လူ့အခွင့်အရေးဆိုင်ရာအခြေအနေ စိုးရိမ်ပူပန်စရာအဆင့်ရှိနေကြောင်း ရန်ဟီးလီပြောကြား

မျိုးစောင့်ဥပဒေအပါ အ၀င် ဥပဒေကြမ်းအချို့၊ ကချင် ပြည်နယ်မှ တိုက်ခိုက်မှုများ၊ လက်ပံတောင်းတောင်စီမံ ကိန်းအပါအ၀င် မြေယာဆိုင်ရာပြဿနာများ၊ မီဒီယာ လွတ်လပ်ခွင့်၊ ရခိုင်ပြည် နယ်ရှိ အသိုက်အ၀န်းနှစ်ခုကြား ပဋိပက္ခ၊ နိုင်ငံရေး အကျဉ်းသား ဆိုင်ရာစသည်တို့အပါအ၀င် မြန်မာနိုင်ငံရှိ လူ့အခွင့်အရေးဆိုင်ရာ အခြေ အနေများမှာ စိုးရိမ်ပူပန် စရာအဆင့်၌ ရှိနေကြောင်း မြန်မာနိုင်ငံဆိုင်ရာ ကမ္ဘာ့ကုလသမဂ္ဂလူ့ အခွင့်အရေး အထူးကိုယ်စားလှယ် မစ္စရန်ဟီးလီကပြော ကြားသည်။
အထက်ပါဖြစ်ရပ်များထဲမှ အချို့ကို နိုင်ငံရေးပြုပြင်ပြောင်း လဲမှုလုပ်ငန်း စဉ်နောက်ကြောင်း ပြန်မှုအဖြစ်ပင် ရှုမြင်စေနိုင် ကြောင်း ဇန်န၀ါရီ ၁၆ ရက်တွင် ရန်ဟီးလီက ဆယ်ရက်ကြာ မြန်မာခရီးစဉ်အပြီး ပြုလုပ်သော သတင်းစာ ရှင်းလင်းပွဲ၌ ပြောကြားခဲ့ခြင်းဖြစ်သည်။

မကြာမီရက်ပိုင်းအတွင်းပြန်လည်စတင်တော့မည့် လွှတ် တော်၌ ဆွေးနွေးရန် ရှိနေသော ဥပဒေ ကြမ်းလေးခုနှင့် ပတ်သက်၍ စိုးရိမ်ပူပန်ကြောင်း ရန်ဟီးလီက ဆိုသည်။ မြန်မာအစိုးရနှင့် ဆွေးနွေး ပွဲတိုင်းတွင် ယင်းအချက်ကို ပြောကြားခဲ့ပြီး ယင်းဥပဒေမူ ကြမ်းများ ရေးဆွဲရာ၌ နိုင်ငံတကာလူ့အခွင့် အရေးစံသတ်မှတ် ချက်များကို ထည့်သွင်းထားပြီဖြစ်ပြီး ၎င်းကိုအာမခံကြသည်ဟုဆိုသည်။

‘‘ဒီဥပဒေကြမ်းတွေကို စေ့ စေ့စပ်စပ်စိစစ်ကြည့်ရှုဖို့နဲ့ ပိုစိတ် ရှည်သည်းခံပြီး အားလုံးပါဝင်တဲ့ အသိုက်အ၀န်း တစ်ခုတည် ဆောက်ရာမှာ တစ်ထောင့်တစ် နေရာကနေ ပါဝင်ဖို့ လွှတ်တော် ကိုယ်စားလှယ်တွေအားလုံး ကို တောင်း ဆိုပါတယ်’’ဟု ရန်ဟီးလီ ကပြောသည်။

ကိုးကွယ်ရာ ဘာသာကူး ပြောင်းခြင်းဆိုင်ရာ ဥပဒေ၊ လက်ထပ်ထိမ်းမြားခြင်း ဆိုင်ရာဥပဒေ၊ တစ်လင်တစ် မယားစနစ်ကျင့်သုံး ခြင်းဆိုင်ရာ ဥပဒေ၊ လူဦးရေတိုးပွားနှုန်းထိန်းညှိရေးဆိုင်ရာဥပဒေ စသည်တို့မှာ ဘာသာရေးအုပ်စု များအကြား ရှိနေသည့် တင်းမာ မှုများကို မီးလောင်စေလိမ့်မည်ဟု ၎င်းက ထောက်ပြ ခဲ့သည်။ ထို့ ကြောင့် လွှတ်တော်ကိုယ်စား လှယ်များအနေဖြင့် ယင်းဥပဒေ ကြမ်းများကို အလုံးစုံကန့် ကွက် ငြင်းဆိုရန် တိုက်တွန်းလိုက်သည်။‘‘ဒီဥပဒေကြမ်းတွေကို အတည်ပြုလိုက်ရင် အဲဒါက နိုင် ငံ ရေးပြုပြင်ပြောင်းလဲမှုမှာ နောက် ကြောင်းပြန်မှုကို ပြတဲ့ဟာတွေထဲက တစ်ခုအဖြစ်မြင်နိုင်ပါတယ်’’ဟု ၎င်းက ဆိုသည်။

တစ်နိုင်ငံလုံးအတိုင်းအတာ အပစ်အခတ်ရပ်စဲရေးသဘောတူ စာချုပ်ကို ဖေဖော် ၀ါရီတွင် ချုပ်ဆိုရန် ယုံကြည်ချက်ရှိကြောင်း အစိုးရက ရန်ဟီးလီကိုပြော ကြားခဲ့သည်ဟု ဆိုသည်။ တိုက်ပွဲ ငယ်များ၊ တိုက်ခိုက်မှုများ၊ တုံ့ ပြန်တိုက်ခိုက်မှုများသည် ၎င်း၏ ဆယ်ရက်ကြာမြန်မာနိုင်ငံခရီးစဉ် အတွင်း၌ ဖြစ် ပွားနေခဲ့ပြီး ရှမ်း ပြည်နယ်မြောက်ပိုင်းရှိ IDP စခန်းများသို့ သွားရောက်မည့်အစီအစဉ်မှာ သွားခါနီးနောက်ဆုံး မိနစ်မှာပင်ဖျက်လိုက်ရသည်ဟုဆိုသည်။

ကချင်ပြည်နယ်မှ တိုက်ပွဲ များနှင့် ပတ်သက်၍လည်း နှစ်ဖက်စလုံးမှ စစ်တပ် များအနေဖြင့် အရပ်သားများကို ထိခိုက်ဒဏ်ရာရစေခဲ့သော (သို့မဟုတ်) အသက်ဆုံးရှုံးစေခဲ့သော (သို့မဟုတ်) နိုင်ငံတကာလူသားချင်း စာနာထောက် ထားမှုနှင့် လူ့အခွင့်အရေးဥပဒေကို ချိုးဖောက်ခဲ့သော လတ်တလောဖြစ်စဉ်များ အကြောင်းကို ကြားသိခဲ့ရ ကြောင်း ထုတ်ပြန်သည်။ ပြည်သူ အား လုံး၏ အကျိုးစီးပွားအပေါ် အ လေးထားအာရုံစိုက်ပြီး အပစ်အ ခတ်ရပ်စဲရေးငြိမ်း ချမ်းရေးလုပ် ငန်းစဉ် သက်ဝင်ရေရှည်အောင် ဆောင်ရွက်ရန်အတွက် အင်အား စုအားလုံးကို တိုက်တွန်းသည်။

၎င်းသည် ရှမ်းပြည်နယ် မြောက်ပိုင်း၊ လားရှိုးမြို့သို့သွား ရောက်ခဲ့သလို ရခိုင်ပြည်နယ်သို့ လည်းသွားရောက် ခဲ့သည်။ ရခိုင်ပြည်နယ်ခရီးစဉ်အ ကြောင်း အသေးစိတ်မပြောကြား မီ ရိုဟင်ဂျာနှင့် ဘင်္ဂါလီဆိုသည့် စကားလုံးနှစ်လုံးနှင့် အငြင်းပွား ဖွယ်ကိစ္စကို ပြောကြားလိုကြောင်း ကုလလူ့အခွင့်အရေးအထူးကိုယ် စားလှယ်က စကားပလ္လင်ခံသည်။ယင်းစကားလုံးများသည် မတူ သည့်လူများ အတွက် မတူသည့် အဓိပ္ပာယ်အသွင်ဆောင်ပြီး တစ်ခုချင်းစီက မတူညီသော အကြောင်း ပြချက်များဖြင့် ဒေါသတရားနှင့် ချစ်စိတ်ကို ဖြစ်စေကြောင်း၎င်းက ဆိုသည်။

ရခိုင်ဗုဒ္ဓဘာသာ အများစုအတွက်မူ ရိုဟင်ဂျာဆို သည့်အသုံးအနှုန်းမှာ တိုင်းရင်း သားဖြစ်မှုဆိုသည့် အနေအထား တစ်ရပ်ကို ခိုင်မာစေသော သဘောနှင့် ညီမျှသည်။ ၎င်းတို့၏ မြေ၊ လုံခြုံရေးနှင့် စားဝတ်နေရေး ဆုံးရှုံးရမည်ကို ရခိုင်တို့က ကြောက်ရွံ့ကြသည်။ ရိုဟင်ဂျာ ဟု သတ်မှတ်သူများနေဖြင့်မူ ဘင်္ဂါလီဆိုသည့် အသုံးအနှုန်းမှာ ၎င်းတို့မွေးဖွားလာခဲ့သည့် အသိုက်အ၀န်းမှနေ၍ အဆက်ဖြတ်ခွဲ ခြားသည်ဟု မြင်ကြသည်။

မည်သည့်စကားလုံးသုံးနှုန်း ရမည်ဆိုသည့်ကိစ္စမှာ အရေးပါ သည့်ကိစ္စများ ခရီးပေါက်အောင် ဆောင် ရွက်ရေးကို တုံ့ဆိုင်းစေ သည်ဟု ၎င်းကထောက်ပြ သည်။ ဤကိစ္စမှာ အရေးမကြီးဟုပြော ခြင်းမဟုတ် ဘဲ ပြည်နယ်တစ်ဝန်း အရေးပေါ်လူသားချင်းစာနာ ထောက်ထားမှုနှင့် လူ့အခွင့်အ ရေးဆိုင်ရာလိုအပ် ချက်များ ဆက် လက်တည်ရှိရေးအပေါ်တွင်သာ အားလုံးအာရုံစိုက်ရန် တောင်း ဆို ကြောင်း ပြောသည်။

၎င်းကရခိုင်ပြည်နယ်သည်အကျပ်အတည်းရှိနေဆဲပင်ဖြစ်သည်ဟု မှတ်ချက်ချ ခဲ့သည်။

ယခင်က ဖွဲ့စည်းခဲ့သည့် နိုင်ငံရေးအကျဉ်းသားစိစစ်ရေး ကော်မတီအနေဖြင့် ၂၀၁၄ အတွင်း သုံးကြိမ် သာတွေ့ဆုံခဲ့သကဲ့သို့ အများပြည်သူသို့အစီရင်ခံစာလည်း မထုတ်ပြန်ခဲ့၍ ယင်းကော်မတီကို အစားထိုး ဖွဲ့စည်းလိုက်သည့် နိုင်ငံရေးအကျဉ်းသားများရေးရာ ကော်မတီအသစ်အနေ ဖြင့် ထိရောက်ပြီး အပြု သဘောဆောင်ကာ နိုင်ငံရေးဆိုင်ရာ အကြောင်းပြချက်များဖြင့် ဖမ်းဆီး ထိန်းသိမ်းခံခဲ့ရသူ အားလုံးကို လွှတ်ပေးရေး ဆောင်ရွက်ရန် အစိုးရကို တိုက်တွန်းကြောင်း ရန်ဟီးလီကပြောသည်။

လွတ်လပ်ပြီး အမှီအခိုကင်း သည့် မီဒီယာဆိုသည်မှာ ဒီမိုက ရေစီအသိုက်အ၀န်း တွင် အရေးပါသည့် လက္ခဏာတစ်ရပ်ဖြစ် ကြောင်း ပြောကြားပြီး မီဒီယာဆိုင်ရာ ဥပဒေများနှင့် ပတ်သက်၍ စိုးရိမ်ပူပန်ကြောင်း ထုတ်ဖော်ပြော ကြားခဲ့သည်။

ပညာရေး၊ ကျန်းမာရေး စသည့်ကဏ္ဍတို့ မြှင့်တင်ရန်အစီ အမံများ ဆောင် ရွက်နေသည့်အတွက် ၀မ်းမြောက်ပြီး ဤကဏ္ဍ တွင် နိုင်ငံတကာအသိုက် အ၀န်း နှင့်ပူးပေါင်းသည့်အတွက် အစိုးရကို ချီးကျူး ခဲ့သည်။

သို့သော်ဤအစီအစဉ်များ သည် ပွင့်လင်းမြင်သာပြီးလက်ခံ နိုင်စရာရှိသည့် အနေအထားတစ်ခုဖြင့် သက်ဆိုင်ရာအသိုက်အ၀န်း များနှင့် ကျယ်ပြန့် စစ်မှန်သည့် ညှိနှိုင်းတိုင်ပင်မှုများပါဝင်ရမည် ဖြစ်ကြောင်း လည်း ၎င်းကထပ်တ လဲလဲပြောကြားခဲ့သည်။

လာမည့် မတ်လ၌ ကုလ လူ့အခွင့်အရေးကောင်စီသို့တင် သွင်းမည့်အစီရင်ခံစာတွင် ယင်းအကြောင်းအရာ တို့ပါရှိမည်ဖြစ် ကြောင်း ရန်ဟီးလီကပြော ကြားခဲ့သည်

မစ္စရန်ဟီးလီ သတင်းစာရှင်းလင်းပွဲပြုလုပ်နေစဉ်(ဓာတ်ပုံ - နစ်ကီ)
7Day Daily