Friday, January 16, 2015

နိုင်ငံရေး ဗဟုသုတစစ်တမ်း


ပြောင်းလဲနေတဲ့ မြန်မာပြည်အကြောင်း နိုင်ငံသူနိုင်ငံသားတွေ ဘယ်လောက် နားလည်သဘောပေါက်တယ်ဆိုတာကို သိရှိနိုင်ဖို့အတွက် အမေရိကန် အခြေစိုက် Asian Foundation အဖွဲ့က စုံစမ်းပြီး လွန်ခဲ့တဲ့ ဒီဇင်ဘာလက စာမျက်နှာ တရာကျော်စစ်တမ်းကို ထုတ်ဝေထားပါတယ်။ မေလ က ဇွန်လအထိ တိုင်းနဲ့ပြည်နယ် (၁၄) ခုမှာ လူပေါင်း သုံးထောင်ကျော်ကို စိတ်ရှည်လက်ရှည် တွေ့ဆုံမေးမြန်းပြီး ရေးထားတဲ့ အစီရင်ခံစာဖြစ်ပါတယ်။ ပြည်သူလူထုဟာ စိတ်ထဲရှိတာကို ပြောရဲပေမယ့် အစိုးရသက်တမ်းနုပြီး ပြည်သူ့သဘောထား ကောက်ယူတဲ့ အစီအစဉ်မရှိခဲ့တာမို့ အများစုဟာ နိုင်ငံရေးဗဟုသုတ နည်းပါးကြတယ်လို့ ဆိုပါတယ်။
ပြည်သူတွေဟာ ဒီမိုကရေစီ လိုလားကြောင်းပြောဆိုပြီး မဲဆန္ဒပေးတဲ့အတွက် ပြောင်းလဲလာလိမ့်မယ်လို့ မျှော်လင့်ကြ ပါတယ်။ ဒါပေမဲ့ ဒီမိုကရေစီ တည်ဆောက်ရာမှာ လိုအပ်တဲ့ ကျင့်စဉ်နဲ့ မူဝါဒကို သိရှိနားလည်တဲ့နေရာမှာ အားနည်းနေ တယ်လို့ ဆိုပါတယ်။ ဒီမိုကရေစီရှိရင် လွတ်လပ်မယ်လို့ ထင်ပေမယ့် ပြည်သူ့ကိုယ်စားလှယ်ကတဆင့် အုပ်ချုပ်တဲ့စနစ် ဆိုတာကိုတော့ သဘောပေါက်သူ နည်းနေပါသေးတယ်။ ပြုပြင်ရေးကြောင့် ပြောင်းလဲလာတာကို ကြိုဆိုပေမယ့် လက်နက် ကိုင် ပဋိပက္ခ၊ အဂတိလိုက်စားမှု၊ စားဝတ်နေရေး ကျပ်တည်းမှု၊ လူမျိုးရေးအဓိကရုဏ်း စတာတွေကို အနုတ်လက္ခဏာ အဖြစ် မြင်ကြပါတယ်။

ကိုယ်ထူကိုယ်ထ ကြိုးစားမှ မိမိဘဝ တိုးတက်မယ်လို့ ပြည်သူတွေ ယုံကြည်ကြပေမယ့် တရားမျှတစွာ သာတူညီမျှ အခွင့်အရေး ခံစားနိုင်အောင် အစိုးရက အာမခံပေးရမယ်လို့ မျှော်လင့်နေပါတယ်။ ဒါပေမဲ့ အစိုးရနဲ့ ပတ်သက်တဲ့ ဗဟုသုတကတော့ အလွန်နည်းပါတယ်။ သမ္မတကို နိုင်ငံတော်အကြီးအကဲအဖြစ် နားလည်သူ (၉၀) ရာခိုင်နှုန်းရှိပေမယ့် အုပ်ချုပ်ရေး၊ ဥပဒေပြုရေး နဲ့ တရားစီရင်ရေး စတဲ့ အစိုးရဌာနတွေကို မသိနားမလည်သူတွေက (၈၀) ရာခိုင်နှုန်းကျော် ရှိနေပါတယ်။ သမ္မတကို ပြည်ထောင်စုလွှတ်တော်က ရွေးကောက်တင်မြှောက်တာ မသိဘဲ မဲဆန္ဒရှင် ပြည်သူလူထုက တင်မြောက်တယ်လို့ ယုံကြည်သူက တဝက်လောက်ရှိပါတယ်။ ပြည်ထောင်စုလွှတ်တော်က ဥပဒေပြုတာကို သိသူက (၁၅) ရာခိုင်နှုန်းသာရှိပြီး မသိသူက အများစု ဖြစ်ပါတယ်။ မေးမြန်းခံရသူ (၅၀) ရာခိုင်နှုန်းဟာ လွှတ်တော်ကို မသိသူတွေ ဖြစ်ပါတယ်။

ဒီထက်ပိုဆိုးတာက ပြည်ထောင်စုလွှတ်တော်ကိုယ်စားလှယ် (၂၅) ရာခိုင်နှုန်းဟာ စစ်တပ်ကိုယ်စားလှယ်တွေ ဖြစ်တယ်ဆို တာကို မသိသူတွေ အတော်များနေတာပဲ ဖြစ်ပါတယ်။ မေးမြန်းခံရသူ (၃၀၀၀) မှာ စစ်တပ်ကိုယ်စားလှယ် ရှိတာကို သိသူက (၄၅၀) ပဲ ရှိပါတယ်။ ပြည်နယ်နဲ့ တိုင်းလွှတ်တော်မှာ စစ်တပ်ကိုယ်စားလှယ် ရှိတာကိုလည်း တဝက်လောက်က မသိကြပါဘူး။ တိုင်းနဲ့ပြည်နယ်လွှတ်တော်က ဒေသကိုယ်စားလှယ်ရဲ့  အမည်ကိုသိသူက (၄) ရာခိုင်နှုန်းပဲ ရှိပါတယ်။ အများစုဟာ ကျေးရွာအုပ်ချုပ်ရေးမှုးရဲ့  အမည်ကိုပဲ သိကြပါတယ်။ ဒါပေမဲ့ ကျေးရွာအုပ်ချုပ်ရေးမှုးရဲ့  တာဝန်ကိုသိသူ (၃၀) ရာခိုင်နှုန်းကျော်သာ ရှိပါတယ်။ ဗဟိုအစိုးရ၊ တိုင်းနဲ့ ပြည်နယ်အစိုးရ နဲ့ ဒေသဆိုင်ရာ အုပ်ချုပ်ရေးဌာနတွေရဲ့  လုပ်ရပ် ဟာ ပြည်သူဘဝကို အကျိုးသက်ရောက်စေတယ် ဆိုတာကို နားလည်သူဦးရေ နည်းပါးနေပါတယ်။

အနှစ် (၅၀) စစ်တပ်က ဖိနှိပ်ထားတဲ့ လူ့အဖွဲ့အစည်းဖြစ်တာမို့ မဲဆန္ဒပေးဖို့ စိတ်ဝင်စားကြပေမယ့် နိုင်ငံရေးကို စိတ်မဝင် စားဘူးလို့ ဆိုပါတယ်။ နိုင်ငံရေးမှာ ပါဝင်မှုနဲ့ ဆွေးနွေးမှုကို အန္တရာယ်အဖြစ် မြင်ခဲ့တဲ့အကျင့်ဓလေ့ကို ဖျောက်ဖျက်နိုင်ဖို့ ခက်ခဲနေကြပုံရပါတယ်။ လူဦးရေ သုံးထောင်မှာ နိုင်ငံရေးစိတ်ဝင်စားသူက (၁၅၀) ပဲ ရှိပါတယ်။ 

မိတ်ဆွေအပေါင်းအသင်းနဲ့ နိုင်ငံရေးဆွေးနွေးသူက (၉၀) သာ ရှိပါတယ်။ အမျိုးသမီးထဲမှာ နိုင်ငံရေးစိတ်ဝင်စားသူ အနည်း ဆုံး ဖြစ်နေတာ တွေ့ရပါတယ်။ နိုင်ငံရေး စိတ်ဝင်စားရင် အာဏာပိုင်တွေ ငြိုငြင်မှာစိုးရိမ်လို့ အတိအလင်း ထုတ်ဖော်ပြော ဆိုဖို့ ဝန်လေးတာလည်း ဖြစ်နိုင်ပါတယ်။ 

အကြောင်းကတော့ နိုင်ငံရေးစိတ်မဝင်စားဘူးလို့ ပြောသူတွေဟာ ရွေးကောက်ပွဲကို စိတ်ဝင်စားနေလို့ပါ။ 

၂၀၁၀ ရွေးကောက်ပွဲမှာ (၉၅) ရာခိုင်နှုန်း မဲပေးကြပြီး ဒီနှစ်ရွေးကောက်ပွဲမှာလည်း မဲပေးကြပါလိမ့်မယ်။

စစ်အာဏာရှင်လက်အောက်မှာ နှစ်ပေါင်းများစွာနေခဲ့ရတဲ့ အကျိုးဆက်တခုကတော့ တဦးနဲ့တဦး အယုံအကြည် ကင်းမဲကြ တာ ဖြစ်ပါတယ်။ လူတွေကို မယုံရဘူးလို့ ယူဆသူ (၈၀) ရာခိုင်နှုန်း ရှိပါတယ်။ အစိုးရဌာနတွေထဲမှာတော့ တရားရုံးနဲ့ စစ်တပ်ကို ယုံကြည်သူ လူဦးရေးနည်းပါးပြီး သမ္မတရုံးကို ယုံကြည်သူက ပိုများနေတာ တွေ့ရပါတယ်။ အစိုးရရဲ့  ငြိမ်းချမ်းရေး ကြိုးပမ်းမှု အောင်မြင်နိုင်ဖွယ် ရှိတယ်လို့ မေးမြန်းခံရသူ အများစုက မြင်ပါတယ်။ ဒါပေမဲ့ ဖယ်ဒရယ်မူကို ကြားဖူးသူဦးရေ အလွန်နည်းပါတယ်။

အစိုးရပြုပြင်ရေးလုပ်ငန်းကို ထောက်ခံကြပေမယ့် မိသားစု စီးပွားရေးအခြေအနေ ကောင်းမွန်မလာတာကို စိတ်ပျက်နေကြ ပါတယ်။ အစိုးရယန္တရားအဆင့်ဆင့်ရဲ့  တာဝန်ဝတ္တရားတွေကို နားမလည်တဲ့အတွက် ဒေသပြဿနာကို ဖြေရှင်းဖို့ ဗဟိုအစိုးရ မှာ တာဝန်ရှိတယ်လို့ ယူဆကြပါတယ်။ 

ဒီမိုကရေစီဆိုတာ ပြည်သူရွေးကောက်တင်မြောက်ထားတဲ့ ပြည်သူ့ကိုယ်စားလှယ်က ပြည်သူ့အတွက် အုပ်ချုပ်တာဖြစ် လို့ ပြည်သူလူထုမှာ နိုင်ငံရေးဗဟုသုတ အနည်းနဲ့အများရှိဖို့ လိုအပ်ပါတယ်။ ဒါပေမဲ့ ဆန္ဒမဲပေးရတာ လွယ်ကူပြီး နိုင် ငံရေးစဉ်းစားရတာ ခေါင်းရှုပ်စရာ ဖြစ်နေလို့ အဓိက ပြဿနာကို မသိနားမလည်ဘဲ ဆန္ဒမဲပေးဖို့သာ စိတ်ထက်သန်နေတာ လည်း ဖြစ်နိုင်ကြောင်း တင်ပြလိုက်ရပါတယ်။

VOA

No comments:

Post a Comment

My Blog List