ကရင်အမျိုးသားစည်းလုံးရေးနှင့် ငြိမ်းချမ်းရေးကော်မတီ(KUPC)နှင့် နိုင်ငံရေးပါတီအသီးသီးက ပြည်ထောင်စု လွှတ်တော် တတ်ရောက်နေတဲ့ ကရင်တိုင်းရင်းသား လွှတ်တော်ကိုယ်စားလှယ် တွေ တောင်ငူမြို့မှာ အောက်တုိုဘာ ၄ ရက်နေ့က တွေ့ဆုံခဲ့ပါတယ်။
တံခါးပိတ်ဆွေးနွေးခဲ့ကြပြီး ဆွေးနွေးပွဲကို ကေအဲန်ယူ ဗဟိုကော်မတီဝင် ပဒိုမန်းငြိမ်းမောင်၊ တိုင်းဒေသကြီးများမှ ကရင် တိုင်းရင်းသားရေးရာဝန်ကြီးများ၊ ကရင်ပြည်သူ့ပါတီမှ ဒုဥက္ကဋ္ဌနှင့် ကရင်တိုင်းရင်းသား လွှတ်တော် ကိုယ်စားလှယ် များ တတ်ရောက်ခဲ့ကြပါတယ်။
ဆွေးနွေးပွဲမှာ အနယ်နယ်အရပ်ရပ်က ကရင်လူမျိုးများ ကရင်အမျိုးသားစည်းလုံးရေးနှင့် ငြိမ်းချမ်းရေးအတွက် အထောက် အကူပြုနိုင်ရေးအတွက် KUPC နဲ့ လွှတ်တော်တတ်ရောက်နေ တဲ့ ကရင်တိုင်းရင်းသား လွှတ်တော်ကိုယ်စား လှယ်တွေ ပူးပေါင်းဆောင်ရွက်ရေး တုိုက်တွန်းဖုို့၊ အပစ်ရပ်အတွက် နှစ်ဖက်လုံး စိတ်ရှည်သည်းခံရေးနဲ့ ကရင်တိုင်းရင်းသားတွေ အခြေခံ လူ့ အခွင့်အရေး ရရှိရေးနဲ့ ကရင်လူငယ်တွေ အနာဂတ် သာယာလှပစေဖို့ လွှတ်တော်အတွင်းက ကရင်တိုင်း ရင်းသား လွှတ်တော်ကိုယ်စားလှယ်တွေက လွှတ်တော်အတွင်းကနေ ကြိုးပမ်း ဆောင်ရွက်သွားဖုို့ သဘာပတိအဖွဲ့က အတည်ပြုဆုံးဖြတ်ခဲ့ကြကြောင်း ကေအဲန်ယူ ဗဟိုကော်မတီဝင် ပဒိုစောလှထွန်းက ပြောပါတယ်။
DVB
No comments:
Post a Comment