၁၀ သိန်းတန် အမှန်ဖြစ်ရန် တာဝန်

ဖွံ့ဖြိုးမှုအနိမ့်ကျဆုံး တိုင်းပြည်အဖြစ် စာရင်းဝင်ဆဲ မြန်မာနိုင်ငံတွင် လူတစ်ယောက်၏ တစ်နေ့ဝင်ငွေ ကျပ် တစ်ထောင်အောက်ရှိနေချိန်၌ နေပြည်တော်တွင် လစာကောင်းသည့် အလုပ်နေရာများ မကြာမီ ထွက်ပေါ် လာတော့မည်ဖြစ်သည်။

ထိုအလုပ်မှာ လစာချီးမြှင့်ငွေ တစ်လကျပ်ဆယ်သိန်း၊ နေ့တွက်စရိတ် နှစ်သောင်းဖြင့် တစ်လဆယ့်ခြောက် သိန်းခန့်ရရှိမည့် လွှတ်တော်ကိုယ်စားလှယ်အလုပ်ပင် ဖြစ်သည်။

လွှတ်တော်ကိုယ်စားလှယ်တစ်ဦး၏ လစာကြောင့် ယခင်က ကိုယ့်မြို့နယ်က ရွေးကောက်တင်မြှောက်လိုက် သည့် ကိုယ်စားလှယ်ဘယ်သူဘယ်ဝါမှန်းတောင် ရေရေရာရာမသိထားသည့် ပြည်သူများကြား လှုပ်လှုပ် ရှားရှားဖြစ်ကုန်သည်။ ဘွဲ့ရပညာတတ်တစ်ဦး အခြေခံလစာကျပ်တစ်သိန်းဖြင့် အလုပ်တစ်ခုရရန် ခက်ခက် ခဲခဲရှာဖွေနေရချိန်တွင် နေ့တွက်စရိတ်လည်း နှစ်သောင်းရမည်၊ တစ်လလျှင် လစာဆယ်သိန်းရပြီး လူရာဝင် မည့်အလုပ်က နိုင်ငံရေးအသိုင်းအ၀ိုင်းအတွင်းရှိ ပညာတတ်လူလတ်ပိုင်းများအတွက် စိတ်ကူးယဉ်စရာဖြစ် လာပြီ ဖြစ်သည်။

အထူးသဖြင့် ၂၀၁၅ ရွေးကောက်ပွဲကျင်းပရန် နီးကပ်လာချိန်တွင် လွှတ်တော်အတွင်းရှိ ကိုယ်ပျောက်အမတ် များ အပါအ၀င် ပါတီအသီးသီးမှာ ကိုယ်စားလှယ်လောင်းများအဖြစ် ၀င်ရောက်ယှဉ်ပြိုင်ခွင့်ရရေး အမတ်လောင်းအိပ်မက်များ မက်ကောင်းနေကြချိန်ဖြစ်သည်။

နိုင်ငံတကာက စောင့်ကြည့်နေသည်ဟု ပြောကြားထားသည့် ၂၀၁၅ ရွေးကောက်ပွဲသည် လွတ်လပ်ပြီး တရားမျှတခဲ့ပါက လွှတ်တော်ထဲသို့ အမျိုးသားဒီမိုကရေစီအဖွဲ့ချုပ်အပါအ၀င် ဒီမိုကရေစီအင်အားစုများ ရောက်ရှိလာမည် ဖြစ်သည်။ ထိုကိုယ်စားလှယ်လောင်းများဖြင့် စတင်မည့် ဒုတိယအကြိမ် လွှတ်တော် သက်တမ်းတွင် တစ်လဆယ်သိန်းတန် အမတ်လောင်းကို ပြည်သူများက သတိရှိရှိ၊ မှန်မှန်ကန်ကန် ရွေးချယ်ပေးရန်လိုသလို ပါတီတွေကိုယ်တိုင်ကလည်း အရည်အချင်းရှိသည့် ကိုယ်စားလှယ်များ ရှာဖွေထား ရမည့်အချိန်လည်း ဖြစ်သည်။

၂၀၁၅ တွင် မဲဆန္ဒနယ်အများစု၌ အနိုင်ရမည်ဟု အားလုံးက ခန့်မှန်းထားသည့် အမျိုးသားဒီမိုကရေစီ အဖွဲ့ ချုပ်ဥက္ကဋ္ဌ ဒေါ်အောင်ဆန်းစုကြည်က အရည်အချင်း ရှိပြီး အဆင့်အတန်းရှိသည့် ကိုယ်စားလှယ်လောင်း ကို ခက်ခက်ခဲခဲရှာဖွေရ မည်ဟု ပြောကြားခဲ့သည်။ ပထမအကြိမ် လွှတ်တော်သက်တမ်းအတွင်း ပြည်သူကို တိုက်ရိုက်အကျိုးပြုလှုပ်ခတ်သွားစေသည့် ပြုပြင်ပြောင်းလဲမှုမျိုးကို သိပ်မတွေ့ခဲ့ရဟု မျက်မှောက်ရေးရာ ဆောင်းပါးရှင် စည်သူအောင်မြင့် ကပြောသည်။

ထို့ကြောင့် လာမည့်ရွေးကောက်ပွဲတွင် ပြည်သူ့ဆန္ဒကို အမှန်အကျိုးပြုမည့် ဆယ်သိန်းတန် လွှတ်တော် ကိုယ်စားလှယ်များကို ရွေးချယ်ရန် ပါတီများက သေချာပြင်ဆင်ရတော့မည်ဟု သတင်းစာဆရာ စည်သူအောင်မြင့်က ပြောသည်။

‘‘ဒီမိုကရေစီနည်းလမ်းကျတဲ့ ပါတီဆိုရင် ပါတီကလည်း သူ့မူနဲ့သူရွေးပေါ့။ ဒုတိယတစ်ချက်က သူတို့ပါတီထဲက လူတွေကိုယ်တိုင် အဆိုပြုတာမျိုးကိုလည်း လက်ခံဖို့လိုတယ်။ ဥပမာ ဗဟန်းဆို အမတ်လောင်းရွေးချယ်ထားတာရှိသလို ပါတီထဲက နောက်တစ်ယောက်ကို အဆိုပြုတာကိုလည်း လက်ခံရမယ်။ ပါတီတွင်းရွေးကောက်ပွဲလေး ပြန်လုပ်ပြီးတင်တာပေါ့’’ဟု ၎င်းကပြောသည်။

လစာဆယ်သိန်းနှင့် ထိုက်တန်သည့် လွှတ်တော်ကိုယ်စားလှယ်မှာ လက်ချိုးရေတွက်၍ပင် လက်နှစ်ဖက် မပြည့်ခြင်းကြောင့် လက်တစ်ဆုပ်စာလူနည်းစုအတွက် ပြည်သူ့ပိုက်ဆံများစွာ မသုံးသင့်ကြောင်း ရန်ကုန် တိုင်းဒေသကြီး လွှတ်တော်ကိုယ်စားလှယ် ဒေါက်တာညိုညိုသင်းက ပြောသည်။

ဇန်န၀ါရီတွင် ပြန်လည်ကျင်းပမည့် လွှတ်တော်၌ လွှတ်တော်ကိုယ်စားလှယ်များ၏ တိုးမြှင့်လစာများအပါ အ၀င် ၂၀၁၅-၂၀၁၆ ဘဏ္ဍာရေးနှစ်အတွက် ဘတ်ဂျက်များကို ဆွေးနွေးကြမည်ဖြစ်သည်။ ထို့ပြင် ၁၄ သိန်းခန့်ရှိသည့် ၀န်ထမ်းများ၏ လစာကိုလည်း တိုးမြှင့်သင့်ကြောင်းအဆိုကို ပြည်ထောင်စု လွှတ်တော်က အတည်ပြုထား၍ ၀န်ထမ်းလစာတိုးရေးကိုလည်း ဆွေးနွေးကြ မည်ဖြစ်သည်။

ဝန်ထမ်းများလစာတိုးရန်မှာ တိုင်းပြည်ဝင်ငွေ၊ လည်ပတ်နေသည့် ငွေကြေး ပမာဏ၊ ငွေကြေးဖောင်းပွမှုတို့ ကိုပါ ထည့်တွက်ရမည်ဖြစ်ပြီး ၀န်ထမ်းမ ဟုတ်သည့် ကျန်တောင်သူလယ်သမား၊ အခြေခံလူတန်းစား၊ ပြင်ပပုဂ္ဂလိက ၀န်ထမ်းများ ရင်ဆိုင်ကြရမည့် ကုန်ဈေးနှုန်းကြီးမြင့်မှုဒဏ်ကိုလည်း ထည့်သွင်းစဉ်းစားပေးစေ လိုကြောင်း ဘဏ္ဍာရေးဝန်ကြီးဦးဝင်းရှိန်က လွှတ်တော်သို့ လာရောက်ရှင်းလင်းပြောကြားခဲ့သည်။

‘‘အစိုးရလူကြီးတွေကလည်း လစာဝင်ငွေတွေ ကောင်းကြတယ်။ လွှတ်တော်အမတ်မင်းတွေလည်း လစာတွေတိုးဖို့ အတည်ပြုလိုက်ပြီ။ အစိုးရ၀န်ထမ်းတွေလည်း မကြာခင်မှာ လခတိုးတော့မယ်။ ကျွန်မတို့ လို ပြင်ပ၀န်ထမ်းလခစားနဲ့ နေ့စားအလုပ်သမားတွေ လယ်သမားတွေအတွက် ကတော့ တိုးလာတဲ့ ကုန်ဈေးနှုန်း၊ အခွန်၊ နေထိုင်မှုစရိတ်မြင့်မားတာနဲ့ စိတ်ဖိစီးမှုတွေပဲ တိုးလာတယ်။ နည်းနည်းပါးပါးလည်း စဉ်းစားသင့်ပါတယ်’’ဟု အသက်(၂၈)နှစ်အရွယ် ပုဂ္ဂလိက၀န်ထမ်းတစ်ဦးဖြစ်သည့် မအေးချမ်းမိုး ကပြောသည်။

လွှတ်တော်ကိုယ်စားလှယ်များ၏ လစာတိုးမြှင့်တောင်းခံခြင်းတွင် ကိုယ်စားလှယ်များက သမ္မတ၊ ၀န်ကြီး၊ လွှတ်တော်ဥက္ကဋ္ဌတို့၏ လစာနှင့် နှိုင်းယှဉ်ပြောနေကြခြင်းဖြစ်သည်။ ထိုသူတို့၏လစာကို စစ်အစိုးရ လက်ထက်ကတည်းက ရေးဆွဲပြဋ္ဌာန်းခဲ့ခြင်းဖြစ်ပြီး လွှတ်တော်အနေဖြင့် ထိုလစာတို့နှင့် နှိုင်းယှဉ်ခြင်းထက် တိုင်းပြည်နှင့် လိုက်လျောညီထွေဖြစ်သည့် လစာစနစ်ကိုသာ ပြောသင့်ကြောင်း စည်သူအောင်မြင့်က ပြောကြားသည်။

‘‘လွှတ်တော်အမတ်တွေမှ လစာမလောက်တာမဟုတ်ဘူး။ တခြားသူတွေလည်း မလောက်ဘူး။ တခြားပြည် သူတွေကိစ္စကို စဉ်းစားတဲ့နေရာမှာလည်း လစာတိုးတာတစ်ခုတည်းကိုပဲ အရေးတယူလုပ်နေတာလည်း သိပ်တော့မှန်တယ်မထင်ဘူး’’ဟု ၎င်းကပြောသည်။

ဘောဂဗေဒသဘောအရ ငွေကြေးဖောင်းပွမှုနှုန်း၊ ဘတ်ဂျက်လိုငွေပြမှု၊ အခွန်ငွေကောက်ခံရရှိမှုနှင့် တိုင်းပြည်ဝင်ငွေတိုးရေး စသည့်အချက်များကို မစီစဉ်ဘဲ လစာတိုးပါက တကယ်တမ်းလစာတိုးခံစားခွင့်ကို မည်သူမျှအကျိုးခံစားရမည် မထင်ကြောင်း စည်သူအောင်မြင့်က ပြောကြားသည်။

တိုင်းပြည်၏ အမြင့်ဆုံးဥပဒေပြုအဖွဲ့အစည်းအနေဖြင့် အစိုးရအဖွဲ့၏ ခံစားမှုနှင့် တန်းညှိတောင်းဆိုခြင်းကို လက်ခံသော်လည်း တိုင်းပြည်ကို အဆင့်တစ်ခုတွင် မထားနိုင်သေးချိန်၌ အစိုးရရော လွှတ်တော်ကိုယ်စား လှယ်များပါ များပြားသည့် လစာငွေကို မခံစားသင့်ကြောင်း ပူတာအိုသိပ္ပံနှင့်နည်းပညာသင်တန်းကျောင်း ကျောင်းအုပ်ကြီး ဦးဝင်းမင်းစန်းကပြောသည်။

‘‘တိုင်းပြည်က ဆင်းရဲနေလို့ ဒီလစာတွေမစားသင့်ဘူး။ လွှတ်တော်နှစ်ဆက်လောက် တိုင်းပြည်အတွက် အနစ်နာခံပြီးမှ လျှော့ပေါ့ခံစားသင့်ပါတယ်။ နောက် ၀န်ထမ်းလစာတိုးတဲ့ကိစ္စ။ အောက်ခြေ၀န်ထမ်းနဲ့ တော်တန်ရုံဝန်ထမ်းတွေ ဘ၀မြှင့်တင်ဖို့က လစာတိုးပေးရုံနဲ့ မသင့်တော်ဘူး။ ၀န်ထမ်းတွေရဲ့ အခြေခံလို အပ်ချက်တွေကို မဖြည့်ဆည်းဘဲ လစာတိုးပေးရုံနဲ့ ဖြေရှင်းရင် သူတို့ဘ၀က တက်လာတဲ့ ကုန်ဈေးနှုန်းနဲ့ပဲ ချာလပတ်ရမ်းနေမှာပဲ’’ဟု ၎င်းကပြောသည်။

ဆယ်သိန်းတန်ကိုယ်စားလှယ်အဖြစ် ထိုက်တန်ကြောင်း ပြည်သူအသိအမှတ်ပြုမိစေရန် အလုပ်ပိုလုပ်ရန်လို အပ်ကြောင်း ၎င်းကဆက်လက်ပြောသည်။

‘‘ဖွံ့ဖြိုးမှုနှေးကွေးတဲ့ နယ်တွေက လွှတ်တော်အမတ်တွေဆိုရင် ပိုပြီးတော့ အလုပ်လုပ်ပြသင့်ပါတယ်။ လွှတ်တော်တစ်ဆက်သာ ပြီးသွားတော့မယ်။ ကျွန်တော့်ပူတာအိုက အရင်အတိုင်းပဲ။ လမ်းပန်းဆက် သွယ်ရေး ခက်ခဲမြဲခက်ခဲနေဆဲ၊ တယ်လီဖုန်းဆက်သွယ်ရေး ခက်ခဲမြဲခက်ခဲနေဆဲပဲ။ အစိုးရအဖွဲ့ကလည်း ပူးပေါင်းလုပ်ဆောင်မှု အားနည်းတာလည်းပါတာပေါ့’’ဟု ကျောင်းအုပ်ကြီးက ၎င်းတာဝန်ထမ်းဆောင် ရသည့် ပူတာအိုဒေသနှင့် နှိုင်းယှဉ်ပြောကြားသည်။

လွှတ်တော်ကိုယ်စားလှယ်များ၏ အဆင့်အတန်းနှင့် အဆောင်အယောင်အတွက် ယခုလစာမှာ ထိုက် တန်ပြီး လွှတ်တော်အမတ်လစာမှာလည်း ဘတ်ဂျက်တွင် တခြားသောစီမံကိန်းများနှင့်ယှဉ်ပါက ပြောပ လောက်စရာပမာဏပင် မရှိကြောင်း ပြည်သူ့လွှတ်တော် လွှတ်တော်အခွင့်အရေးကော်မတီအတွင်း ရေးမှူး ဒေါက်တာစိုးရင်ကပြောသည်။

ထို့အပြင် လွှတ်တော်ကိုယ်စားလှယ်များက ကိုယ်ရမည့်လစာကို ဥပဒေရေးဆွဲ တင်ပြရန် မသင့်ကြောင်းနှင့် ပြည်သူ့အတွက် အရေးကြီးသည့် ဥပမာ၊ ဥပဒေပြင်ဆင်ပြဋ္ဌာန်းရေးများကို လျင်မြန်အောင်လုပ်သင့်ကြောင်း ဝေဖန်မှုများအပေါ် ယင်းက ‘‘လွှတ်တော်ဆိုတာ ဥပဒေပြုရေးလေ။ ဥပဒေကို လွှတ်တော်ကိုယ်စားလှယ် တွေကမဆွဲလို့ ဘယ်သူကဆွဲမှာလဲ။ ဥပဒေပြင်တယ်ဆိုတာ မြန်အောင်လုပ်ရင် အမှားပါသွားမယ်။ ပြီးတော့ လူအင်အားနဲ့မမျှတတာကြောင့်လည်း ကြန့်ကြာတာရှိတယ်။ ဒါတောင် ဒီလွှတ်တော်သက်တမ်းမှာ ဥပဒေ တွေမနည်းဘူးလေ။ ပြင်ဆင်ပြဋ္ဌာန်းခဲ့တာပဲ’’ဟု ၎င်းကပြောသည်။

လွှတ်တော်ကိုယ်စားလှယ်များတွင်လည်း လစာမလောက်ငခြင်းကို လက်ခံနားလည်နိုင်သည်။ သို့သော် ရယူမှုတိုင်းအတွက် ထိရောက်သည့် ပေးဆပ်မှုများ ပြန်ပေးရန်လည်း လိုအပ်ကြောင်း အင်္ဂပူမြို့နယ်မှ ဆရာဝန်ဒေါက်တာ နန္ဒ၀င်း (ဆေး-၁) ကပြောသည်။

‘‘ရတဲ့ထောက်ပံ့ငွေကို ခေါက်ဆွဲပြုတ်စားစုပြီး ဆေးကျောင်းတက်နေတဲ့သားကို ထောက်ပံ့နေရတဲ့ ဆရာဝန် အမတ်တစ်ယောက်ကို တွေ့ဖူးပါတယ်။ အမတ်တွေ ဘက်ကလည်း ထိုက်တန်တဲ့အမတ်တွေဖြစ်အောင် ကြိုးစားဆောက်တည်ဖို့ လိုသလို ပြည်သူတွေက အရည်အချင်းပြည့်အမတ်တွေကို ရွေးချယ်မိစေဖို့ အမှန်တကယ် ရွေးကောက်ပွဲ Process မှာ စိတ်ဝင်စားရန် လိုအပ်ပါတယ်’’ဟု ၎င်းကပြောသည်။

လစာနှင့် ခံစားခွင့်တို့ကို တိုးမြှင့်တောင်းဆိုလိုက်သည့် ပြည်သူ့လွှတ်တော်၊ အမျိုးသားလွှတ်တော်၊ တိုင်းဒေ သကြီး (သို့မဟုတ်) ပြည်နယ်လွှတ်တော် အပါအ၀င် တိုင်းဦးစီးအဖွဲ့ဝင် ကိုယ်စားလှယ်တို့ ၂၀၁၅ ဧပြီတွင် စတင်ခံစား ရမည့် လစာနှင့် အဆောင်အယောင်တို့ အမှန်တကယ် ထိုက်တန်မှု ရှိ၊ မရှိကို အလုပ်နှင့်ပြ ရမည့်အချိန်လည်းဖြစ်သည်။

7Day News Journal