းချမ်းရေး၊ လွတ်လပ်၍တရား မျှတသော ရွေးကောက်ပွဲများ ကျင်းပနိုင်ရေး စသည့်နိုင်ငံရေး စိန်ခေါ်သံများ ဆူညံပွက်လော ရိုက်နေသည့်အခင်းအကျင်းတွင် တိုင်းရင်းသားပြည်သူလူထုကို ပျားရည်နှင့် ဝမ်းချသည့်သဘော ဘက်ကဲနေသည်ဟု သုံးသပ်နိုင် သည်။
အမျိုးသားဒီမိုကရေစီအဖွဲ့ ချုပ်အနေဖြင့် ညီညွတ်သော တိုင်းရင်းသားလူမျိုးများ မဟာမိတ် အဖွဲ့ဝင်တိုင်းရင်းသားပါတီများ အပါအဝင် အခြားဒီမိုကရက်တစ် နိုင်ငံရေးပါတီများနှင့် အကြိတ် အနယ်ဆွေးနွေးညှိနှိုင်းလျက် မူ ဝါဒ၊ လမ်းစဉ်၊ လုပ်ငန်းစဉ်များ ချမှတ်ကာ ပူးတွဲနိုင်ငံရေးကြေ ညာချက်ထုတ်ပြန်ပြီး လက်ငင်း နိုင်ငံရေးစိန်ခေါ်မှုများကို လက် ချင်းချိတ်အဖြေရှာနိုင်ရေးဦးစား ပေးသင့်သည်ဟု အကြံပြုလိုပါ သည်။
လက်ငင်းမြန်မာ့နိုင်ငံရေး စိန်ခေါ်မှုများကို ချဉ်းကပ်ဖြေရှင်း ရာတွင် တိုင်းရင်းသားလူမျိုးစုများ ၏ အခန်းကဏ္ဍသည် သော့ချက် ကျအရေးပါသည်ဟုဆိုသော်ငြား လည်း မေလ ၂၇ ရက်နေ့ထုတ် နိုင်ငံရေးပူးတွဲကြေညာစာတမ်း တွင် တိုင်းရင်းသားနိုင်ငံရေးပါတီ များနှင့်ပတ်သက်၍ တစိုးတစိမျှ ဖော်ပြထားသည်ကို မတွေ့ရှိရသောအခါ အံ့ဩတုန်လှုပ်ရသည်။
တိုင်းရင်းသားနိုင်ငံရေးသည် မြန်မာ့အပြောင်းအလဲ၏ ဆုံမှတ်ကြီးဖြစ်သည့်အချက်ကို ပညာရှိသတိဖြစ်ခဲလေ သည်လား ဝေခွဲမရနိုင်ခဲ့ပေ။ အကယ်စင်စစ် ပူးတွဲကြေညာစာတမ်းတွင် တိုင်း ရင်းသားနိုင်ငံရေးပါတီများနှင့် မဟာမိတ်ပြုလျက် လက်ငင်း နိုင်ငံရေးစိန်ခေါ်မှုများကို ကျော ချင်းကပ် ရင်ချင်းအပ်အဖြေရှာ မည့် ဖော်ပြချက်ပျောက်ဆုံးနေ သည်မှာ နိုင်ငံရေးအရ ကိုယ်ခံ အားနည်းမှုဟုပင် ကောက်ချက် ပြုရမည့်သဘော စောကြောစရာ ဖြစ်သည်။
အချုပ်အားဖြင့်ဆိုသော် အားကိုးရာမဲ့နေသော၊ ကူရာကယ် ရာမဲ့နေသော အောက်ခြေကျောမွဲ တိုင်းရင်းသားပြည်သူလူထု၏ ရင် ခေါင်းသံများကို အလေးထား ကိုယ်စားပြုမည့် နိုင်ငံရေးအတိုက်အခံများသည် ၂၀၁၆ ခုနှစ်အလွန် မြန်မာ့နိုင်ငံရေးအခင်းအကျင်း တွင် နည်းသည်ထက်နည်းလာ မည်လားဟု စိုးရိမ်စရာဖြစ်သည်။ နစ်နာသူများ၊ ဖိနှိပ်ခံရသူများ၊ မတရားပြုခံရသူများ၊ အနိုင်ကျင့် ခံရသူများဘက်မှ ပြတ်ပြတ်သား သားရပ်တည်မည့် နိုင်ငံရေး အတိုက်အခံများ အားနည်းနေ သရွေ့ မြန်မာ့နိုင်ငံရေးရှေ့ခရီး သည် ကြေညာချက်နိုင်ငံရေး နောက်ခံတွင် ထူးမခြားနားဇာတ် ကွက်ကိုပုံဖော်မည့် မဲပြာပုဆိုး ဝတ်ထားသည့် နိုင်ငံရေးလူရွှင် တော်များနှင့် နိုင်ငံရေးနှစ်ပါးသွား အဖြစ် လူထုအတွက်မဟုတ်။ လူတစ်စုအတွက်သာ စဉ်ဆက် မပြတ်အကျိုးပြုနေဦးမည်ကို စိုးရိမ်မိပါကြောင်း မီးမောင်းထိုး ဆော်ဩလိုက်ရပါသည်။
7Day News Journal
No comments:
Post a Comment