ဗိုလ်မှူးကျော်စွာဝင်းအား ထောင်ဒဏ်အပြစ်ပေးခြင်းသည် လူ့အခွင့်အရေး ချိုးဖောက်ခြင်းနှင့် လူသားတရပ်လုံးအား ခြိမ်းခြောက်ခြင်းဟု ဒါရိုက်တာအောင်မျိုးမင်းဆို

ဖွဲ့စည်းပုံပြင်ဆင်ရေး လက်မှတ် ရေးထိုးခဲ့သော ဗိုလ်မှူးကျော်စွာဝင်းအား ထောင်ဒဏ်အပြစ်ပေးခြင်းသည် လူ့အခွင့် အရေးချိုးဖောက်ခြင်းဖြစ်ပြီး လူသားတရပ်လုံးအား ခြိမ်းခြောက်ခြင်းဖြစ်သည်ဟု လူ့အခွင့်အရေး လှုပ်ရှားသူ Equal Myanmar မှ ဒါရိုက်တာဦးအောင်မျိုးမင်းက ဒီဇင်ဘာ ၉ ရက်တွင်New Watch သို့ ပြောသည်။

““ဗိုလ်ကြီးပဲဖြစ်ဖြစ်၊ ဗိုလ်မှူးပဲဖြစ် ဖြစ်၊ ဆိုက်္ကားသမားပဲဖြစ်ဖြစ်၊ လမ်းဘေး ဈေးရောင်းသူပဲဖြစ်ဖြစ် ကိုယ့် ယုံကြည်ချက် ကို လွတ်လပ်စွာထုတ်ဖော်ပြော ဆိုခွင့်ရှိပါ တယ်။ နောက်တခုကတော့ နိုင်ငံရဲ့အရေးမှာ နိုင်ငံသားတိုင်း ပါဝင်ခွင့်ရှိပါတယ်။ အခု လိုမျိုး ကိုယ့်ရဲ့ယုံကြည်တဲ့အချက်ကို ငြိမ်း ချမ်းစွာတင်ပြခြင်းကြောင့် အရေးယူမှုဟာ တကယ်မဖြစ်သင့်ပါဘူး။ ဒီလိုလုပ်ဆောင် တာက အဲဒီလူတဦးတယောက်အပေါ်မှာပဲ ထိခိုက်တာ၊ သက်ရောက်တာ မဟုတ်ဘူး။ တိုင်းပြည်ပြုပြင်ပြောင်းလဲမှုတွေဖြစ်ဖို့လုပ် တဲ့လူအားလုံးကို စိန်ခေါ်ခြင်းဖြစ်တယ်။ ပြီးတော့ လူတဦးတယောက်ကို လူ့အခွင့် အရေးကျင့်သုံးမှုကြောင့် အရေးယူခြင်းဟာ လူသားတရပ်လုံးအပေါ်မှာ ခြိမ်းခြောက် ခြင်းဖြစ်လို့ ဒါမျိုးဘယ်လိုမှ လက်ခံလို့မရ ဘူး””ဟု ယင်းက ပြောသည်။

မြန်မာနိုင်ငံ လူ့အခွင့်အရေးအခြေအနေသည် တဖက်တွင်တိုးတက်မှုရှိသလို တဖက်တွင်လည်း အသွင်ပြောင်းလာသော လူ့အခွင့်အရေးချိုးဖောက်မှု များနှင့်ပတ် သက်၍ စိုးရိမ်စရာများ ဆက်လက်ရှိနေ ကြောင်း အသွင်ပြောင်း လူ့အခွင့်အရေး ချိုးဖောက်မှုကို စစ်မက်ဖြစ်ပွားနေသော တိုင်းရင်းသားဒေသ များတွင်တွေ့ရကြောင်း၊ တိုင်းရင်းသားအမျိုးသမီးများ လုံခြုံမှုမရှိ ကြောင်း၊ ဘာသာရေး၊ လူမျိုးရေးကို အခြေခံပြီး အကြမ်းဖက်ဆူပူလှုံ့ဆော်မှုများ ကြောင့် ရပ်ရွာများတွင် ပဋိပက်္ခဖြစ်မှု ပိုမို များပြားလာပြီး နေအိမ်ဖျက်ဆီးခံရမှုများ မည်သည့်အချိန်တွင် ထပ်မံဖြစ်ပွားမည်ဆို သည့် စိုးရိမ်စိတ်နှင့် လူတဦးတယောက် ချင်း၏ လုံခြုံမှုထိခိုက်သောအရာများဖြစ် နေသည်မှာ စိုးရိမ်စရာတွေ့နေရကြောင်း ၎င်းက ဆက်ပြောသည်။

ဗိုလ်မှူးကျော်စွာဝင်းအား အရေးယူသည့်လုပ်ရပ်သည် မြန်မာနိုင်ငံပြုပြင် ပြောင်းလဲရေး အမှန်တကယ်ဖြစ် နေပြီလား ဆိုသော မေးခွန်းထုတ်စရာဖြစ် နေကြောင်း ဗိုလ်မှူးကျော်စွာဝင်းသည် ဖွဲ့စည်းပုံအခြေခံဥ ပဒေပြင်ဆင် ရေးတွင် စစ်တပ်၏အခန်း ကဏ္ဍလျှော့ချရန် ထောက်ခံခဲ့ခြင်းဖြစ်ပြီး ၎င်းင်းအချက်သည် စစ်တပ်နှင့် အစိုးရကိုယ် တိုင်ပြောဆိုနေသောအချက် သာဖြစ်ကြောင်း ယခုကဲ့သို့ ဖိနှိပ်မှုသည် စစ်အာဏာရှင် အုပ်ချုပ်ခဲ့သော လွန်ခဲ့သည့် နှစ် ၅၀ ကတည်းကရှိခဲ့ခြင်းဖြစ်ပြီး စစ်တပ်သည် နိုင်ငံရေး ကစားနေသည်လော သို့မဟုတ် အရေးယူပိတ်ဆို့မှုများ ရုပ်သိမ်းပေးရန်နှင့် နိုင်ငံခြားရင်းနှီးမြှုပ်နှံမှုများ နိုင်ငံတကာ အလှူရှင်များအား ဆွဲဆောင်ရန် လှည့်ဖြား ချက်များကို ရည်ရွယ်ချက်ရှိရှိလုပ်နေသည် လောဆိုသည့် မေးခွန်းထုတ်စရာရှိကြောင်း နယူးယောက်အခြေစိုက် လူ့အခွင့်အရေး စောင့်ကြည့်အဖွဲ့ (HRW) ၏ အာရှရေးရာ တာဝန်ခံ Brad Adams က VOA သို့ ပြောကြားခဲ့သည်။

၂၀၀၈ ဖွဲ့စည်းပုံအခြေခံဥပဒေ ပုဒ်မ ၄၃၆ ပြင်ဆင်ရေးအတွက် NLD ဦးဆောင်ပြီး ပြည်သူလူထုထံ ဆန္ဒပြုလက်မှတ်များကောက်ယူလှုပ်ရှားမှုတွင် ဗိုလ်မှူး ကျော်စွာဝင်းသည် ပြင်ဦးလွင်မြို့တွင် ပါဝင် လက်မှတ်ထိုးခဲ့သည်။ ၎င်းင်းကို ဧပြီလတွင် ဖမ်းဆီးခဲ့ပြီး ငါးလအကြာတွင် စစ်ခုံရုံးက ပုဒ်မ (၄၁) အမိန့်မနာခံမှုနှင့် ပုဒ်မ (၆၅) စစ်စည်းကမ်းဖောက်ဖျက်မှုဖြင့် ထောင် ဒဏ် ၂ နှစ် ချမှတ်ခဲ့ပြီး ယခုအခါ မန်္တလေး အိုးဘိုထောင်တွင် အကျဉ်းချထားသည်ဟု သိရသည်။

ဗိုလ်မှူးကျော်စွာဝင်းအား NLD မှ လူမှုအထောက်အကူပြု အကူအညီများ ပေးအပ်သွားဖြစ်ကြောင်း NLD လွှတ်တော်ကိုယ်စားလှယ် ဦးမင်းသူကပြော ကြားခဲ့ပြီး NLD လူမှုအထောက်အကူပြု အဖွဲ့သည် နိုင်ငံရေး အကျဉ်းသားများနှင့် ၎င်းင်းတို့၏ သားသမီးများအတွက် ကျန်းမာ ရေး၊ ပညာရေး ငွေကြေး အထောက်အပံ့ ပေးလျက်ရှိကြောင်း ထိုအဖွဲ့မှ သိရသည်။

ပြီးခဲ့သောလက အသတ်ခံခဲ့ရသော ကိုပါကြီးအမှုနှင့်ပတ်သက်၍ အမှုမှန်ပေါ် ပေါက်ရေးအတွက် မြန်မာနိုင်ငံ၏ အမျိုးသားလူ့အခွင့်အရေးကော်မရှင်၏ စုံစမ်း စစ်ဆေးမှုထုတ်ပြန်ချက်တွင် ကွဲလွဲမှုရှိနေ ကြောင်း၊ ပွင့်လင်းမြင်သာပြီး တိကျခိုင်မာ သည့် စုံစမ်းစစ်ဆေးမှု ထပ်မံပြုလုပ်ပေး ရန် နိုင်ငံတော်သမ္မတ ထံသို့ စာရေးသား ပေးပို့တိုင်ကြားသွားမည်ဖြစ်ကြောင်း ဇနီး ဖြစ်သူ မသန္တာက ပြောခဲ့သည်။ 

MCDF ခေါင်းဆောင် ကိုထင် ကျော်ကိုလည်း ငြိမ်းချမ်းစွာ စုပေါင်းတန်းစီ လှည့်လည်ခွင့် ပုဒ်မ(၁၈)၊ နိုင်ငံတော် အကြည်ညိုပျက်စေမှု ပုဒ်မ ၅၀၅(ခ)/၃၄ အရ မြို့နယ် ၁၂ မြို့နယ်မှ စုစုပေါင်း ထောင်ဒဏ် ၁၃ နှစ် ၄ လချမှတ်ခဲ့ ကြောင်း အရေးယူသောပုဒ်မများသည် လွဲမှားနေပြီး ဒီမိုကရေစီလမ်းကြောင်း သွား နေသော နိုင်ငံတွင် ပြန်လည်သုံးသပ်ဖို့ လိုအပ်နေသော ပြစ်ဒဏ်များဖြစ် ကြောင်း၊ အသေအချာ ပြန်လည်သုံးသပ်ပြီး တရား ဥပဒေစိုးမိုးရေးကို ပြန်လည်တည့်မတ်ဖို့ လိုကြောင်း၊ ချမှတ်သောပြစ်ဒဏ် များသည် လုံးဝတရားမျှတမှုမရှိကြောင်း ရှေ့နေများ က သုံးသပ်ဝေဖန်ကြသည်။ 

ကိုပါကြီးနှင့် ကိုထင်ကျော်မိသားစု အပါအ၀င် အကျဉ်းကျခံ သတင်း ထောက် များအား နိုဝင်ဘာ ၁၂ ရက်က တော်ဝင်နှင်းဆီတွင် ဟံသာဝတီဦးဝင်းတင် ဖောင်ဒေးရှင်း၏ ၁၇ ကြိမ်မြောက် ထောက်ပံ့ငွေပေး အပ်ခဲ့ပြီး NLD လူမှုအထောက် အကူပြုအဖွဲ့ကလည်း ကူညီမှုများပေးအပ် ခဲ့သည်ဟု သိရသည်။ ယခုအခါ ဗိုလ်မှူး ကျော်စွာဝင်းအား နိုင်ငံရေးအကျဉ်းသား တဦးအဖြစ် သတ်မှတ်ကာ နှစ်လတကြိမ် ကျင်းပသော ဟံသာဝတီဦးဝင်းတင်ဖောင် ဒေးရှင်းက ၎င်းင်း၏မိသားစုဝင်များကိုဖိတ် ခေါ်၍ ထောက်ပံ့ငွေပေးအပ် သွားမည်ဖြစ် ကြောင်း သိရသည်။

ကိုဗညား

News Watch(စောင့်ကြည့်သတင်းဂျာနယ်)